Skip to Content

”Exploración tripulada dos últimos confíns do planeta. Baixada á Foxa das Marianas"

 O enxeñeiro aeronáutico Héctor Salvador Fouce, vai impartir este xoves 12 ás 16:00 horas no salón de actos do IES Lucus Augusti, unha conferencia co título:”Exploración tripulada dos últimos confíns do planeta. Baixada á Foxa das Marianas", dentro do programa de actividades Stembach. Este lucense, que foi alumno do centro, comezou a súa carreira profesional na Axencia Espacial Europea como enxeñeiro aeronáutico, pero a primeira vez que se mergullou no mar decidiu dar un xiro radical e dedicarse á exploración dos océanos como piloto e enxeñeiro de submarinos tripulados. Nos dez anos que leva no sector, acumula máis de 2.000 inmersións en tódolos mares do planeta, entre as que destaca o descenso ó Abismo da Serea na Foxa das Marianas, a 10.706 metros de profundidade, converténdose no primeiro español en chegar ó máis fondo do noso planeta.

Héctor é director de operacións de Triton Submarines EMEA, consultor marítimo da Real Liga Naval Española, Académico correspondente da Real Academia de la Mar, numerario da Real Sociedad Geográfica e membro do Explorers Club de Nova York.

DEPARTAMENTO DE FILOSOFÍA III PREMIO DE ENSAIO FILOSÓFICO

En sesión celebrada no IES LUCUS AUGUSTI o 25/04/2022 reúnese o xurado do III Premio de Ensaio Filosófico, composto por profesorado dos Departamentos de Filosofía e Orientación e redactores da revista colaboradora “Hechos Mínimos”. Tras avaliar os sete traballos presentados, o xurado decide fallar os seguintes premios:

PRIMEIRO PREMIO: para “EL TRANSHUMANISMO”, presentado por Maxime Toirán Toirán, de 2º Bach B.

SEGUNDO PREMIO: para “COMPETICIÓN TECNOLÓGICA”, presentado por Andrea Pérez Montero, de 1º Bach B.

TERCEIRO PREMIO: para “LA TECNOLOGÍA VISTA DESDE LAS MANIFESTACIONES ARTÍSTICAS HUMANAS”, presentado por Kamil Anni Medina Rordríguez, alumna de 2º Bach A.

Fallo

Entrega de premios

Publicación das listaxes provisionais de persoas admitidas

O venres 22 de abril publicáronse no taboleiro de anuncios do IES Lucus Augusti as listaxes provisionais de persoas admitidas e non admitidas.

 

CONVOCATORIA BECAS MINISTERIO PARA O CURSO 22/23

Para o próximo curso 2022-2023 o ministerio adiantou o prazo para solicitar a bolsa da convocatoria xeral. Os interesados poden saber se reúnen os requisitos e ler a convocatoria entrando nas ligazóns que se achegan.

Prazo do 30 de marzo ó 12 de maio, precísase de sinatura electrónica.

Becas

www.educacionyfp.gob.es

Cartaz informativo

Documental: PEREGRINAS, MULLERES NO CAMIÑO DE SANTIAGO

O Departamento de Filosofía proxecta o vindeiro 1 de abril no salón de actos do IES Lucus Augusti o documental PEREGRINAS, MULLERES NO CAMIÑO DE SANTIAGO, presentado polo maxistrado e escritor José Antonio Vázquez Taín.

O documental amosa o Camiño de Santiago a través das experiencias de mulleres peregrinas en distintos momentos históricos. Ademais de desvelar curiosidades dos camiños Primitivo, Francés, Inglés e Portugués, a obra achega unha visión novidosa do Roteiro Xacobeo a partir das vidas das mulleres protagonistas.

Charla sobre HUMANIDADES DIXITAIS

O 17 de marzo o Departamento de Filosofía organizou para alumnado de Bacharelato unha charla sobre HUMANIDADES DIXITAIS, impartida pola xornalista e profesora da USC María Valcárcel.

Na charla puidemos comprobar que a cultura humanística e a cultura dixital non están tan afastadas como ás veces se presentan. No mundo de hoxe é necesario pensar nesa confluencia e na charla descubrimos algunhas das ferramentas para facelo.

Distribuir contido


by Dr. Radut