IES Lucus Augusti

Neste mes de xaneiro de 2024, acompañados por profesores de Economía e Filosofía, sendos grupos de alumnado de Formación e Orientación Persoal e Profesional de 4º ESO asistiron aos Xulgados de Lugo, dentro do programa Educar en Xustiza, para asistir a diversos xuizos penais. Casos de furtos, roubos, lesións leves, agresións, danos, denuncias falsas entre outros foron presenciados para achegar o alumnado ao funcionamento dun tribunal de xustiza: as actuacións de xuices/as, fiscáis e abogados/as defensores, a existencia ou non de acusación particular, as declaracións de testemuñas e peritos, a conexión en remoto con outros xulgados ou prisións..., todo iso forma parte dunha experiencia de gran interés, que se completa con explicacións didácticas e respostas ás preguntas do alumnado.

Imaxes

A Vicepresidencia da Deputación renovou por dez anos a cesión do mapa de Fontán ao IES Lucus Augusti. O mapa estivo no Pazo de San Marcos, sede do instituto de Lugo cidade nas primeiras décadas do século pasado, e alí quedou cando a actividade docente cambiou de emprazamento. Foi atopado e restaurado por persoal do Museo de Lugo, dependente da Deputación, e no 2009 acordouse cedelo ao IES Lucus Augusti, onde se expón.

Ler máis

Catro alumnas de Dinamarca estiveron durante dúas semanas de intercambio no IES Lucus Augusti. O programa de intercambio entre España e Dinamarca foi asinado para fortalecer a cooperación en aspectos lingüísticos e educativos. As alumnas danesas seguiron o horario académico, participaron en actividades culturais, visitas á cidade e horas libres; as familias anfitrioas ofrecéronlles a oportunidade de coñecer outra cultura e familiarizarse con ela. Esta visita permite que alumnado do centro poda ir a un instituto de Dinamarca a vivir a cultura educativa e escolar danesa.

Ler máis