Curso de formación para profesorado

A formación do profesorado é un pilar da educación de calidade. Este curso académico un grupo de profesorado do noso IES está a recibir docencia para crear unha bolsa de emprego para o alumnado de ciclos formativos. Esto suporá un contacto directo entre empresas e alumnado para facilitar a obtención do primeiro emprego ao rematar os Ciclos Medios ou Superiores.

Visita á Axencia Tributaria de Ourense

Coñecendo a neesidade de contribuír para manter o sistema social

CONCURSO DAVEIGA

Teresa Balado Barciela imparte os obradoiros de formación en economía social pertencentes ao programa-concurso DAVEIGA no que participa o IES 12 de Outubro.
Teresa Balado Barciela é técnica en formación e emprendemento de Espazo Coop. 
Os obradoiros foron impartidos ao longo de tres días nos meses de outubro e novembro. 

"AVISO IMPORTANTE RIFAS CESTA NADAL PROVIAXE DIDÁCTICA ITALIA".

Por extravío/roubo, quedan anuladas as papeletas do número 06201 ao número 06250, correspondentes ao “SORTEO CESTAS DE NADAL” do IES 12 de Outubro (Ourense), o que se comunica aos/ás posibles interesados/a aos efectos oportunos.
Ourense, a 4 de decembro do 2019

Zumba en Anatomía Aplicada

Practicamos zumba na clase de anatomía aplicada como exemplo de exercicio aeróbico para aprender que o movemento forma parte das persoas e representa unha condición fundamental non só para o desenvolvemento físico, senón tamén para o desenvolvemento intelectual e socio afectivo. Na actividade estivemos acompañados polo alumnado de Educación Física de 2º da ESO.

Día da Ciencia en Galego 2019

E un ano máis celebramos o Día da Ciencia en Galego que xa vai pola edición número X. Este ano dedicado a Táboa Periódica e as Linguas Indíxenas. De momento aí vai un aperitivo: o noso alumnado de 4ª de ESO de Bioloxía e Xeoloxía e de Cultura Científica deseñou camisetas para cada un dos 118 elementos que compoñen a Táboa Periódico. No salón de actos do noso Centro intentamos reproducila coa colaboración do alumnado de 2º e 3º da ESO, de profesorado e tamén dos nosos conserxes. A fotografía reflicte o divertido do noso experimento. E aquí non acaba todo, seguimos coas actividades de conmemoración do dereito a gozar da ciencia en galego. Seguiremos informando… 

Viaxe Didáctica 2020

E a nosa viaxe didáctica, co alumnado de 4º ESO e Bacharelato, deste curso, será a Italia. Visitaremos as cidades de Florencia, Bolonia e Venecia. Vamos a empaparnos de arte que xa sabemos que como actividade creativa, ten un efecto liberador, curativo e é fundamental para o desenvolvemento persoal

Distribuir contido