NOVO NÚMERO DE TELÉFONO DO NOSO INSTITUTO

Debido á restructuración técnica da Xunta o novo número de teléfono do nos IES é:

988788211

Participación solidaria para os libros de texto do próximo curso 2019-20 para alumnado 2º e 3º da ESO

ORDE do 3 de maio de 2019 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2019/20

 

No seguinte enlace tedes toda a información

 

https://www.xunta.gal/dog/Publicados/2019/20190520/AnuncioG0534-060519-0006_gl.html

Acto de graduación

Un dos momentos mais esperados para todo o alumnado que remata unha etapa educativa é o seu ACTO DE GRADUACIÓN. Pois ben, o XOVES 23 DE MAIO ás 19:00 h, no salón de actos do noso IES celebraremos o remate das distintas etapas educativas que ofrecemos: ESO, BACHARELATO E CICLOS FORMATIVOS DE GRAO MEDIO E SUPERIOR.

No arquivo adxunto tedes toda a información

 

 

 

 

 

 

 

 


EXCURSIÓN ÁS FRAGAS DO EUME

Os días 6 e 7 de maio visitamos as Fragas do Eume. Natureza, patrimonio, cultura, respecto polo medio. O alumnado deu unha lección de comportamento e educación medioambiental. Magnífica a organización no Albergue Xuvenil Alvarella. Grazas a Sira, José e Sofía. Paseo pola foz do Eume con Firrete.

Podedes ver todas as fotos no noso facebook

 

Taller de primeiros auxilios

O departamento de FOL organizou un taller de primeros auxilios que se desenvolveu no Centro nol mes de abril e no  que participou todo o alumnado de 1º curso de todos os ciclos formativos.

COÑECENDO O NOSO PATRIMONIO ARTÍSTICO-XEOLÓXICO

O pasado 25 de abril o noso alumnado de 3º ESO e de 1º BACH participou nunha saída de campo guiada polo doutor en Xeoloxía, Fran Canosa dentro do programa educativo “Coñecendo as rochas que pisas”. Da man de Canosa puideron identificar de xeito ameno e directo: procesos, estruturas e materiais xeolóxicos da paisaxe da nosa contorna.

Así mesmo, visitaron o complexo arqueolóxico romano “Aquis Querquennis”, sito na parroquia de Baños de Bande e formado por un campamento romano e unha mansión-viaria. Alí visitaron o Centro de Interpretación aprendendo máis acerca da “Cidá”. Tamén se achegaron a capela visigoda de Santa Comba de Bande, unha das poucas mostras de arte visigoda en Galicia. Data do século VII, con engadidos astures posteriores do s. IX. Representa un dos estilos artísticos que se desenvolven na Europa Occidental e que agrupamos baixo no nome de arte prerrománica. O material construtivo é a pedra de granito e para o abovedamento, o ladrillo.  

As fotos no noso facebook…

Distribuir contido