Entrega de cestas sorteo proviaxe Berlín 2018

O 22 de decembro fíxose entrega das cestas de Nadal que se sortearon para recadar cartos para a viaxe didáctica a Berlín e o campamento de inmersión lingüística de Inglés. Os boletos gañadores foron aqueles cuxos números coincidiron coas catro últimas cifras do sorteo da once do 21 de decembro. O alumno que vendeu un destes boletos foi Aarón Gato Rodríguez de 1º Bacharelato B. O outro boleto non foi vendido, polo que ao quedar deserto o premio, a cesta foi doada á Cruz Vermella de Ourense. Nas fotografías a vicedirectora do noso IES é unha das profesoras que participan nestas actividades fan entregan das cestas aos afortunados.

VIII DÍA DA CIENCIA EN GALEGO

E unha vez máis celebramos no Centro o Día da Ciencia en Galego, e xa vai o oitavo. Este ano 2017, Ano Internacional do Turismo Sostible, preparamos 2017-Viaxes pola Ciencia: construímos un mapa xigantesco para celebrar os Viaxes do Beagle, repasamos a vida e obra de Domingo Fontán autor da Carta Xeométrica, fixemos o noso Camiño de Santiago particular, investigamos debuxos xigantes como os de Nazca, preparamos información sobre viaxes sostibles pola nosa Galicia, e xeorreferenciamos o noso insti e outros lugares de interese.

A biblioteca preparou un marcapáxinas conmemorativa que recibiu todo o noso alumnado.

 

E para rematar a celebración visitounos ese día o  doutor Anxel Carracedo, científico que defende o emprego do galego en divulgación, porque o único xeito de emocionar é usar a propia lingua. Carracedo ofreceunos a conferencia: “CSI: made in Galicia”. CELEBRANDO POR TODO O ALTO

 

 

PROXECTO RÍOS: CAMPAÑA OUTONO-2017

E como todos os cursos saímos na busca dos datos do río Loña para a campaña de outono 2017. O  noso alumnado de bioloxía e xeoloxía de 4º ESO e de Ciencias da Terra e do Medio Ambiente de 2º BACH traballou toda a mañá para elaborar un diagnóstico da saúde dos últimos 500 m do río. Os datos e as fotos foron enviados para formar parte do informe anual que ADEGA emite sobre a saúde dos ríos galegos.

Podedes ver todas as fotos desta saída no noso facebook

 

APRENDEMOS DOUTRO XEITO NO LABORATORIO DE CIENCIAS

Un ano máis continuamos a usar o laboratorio de Bioloxía e Xeoloxía como elemento facilitador do aprendizaxe das ciencias. Usamos as prácticas como estratexia didáctica para desenvolver as competencias do noso alumnado. As ciencias poden ser tamén divertidas. 

 

CASETA METEOROLÓXICA E NUBES

Unha vez máis o noso alumnado de Cultura Científica traballou e preparou un cadro cos datos da caseta meteorolóxica e máis fotografou e estudou as nubes coincidindo coa campaña de outono dentro do Proxecto Ríos.

 

Nos documentos adxuntos pódense consultar todos os datos.

Distribuir contido