Resultados dos noso alumnado na "San Martiño 2016"

Aquí tedes os resultados acadados polo noso alumnado na Carreira Popular San Martiño 2016

 

E chegou a celebración do día da ciencia en galego

O pasado día 4 de Novembro, o noso Centro celebrou o VII Día da Ciencia en Galego un ano mais. Este ano adicado á Bioloxía nas figuras de Gregor Mendel e de Cruz Gallastegui Unamuno, introdutor do millo híbrido e renovador da agricultura galega. A ONU declarou o 2016+ ano Internacional dos legumes e Mendel traballou con legumes para deducir as súas tres famosas leis da herdanza. O noso Centro tentou promover o consumo das legumes colocando carteis nas nosas escaleiras sobre os beneficios do seu consumo. Así mesmo, montouse o restaurante "Legumina consumite" onde os rapacesde 4º ESO de bioloxía prepararon receitas de diferentes partes do mundo cuxo ingrediente principal eran os legumes. O alumnado de tecnoloxía de 4º ESO construíu un carro para facer un pequeno mercado de legumes e por último, coa colaboración do alumnado de cultura científica de 1º Bacharelato e de 4º ESO de bioloxía, as figuras de Mendel e Cruz Gallastegui reinan no noso centro. Podedes ver as fotos no noso facebook.

 

Estudando as nubes e tomando datos na caseta meteorolóxica

O alumnado de cultura científica de 1º Bacharelato, en relación ao proxecto ríos, estudou durante varios días as nubes e tomou datos na caseta meteorolóxica do centro. Usando claves para determinar os días, fotografaron e clasificaron as nubes. Ademais, cada día acudían no recreo á caseta meteorolóxica para tomar os datos de temperatura, presión e humidade na mesma. Os informes pódense consultar no departamento de bioloxía e xeoloxía.

Podedes ver as fotos no noso facebook.

 

El poeta que pensó que sería olvidado.

Aquí vos deixamos unha pequena reflexión de Alba Rodríguez, alumna de 4º ESO, sobre a poesía e Gustavo A. Becquer.

 

Un curso mais de Proxecto Ríos

O pasado 25 de outubro o alumnado de Bioloxía e Xeoloxía de 4º ESO, un ano mais-e con este xa van 9- desprazouse ata a desembocadura do río Loña. Alí, os últimos 500 metros levou a cabo unha inspección para comprobar o estado do río. A idea é concienciar e educar ao alumnado na defensa dos nosos ríos. Os rapaces e rapazas investigaron: flora, fauna, macroinvertebredos, pH, temperatura, nitratos, osíxeno disolto entre outras cuestións para determinar a saúde do río Loña. Podedes ver as fotos no noso facebook.

 

Bailamos en Anatomía aplicada

O alumnado de 1º de Bacharelato de Anatomía aplicada traballou de xeito práctico os tres factores que determinan o movemento: a coordinación o equilibrio e o ritmo. Con Inés Araujo, monitora de "Sabrosura escola de baile e fitness" iniciáronse nos bailes latinos e no zumba

Podedes ver todas as fotos no noso facebook

 

Charla Imaxe Persoal

O día 25, organizada polo Departamento de Imaxe Persoal, tivo lugar unha charla na que se trataron os fundamentos da imaxe persoal na imaxe pública, a percepción, o estilo, a antropometría, a proporción (liñas, formas e volumen…), a harmonía e equilibrio da imaxe, os efecto visual, os efecto ópticos e a colorimetría.

Dos contidos encargáronse Javier Rouco e Manuel Pouse (profesores de imaxe persoal dei IES Perdouro de Burela) que se desprazaron ao noso centro en compañía de Miruca Parga, Antón Niñe e os alumnos de 2º de Ciclo Medio de Peiteados e Recolleitos e de 2º de Bacharelato que aproveitaron para visitar as instalacións de Estética e Perrucaría.

 

Á charla asistiu o alumnado dos distintos ciclos de Imaxe Persoal do 12 de Outubro.

Imaxe persoal- Halloween

Imaxe persoal- Halloween

A proposta dos alumnos do módulo márketing de Imaxe persoal o Departamento levou a cabo unha actividade en Halloween que consistiu en decorar parte do IES con motivos relativos á devandita celebración e elaborados polos alumnos. Colaboraron con seis maquillaxes os alumnos do módulo de Maquillaxe do Ciclo Medio de Estética e Beleza.

A través da familia profesional de Imaxe Persoal, o alumnado adquire a aprendizaxe necesaria para saber identificar e aplicar as ferramentas necesarias para transmitir, non só palabras, senón tamén emocións en cada contexto no que se atope.

 

A maquillaxe de fantasía e a decoración de Halloween son esaxerados, coloristas e ao a vez sombríos e están deseñados para crear medo, pánico, terror…

 

Podedes ver todas as fotos no noso facebook

Publicación das bases para a realización de mobilidades para alumnos e persoal de ciclos formativos de GRADO SUPERIOR

Publicación das bases para a realización de mobilidades para alumnos e persoal de ciclos formativos de grao superior.

Recordade que o plazo para a presentación de solicitudes é desde o 14/11/2016 ata o 28/11/2016 as 14:00 na secretaria do centro

 

- Bases complementarias alumnado

- Bases alumnado

- Bases persoal

- Complemento bases persoal

Distribuir contido