blogue deadmin
Resultados das eleccións ao Consello Escolar - 2018
Enviado por admin o Mér, 28/11/2018 - 19:34Estes son os resultados das eleccións ao Consello Escolar celebradas este martes, 27 de novembro.
PAIS, NAIS, TITORES LEGAIS | |
Candidaturas electas | Juan Manuel López López |
Mª Beatriz Cepeda Cárdenas | |
Suplentes | Lara Cuervo Álvarez |
ALUMNADO | |
Candidaturas electas | Lara Cristobo Vilar |
Martina Romero Pérez | |
Suplentes | Uxío López Martínez |
Paola Alonso Rivera | |
Ana Cancela Varela | |
Juan Pena García | |
Andrea García García | |
Helena Castiñeira Pérez | |
Elisabeth Bejarano Bouza | |
Sabela Martínez Ferrer |
PROFESORADO | |
Candidaturas electas | Begoña Allegue Rodríguez |
Francisco Canoura Quintana | |
Begoña Gómez Díaz | |
Suplente | Mario Soto López |
Poderanse presentar reclamacións por un prazo de quince días perante o Delegado Provincial da Consellería de Educación e Ordenación Universitaria
Polo bo trato (25 de novembro)
Enviado por admin o Lun, 26/11/2018 - 19:21O acto conmemorativo en contra da violencia de xénero tivo lugar no salón de actos a quinta hora do pasado venres. Mario e Uxía conduciron o evento que se abriu coa actuación de Elsa, Uxía, Lia, Helen, Ana e María. A continuación proxectamos o video do alumnado de 2° ESO de Valores que deu paso a outros videos que nos permitirán debatir e reflexionar sobre o tema. Rematamos coa aplicación DetectAmor que nos permite coñecer como ligamos, facer o test do Amor e descubrir mitos e verdades sobre o amor.
Velaquí os vídeos de produción propia:
Visita de Xosé Manuel Ribeira: O comezo das cousas
Enviado por admin o Xov, 22/11/2018 - 19:39Está mañá estivo connosco o arteiro e xogueteiro Xosé Manuel Ribeira, creador do obradoiro e museo "O comezo das cousas" que se pode visitar na vila das Pontes. Na aula de Tecnoloxía ensinounos o funcionamento dos motores stirling e outras das súas "argalladas" sempre partindo dalgún enxeño tecnolóxico ou principio científico. Deseguro que os membros do Club de Ciencias disfrutaron co entusiasmo e paixón deste home. Estamos todos invitados a visitar o seu curioso obradoiro ou acceder á páxina d´O comezo das cousas.
Motor Stirling
Welcome, Jenai
Enviado por admin o Mar, 13/11/2018 - 12:10Entrevista coa auxiliar de conversa, Jenai Campbell, que este curso presta os seus servizos de xeito compartido entre o CEIP Unión Mugardesa e o instituto.
AVISO: Alerta de nivel LARANXA por refachos de vento durante o día 9 de novembro
Enviado por admin o Xov, 08/11/2018 - 21:45
Estimadas familias:
|
Reunión das familias cos titores/as (Martes, 23 de outubro)
Enviado por admin o Mér, 17/10/2018 - 14:13Recepción ás familias e asemblea da ANPA
Enviado por admin o Mér, 26/09/2018 - 18:41
A tarde do martes tivo lugar a recepción da dirección ás familias.
Agradecemos a asistencia que un ano máis encheu o Salón de Actos e transmitiu
o compromiso de todos na tarefa común da educación dos nosos alumnos e alumnas.
Feliz curso.
