Skip to Content

23 DE ABRIL 2020: DÍA DO LIBRO

Desde o Departamento de Física e Química do IES LUCUS AUGUSTI convidámosvos a sacar un billete virtual de tren para que vos leve cerca ou lonxe, a onde vós queirades, a  onde  vos  achegue a  lectura que elixades  porque “para  viaxar  lonxe,  non  hai  mellor nave ca un libro” (Emily Dickinson).

Suxestións de lecturas

Notas da 2ª avaliación

Informamos ás familias que para poder ver as notas da 2ª avaliación teñen que acceder a través da plataforma Abalar. Aqueles que aínda non teñen instalada esta aplicación pódeno facer dende a seguinte ligazón, na que tamén hai unha pequena guía para o seu manexo. As notas vanse publicar o venres 3 de abril.

Ligazón

Axudas de carácter directo ás familias do alumnado beneficiario de bolsas de comedor escolar

Orde do 27 de marzo de 2020 pola que se establecen as bases reguladoras das axudas de carácter directo ás familias do alumnado beneficiario de bolsas de comedor escolar nos centros públicos non universitarios xestionados por esta consellería durante a situación de suspensión do servizo de comedor como consecuencia do COVID-19, co levantamento dos prazos de suspensión do procedemento (código de procedemento ED601B).

Ligazón

INFORMACIÓN PARA O ALUMNADO REFERENTE Ó PERÍODO DE SUSPENSIÓN DAS CLASES

O profesorado vai colocar na aula virtual cursos con contidos para continuar co traballo durante este período. Para aqueles casos nos que se manden exercicios  ou información puntuais tamén hai na páxina do centro un sitio,"NA CASA", no que se pode ver e descargar ese material.

Recordarlle ó alumnado que debe estar pendente da información que se vaia publicando na páxina do centro.

PROCESO DE ADMISIÓN

Amplíase provisionalmente o prazo de presentación telemática e presencial de solicitudes de admisión, que finalizará 1 semana despois do reinicio das clases.

Recoméndase a utilización preferente da modalidade telemática para a presentación das solicitudes.

 Instrucións

INFORMACIÓN SOBRE A SUSPENSIÓN DAS CLASES

A dirección do IES Lucus Augusti informa ás familias de que o profesorado irá poñendo a disposición do alumnado a información necesaria e o material que estimen oportuno nas distintas plataformas: aula virtual, páxina do centro, EVA ou calquera medio telemático que os docentes acorden co seu alumnado. No período de suspensión de clases non se van facer exames e o profesorado vai estar á disposición do alumnado. Aconsellamos mirar a páxina do centro para informarse de calquera novidade.

 

Información da Consellería de educación.

Distribuir contido


by Dr. Radut