VIAXE DIDÁCTICA A BERLÍN

Entre os días 18 e 22 de marzo un total de 49 alumnos e alumnas do noso IES acompañados de cinco profesores viaxarán a Berlín. O propósito é internarse nesta espectacular cidade cun rico pasado que se manifesta en todo o seu esplendor con fantásticos monumentos, museos e edificios que nos falan da historia máis recente de Europa.

Podedes ver o programa da viaxe didáctica pinchado aquí 

 

 

APRENDENDO TÉCNICAS DE REANIMACIÓN

O 6 de marzo o alumnado de 3º ESO e de 1º Bacharelato de Bioloxía asistiu a un taller de RCP (Reanimación Cardiopulmonar) impartido por profesionais do Servizo de Urxencias do CHUO. O taller resultou ser todo un éxito. Podedes ver as fotos no noso facebook.

Comunicado da ANPA

No arquivo adxunto podedes ler un comunicado da nosa ANPA. Dende o noso Instituto animámovos a participar! 

Entroido 2018

Xa tedes un completo resumo do Entroido 2018 no IES 12 DE OUTUBRO no noso facebook

 

Día das crepes

Con motivo da celebración francesa "La Chandeleur" (día da Candelaria) organizouse no centro unha degustación de crepes. Podedes ver todas as fotos no noso facebook

 

COMICS 3º ESO B

O alumnado de 3º ESO B elaborou distintos COMICS que podedes ler  pinchando  en cada título:

-Amaya e Paula; Aprincesa “namorada”

-Inés e Sabela; : Ruidos extraños 

-Esther e Andrea A.; Un susto particular

-Carolina e Iago; Todo o que sube, baixa

-Ainoa e Carla; O enlace perfecto

-Martín e Lucía; Lee Seen, o ladrón patosa:

-Joel e Brais; Vacacións no aeroporto:

 -Ángel, María e Andrea S; Endemoniado

Entrega de cestas sorteo proviaxe Berlín 2018

O 22 de decembro fíxose entrega das cestas de Nadal que se sortearon para recadar cartos para a viaxe didáctica a Berlín e o campamento de inmersión lingüística de Inglés. Os boletos gañadores foron aqueles cuxos números coincidiron coas catro últimas cifras do sorteo da once do 21 de decembro. O alumno que vendeu un destes boletos foi Aarón Gato Rodríguez de 1º Bacharelato B. O outro boleto non foi vendido, polo que ao quedar deserto o premio, a cesta foi doada á Cruz Vermella de Ourense. Nas fotografías a vicedirectora do noso IES é unha das profesoras que participan nestas actividades fan entregan das cestas aos afortunados.

VIII DÍA DA CIENCIA EN GALEGO

E unha vez máis celebramos no Centro o Día da Ciencia en Galego, e xa vai o oitavo. Este ano 2017, Ano Internacional do Turismo Sostible, preparamos 2017-Viaxes pola Ciencia: construímos un mapa xigantesco para celebrar os Viaxes do Beagle, repasamos a vida e obra de Domingo Fontán autor da Carta Xeométrica, fixemos o noso Camiño de Santiago particular, investigamos debuxos xigantes como os de Nazca, preparamos información sobre viaxes sostibles pola nosa Galicia, e xeorreferenciamos o noso insti e outros lugares de interese.

A biblioteca preparou un marcapáxinas conmemorativa que recibiu todo o noso alumnado.

 

E para rematar a celebración visitounos ese día o  doutor Anxel Carracedo, científico que defende o emprego do galego en divulgación, porque o único xeito de emocionar é usar a propia lingua. Carracedo ofreceunos a conferencia: “CSI: made in Galicia”. CELEBRANDO POR TODO O ALTO

 

 

PROXECTO RÍOS: CAMPAÑA OUTONO-2017

E como todos os cursos saímos na busca dos datos do río Loña para a campaña de outono 2017. O  noso alumnado de bioloxía e xeoloxía de 4º ESO e de Ciencias da Terra e do Medio Ambiente de 2º BACH traballou toda a mañá para elaborar un diagnóstico da saúde dos últimos 500 m do río. Os datos e as fotos foron enviados para formar parte do informe anual que ADEGA emite sobre a saúde dos ríos galegos.

Podedes ver todas as fotos desta saída no noso facebook

 

Distribuir contido