Lección inaugural (Bac)
Enviado por admin o Mar, 18/09/2018 - 22:46
Elena Brozos inaugurou o curso escolar 2018-2019 para o alumnado de Bacharelato e 4.º ESO. A súa lección inaugural versou sobre a súa propia traxectoria profesional enraízada nunha forte vocación pola medicina. Realizou un repaso á súa vida académica desde os anos do colexio de primaria de Franza, o IES de Mugardos do seu tempo, a etapa universitaria, o exame MIR e as experiencias laborais no estranxeiro. Explicou o seu traballo actual no Servizo de Oncoloxía do Hospital de Santiago, a docencia na Universidade e a investigación clínica. Neste último apartado tamén puido realizar un breve repaso do estado dos importantes avances médicos contra o cancro dos últimos anos. Todo iso transmitido con sensibilidade e entusiamo polo valor do estudo, a humildade e o compromiso de servir aos demais. |
Lección inaugural (ESO): música para comezar o curso
Enviado por admin o Mar, 18/09/2018 - 22:15
Laura Morgade inaugurou o curso escolar 2018-2019 para o alumnado da ESO. A súa lección inaugural tratou sobre a linguaxe universal da música. Salientou a importancia de incorporar a música ás nosas vidas e os beneficios que iso conleva. A exposición foi acompañada de interpretacións ao piano de pasaxes ilustrativas de Beethoven, Debussy e Chopin. Agradecemos á creadora da Escola de Música Laura Morgade de Ares o seu esforzo e preparación deste encontro incial de curso co noso alumnado. |
Horarios (Curso 2018-2019)
Enviado por admin o Lun, 17/09/2018 - 20:51ESO | Bacharelato | ||||
1.º ESO A | 1.º BAC A | ||||
1.º ESO B | 1.º BAC B | ||||
2.º ESO A | 2.º BAC A | ||||
2.º ESO B | 2.º BAC B | ||||
3.º ESO P | |||||
4.º ESO |
Procedemento de contratación das cafetarías escolares dos centros públicos para o curso 2018-2019
Enviado por admin o Mér, 18/07/2018 - 11:31No DOG do 17 de xuño publicouse o anuncio da apertura do procedemento para a contratación das cafeterías escolares dos centros públicos, repartidas en 4 lotes (un por cada provincia) e 255 sublotes (cada un dos establecementos). O enderezo electrónico do procedemento, dentro da Plataforma de Contratos Públicos de Galicia, é o seguinte:
https://www.contratosdegalicia.gal/resultado.jsp?N=366224
Aí poderán atopar toda a documentación: cláusulas administrativas, condicións técnicas e anexos para a licitación.
O prazo de presentación de ofertas remata o 13 de agosto.
Para as dúbidas relacionadas coa recepción das ofertas e o desenvolvemento das mesas de contratación:
A Coruña: teléfono 981 18 47 45/981 18 47 30; fax 981 18 46 29.
A cafetaría do IES de Mugardos forma parte do lote 1, sublote 62. | ||
Superficie salón: 28,6 m2 Superficie cociña:8,12 m2 Superficie almacén: 6,70 m2 Equipamento do centro: barra, cambota e extractor, vertedeiro, termo de auga, estores, toldos, mesas, cadeiras e vitro pequena. Horario: De 8:45 a 13:25 de luns a venres e os martes de 16:20 a 18:00 horas. |
No arquivo anexo pode comprobar a descrición de todos os lotes.
Despedida do presidente da ANPA
Enviado por admin o Dom, 01/07/2018 - 21:07No último Consello Escolar demos unha agarimosa despedida a Luis Manuel Brage Varela. Tras doce anos á fronte das Asociacións de Nais e Pais de Alumnos/as , primeiro no colexio de Franza e os últimos sete cursos na ANPA do instituto, demostrou que se pode pode servir ao ensino público desde todos os sectores, e o da representación das familias é dos imprescindibles. Salientamos del o grande espírito de colaboración, crítica construtiva e boas doses de sentido de humor. Grazas, Manolo!!!
Entrega do equipamento E-dixgal (1.º e 2º. ESO)
Enviado por admin o Sáb, 23/06/2018 - 13:14Información sobre a xestión do equipamento E-dixgal
ALUMNADO SEN OBRIGA DE ENTREGA
- Alumnado de 1.º ESO que aproba todo en xuño e promociona o vindeiro curso para 2.º ESO. Neste caso poderán dispoñer do equipo durante o período estival, facéndose cargo de todos os elementos e incorporándose ao próximo curso co material limpo e en perfectas condicións.
As familias que o desexen tamén poden depositar o equipo no centro ata o comezo do curso 2018-2019, pero deberán asinar o documento de devolución (ANEXO) - Alumnado de 1.º e 2.º ESO con materias pendentes para a convocatoria de setembro.
ALUMNADO CON OBRIGA DE ENTREGA EN XUÑO
- Alumnado que non vaia cursar estudos no centro o vindeiro curso e non teña que examinarse en setembro.O
- Alumnado de 2.º ESO que aproba todas as materias E-Dixgal.
Deberán entregar o equipo (limpo e co seu correspondente maletín, cargador e punteiro) no centro durante a semana do 25 ao 30 de xuño e asinar o documento de entrega:
ANEXO: Devolución material E-Dixgal
ALUMNADO CON OBRIGA DE ENTREGA EN SETEMBRO
- Alumnado que pasa para 3.º ESO e acode á convocatoria de setembro.
