Actividades Agrarias

O coidado da terra e a agricultura sostible serán fundamentais para saír adiante.

Hoxe e todos os días do ano... #pensaenverde !!!

O alumnado de FPB2 iniciou no mes de marzo un proxecto no Instituto. Denomínase "captura e mostreo de vespa velutina".

Con esta actividade búscase facer un análise da presenza actual desta especie no noso entorno (determinar as curvas de voo e determinar cal é o período óptimo de trampeo). Construímos catro modelos diferentes de trampa, coa intención de elexirmos a máis eficaz, e todas elas xa foron instaladas nos xardíns do instituto durante a segunda semana de marzo.

A suspensión na actividade docente non supuxo un atranco neste proxecto, senón máis ben un impulso: ampliamos a zona de mostreo!. Seguimos a traballar nesta iniciativa dende as nosas casas, e cada un de nós constrúe e instala trampas próximas á súa vivenda; tamén faremos a posta en común dos datos de captura.

Dende aquí, animamos a todo o profesorado e alumnado que queira colaborar con este proxecto, a instalar trampas na súa zona, enviándonos fotos das mesmas e datos das capturas. Adxúntase un pdf coas instruccións para fabricar unha trampa caseira.

Aí van as primeiras imaxes...

    
Foto: Mateo                                                    Foto: Beba

O alumnado de xardinería (1ºFPB) e fertilización/rega/tratamentos (2ºFPB) solicitará mediante correo electrónico ao profesor (martin.blanco.hermida@edu.xunta.gal) os materiais para continuar coa aprendizaxe mediante a modalidade de teleformación

Neste blogue publicaranse actividades complementarias de interese para os alumnos e para todos aqueles que teñades interés pola xardinería e o paisaxismo.

Tamén haberá novas publicacións no blogue https://qualityclilinvocational.blogspot.com/ acerca do aprendizaxe conxunto de materias e idiomas e sobre o Erasmus+ que se está a levar a cabo no centro.

Escribide

Esta mañá celebrouse no Auditorio de Ferrol a Xornada de Orientación Educativa e alí estivo tamén o noso alumnado e profesores do ciclo de FP Básica. Aproveitaron a oportunidade de estar xunta no maior escaparate da oferta educativa da comarca para estrear o hotel de insectos e ensinarlles a todos os visitantes a técnica do kokedama... e, como non, promocionar Agroxardinaria e composicións florais.

Por primeira vez o IES de Mugardos partipou no GaliciaSkills, o V campionato galego da Formación Profesional celebrado esta semana en Silleda. O alumnado de FP Básica de Agroxardinaría e composicións florais encargouse da decoración do cocktail preparado polo IES Fragas do Eume trala entrega dos premios. 

Parabéns ao alumnado e aos profesores Mario e Martín por estes dous días de intenso traballo e experiencias formativas na grande cita da Formación Profesional de Galicia.

Máis información en Á Mugardesa Arte Floral

Cuestionario