Teléfono
 
881 938200

Correo electrónico
 
ies.mugardos@edu.xunta.gal

Enderezo
 
Rúa do Criesto s/n

  15620 Mugardos (A Coruña)

 

    
PLATAFORMAS E AULAS VIRTUAIS
  EDIXGAL MOODLE ABALAR  
       
   REDES     VIDEOCONFERENCIA 
 

        

blogue deORIENTACIÓN

Día do medio ambiente (5 de xuño). Actividade conxunta IES de Mugardos e CEIP Unión Mugardesa

 CELEBRAMOS O DÍA DO MEDIO AMBIENTE
EN CONVIVENCIA

O venres o alumnado de 1° de FPB fixo unha visita moi chula ao alumnado de infantil do cole de Unión Mugardesa.
Xuntos e xuntas, celebramos o 06 de xuño, día do medio ambiente, realizando as seguintes actividades. Para comezar, o alumnado de FPB leu aos máis pequenos e pequenas un conto: "A árbore da miña escola". Logo parolamos de moitas cousas: do que plantamos no cole e no insti, dos legumes e verduras, dos proxectos florais do curso que vén, de trucos para que as eirugas glotonas non zampen o que prantamos. Incluso vimos os capullos de seda que o alumnado de infantil coida para chegar a ver a metamorfose en fermosas bolboretas.
A continuación fomos a prantar cabazas ornamentais que cun pouco de mimo e sorte darán cabazas para o próximo Samaín. Botamos terra, fixemos buratiño co dedo, metemos a semente, tapamos con máis terra e regamos. E para que quedara unha boa lembranza do día plantamos tamén unhas flores para que cando saian ao recreo se acorden de nós (ver foto).
Como nos pediron volver o próximo ano, e aos nenos e nenas sempre hai que facerlles caso, temos todo un verán para pensar en ideas novas. Ademáis, se a covid o permite, tamén faremos unha visita ao cole de Santiago Apóstolo, ao que temos mooooitas ganas de ir.
Moitas grazas a Miguel, as profes de infantil e a Patricia e Víctor, profes de FPB, que fixeron posible esta xornada de convivencia e coidado do medio ambiente.

Aledaled, ánimo 2.º bacharelato!

Esta semana o alumnado de 2°Bacharelato comezou o período de exames cunha sorpresa.
Unha representación do alumnado de 2°ESO pasou polo salón de actos para darlles folgos e facerlles entrega dun ALEDALED personalizado para que o tiveran na súa mesa de estudo, e mantiveran a ilusión e o esforzo ata o final.
Que non sabedes o que é un ALEDALED? Pois é unha tarxetiña cunha imaxe máis unha mensaxe de ánimo que contén no seu interior un circuíto que fai que se aluminen os leds que van incrustados na tarxeta.
Antes de realizar os AledaLeds na clase de Tecnoloxía e nas titorías, o alumnado de 2°ESO xurou por Snoopy ante os seus titores/as Diego e Sandra prometendo manter o segredo e non contar a sorpresa ata que rematasen a misión.
Hoxe, o alumnado de 2° Bacharelato agradeceu cun sonoro aplauso a ilusión e detalle que o alumnado de 2°ESO tivo con eles/as. Agardamos que esta pequena gran sorpresa lles faga máis levadeiro este final de curso ou etapa. Ánimo e forza, como xa vos dixemos hoxe sodes Xeniais e podedes con todo!!

Semana das Profesións: conversas sobre o futuro

 

PÓDESE EMPRENDER EN MUGARDOS?
IAGO TRIANA. DA COSTA VERDECENTE

Hoxe inauguramos a Semana das Profesións con Iago da empresa de servizos caninos Da Costa Verdecente que ofrece adestramento, perruquería canina, hotel e tenda. https://www.iagotriana.com/
Iago contounos que logo de probar con itinerarios laborais diferentes, pensou na posibilidade de ser emprendedor montando unha empresa relacionada co que lle gustaba e polo que sentía unha gran paixón: os cans.
Imaxinades traballar no que adicades o tempo libre... soa ben, non?. Pero antes de chegar a este punto, a Iago tocoulle traballar no sector dunha maneira diferente que lle permitiu coñecer ben que podía funcionar, donde había mercado. Emprender foi unha idea que foi xurdindo pouco a pouco. Ademáis de traballar no que lle gustaba, animoulle a idea de ser o seu propio xefe e vivir aquí.
Na conversa que mantivemos, fixemos unha pequena enquisa informal e descubrimos que unha parte importante do alumnado de 3°ESO ten a idea de marchar para estudar fóra e vivir experiencias novas. Tamén descubrimos que á hora de buscar emprego, a vosa idea é traballar lonxe de Mugardos e volver nas vacacións porque considerades que aquí hai poucas oportunidades. Algúns tendes emprendedores/as na familia e non descartades emprender, pero en principio descartades facelo aquí. Con todo o marabilloso que hai en Ares- Mugardos... marchar? E se cambiades a realidade como en Texas? Lembrades o que nos dixo Iago?
Hoxe vimos como as oportunidades creanse, e os nosos sitios poden cambiar coas miradas dos emprendedores. Temos a opción de opositor, de ser contratados/as por conta allea pero a opción de emprender, crear empresa e incluso contratar xente pode ser unha realidade tamén interesante.
Na charla tamén falamos sobre como algunhas estratexias de negocio como a diversificación de servizos permiten que unha empresa como a de Iago se manteña ben. Se un servizo frouxea, hai outros que poden ir mellor e compensar.
Tamén falamos de que se pode traballar en Mugardos e levar o seu nome polo mundo adiante coa internalización, realmente podes comerte o mundo emprendendo en Mugardos! Tamén falamos que saír, coñecer experiencias e sitos novos está moi ben e enriquece o que fagamos logo.
Aproveitar as oportunidades e ter en conta as ameazas son claves. Tamén coñecer as debilidades e as fortalezas. En empresa a isto lle chamamos DAFO. Iago ten claro contra quen non pode competir e sabe tamén donde el non atopa competencia. Disto vai emprender.
Espero que esta charla vos permitira valorar outras posibilidades profesionais e darvos conta de que na vida dunha persoa hai etapas, idas e voltas, que un empeza dunha maneira e logo pode continuar doutra. Que as oportunidades se crean. Que o lugar donde un vive pode ser un bo lugar para emprender. Que o noso tamén se defende (que llo digan ao can palleiro).
Moitas grazas Iago, que a costa siga verdecendo!

 

 

 

 

 

 

 

 

 

 

 

 

 

 

 

 

 

 

 

 

Orienta vs Coronavirus

Que se pensaba este bichito...que non iamos ser capaces de orientar online? Sempre teremos o ORIENTA.

Agora que non tes que vir ao centro, bota un ollo a todas as opcións que podes estudar. Tamén podes facer os cuestionarios para que o programiña te axude a escoller materias,modalidades, grãos, ciclos.
Podes facerme as consultas que queiras por privado ou, correo ou teléfono.

Pienso, siento, soy

Busca toda a información das nosas titorías e ligazóns que che interesan no blog

Distribuir contido