Deberán entregar o equipo (limpo e co seu correspondente maletín, cargador e punteiro) no centro antes do 7 de setembro e asinar o documento de entrega.
VII Premio Estudo e Deporte
Enviado por admin o Xov, 21/06/2018 - 23:39
Neste grupo de caras sorrintes e contaxiosa alegría queremos representar o mellor do curso 2017-2018 que hoxe despedimos, como desde hai xa sete edicións, coa entrega dos Premios Estudo e Deporte. Son unha magnífica representación de todos os niveis educativos do instituto e dos 36 clubs deportivos ou asociacións nos que o noso alumnado practica algún tipo de actividade física. De todos eles estamos moi orgullosos e recoñecemos o seu esforzo e talento.
No acto acompañáronos, por unha banda os representantes o equipo feminino de balonceso Star Center Uni Ferrol: a capitá do equipo, Patricia Cabrera, e o entrenador da magnífica temporada pasada, Lino López. Coas súas palabras e bágoas de emoción, Patri pedíalle ás rapazas que loitaran pola igualdade no deporte e aos rapaces que as apoiasen! Toda unha lección dos sentimentos e valores do deporte.
Tamén contamos coa presenza de Maca Cabaleiro, toda unha pioneira na promoción do deporte feminino e primeira muller que saíu de España para xogar ao balonceso. Contounos os inicios do baloncesto feminino na comarca en Mugardos e as dificultades que deberon superar.
. |
Parabéns a todos/as os participantes!!!
Grazas aos clubs, ANPA e Concellos.
Fondo solidario e axudas para material
Enviado por admin o Lun, 04/06/2018 - 20:33- Impresos: Anexo I e II
Edusolidariedade á mugardesa (25 de maio, 2018)
Enviado por admin o Sáb, 26/05/2018 - 11:59Ata a chuvia respectou na mañá de onte a xornada de convivencia e solidariedade do alumnado e profesorado do CEIP Unión Mugardesa, CPR Loyola e IES de Mugardos. Convivencia porque reuniu nunha mesma actividade a preto de 500 escolares, de 3 a 18 anos, de infantil a bacharelato. Solidaria porque entre todos recadamos 1.683,30 euros que a ONG "Nico contra el cáncer infantil" destinará directamente á investigación e mellora dos tratamentos.
A principal actividade consistiu na realización das carreiras, desde os cen metros ata os 1.900 metros. En todas elas os participantes amosaron un grande espírito deportivo e participativo. Grnades doses de esforzo, sorrisos e aplausos para demostrarnos que somos unha comunidade educativa viva e vibrante. Xuntos somos mellores.
Ademais dos centros educativos, na organización participou o Concello de Mugardos e contou coa axuda de varias empresas patrocinadoras e a colaboración do animador Dani Ríos . Agradecemos especialmente a participación das ANPAS, o servizo municipal de deportes, monitores de xogos populares e club Móvete de danza.
Agora, coas pilas cargadas, imos polo fin deste curso 2017-2019. Vémonos o 21 de xuño nunha nova edición dos premios Estudo e Deporte.
TES TALENTO. Festival das Letras Galegas, 2018
Enviado por admin o Dom, 20/05/2018 - 20:25
O alumnado amosou o seus talentos no festival que se organizou para conmemorar o Día das Letras Galegas. Sobre o escenario do salón de actos desfilaron ata quince actuacións de música, danza e monólogos. O xurado elixiu seis finalistas que foron sometidas á votación do público. No védeo podes comprabar o grande talento despregado por todos os participantes. Máis infomación en Lecturamos, blogue da Biblioteca escolar.
Minimarket Emprende Xove (2018)
Enviado por admin o Dom, 13/05/2018 - 21:37Un numeroso grupo de alumnos e alumnas das diferentes materias relacionadas coa Economía, desde 4.º ESO ata bacharelato, impartidas pola profesora Carmen Meiriño, participaron na quinta edición de Minimarket EmprendeXove celebrado este sábado no Auditorio de Ferrol. Trátase dun concurso patrocinado pola Asociación de Jóvenes Empresarios (AJE) de Ferrolterra, Eume e Ortegal que premia o talento, o espírito emprendendor e a orixinalidade de proxectos dos estudantes. Nesta ocasión xuntáronse un total de once centros da bisbarra. Parabéns a todos!!!
- « primeira
- ‹ anterior
- …
- 5
- 6
- 7
- 8
- 9
- 10
- 11
- 12
- 13
- …
- seguinte ›
- última »