Bioloxía e xeoloxía

Camiñar para coñecer, coñecer para conservar

As nosas actividades teñen premio. Aldara Nóvoa, que fixo o seu máster de profesorado no noso Centro, preparou o seu traballo de final de máster sobre a importancia que teñen as saídas ao campo na materia de Bioloxía e Xeoloxía. O curso pasado acompañou ao alumnado de 1º ESO e profesorado nunha Saída Didáctica ao Courel programada dentro da campaña: “Camiñar para coñecer, coñecer para conservar”.  Agora acaba de contar esta experiencia no XXXIII Congreso da Enciga que se celebrou os días 15,16 e 17 de novembro en Lalín. Felicitacións para Aldara.

Día da Ciencia en Galego 2018

E un ano máis celebramos o Día da Ciencia en Galego no noso IES. A UE declarou o ano 2018 como o Ano do Patrimonio Cultural Europeo. No noso Centro celebramos a Arquímedes como un dos máis grandes científicos europeos de todos os tempos. Celebramos os seus descubrimentos en Física e Matemáticas que cambiaron a historia destas ciencias.

Podedes ver todas as fotos da exposición no noso facebook e tamén aparecemos na páxina oficial dos organizadores: http://www.cienciaengalego.org

Rómpese o Ártico

O alumnado de 3º ESO visitou a exposición: “Rómpese o Ártico”. Alí aprendemos acerca das características físicas e biodiversidade dun dos ecosistemas máis singulares do planeta, así como da súa influencia no clima global. Ademais a exposición tivo sorpresa xa que o guía foi un antigo alumno do Centro que tamén fixo o seu máster de profesorado con nós. Grazas Diego, polas túas ensinanzas e noraboa.

Caseta meteorolóxica. Datos 2018

O ALUMNADO DE CULTURA CIENTÍFICA PRESENTA os datos da caseta meteorolóxica e o estudo das nubes na campaña de primavera 2018 dentro do proxecto Ríos. Podedes consultar os datos nos documentos que se adxuntan.

Saída didáctica a Ridimoas e ao complexo castrense de S. Cibrán de Lás

O noso alumnado de 1º ESO participou nunha saída ao Bosque de Ridomoas para disfrutar dun entorno natural cunha rica diversidade de flora e fauna. Xa pola tarde aprenderon en S. Cibrán de Lás algo máis de cómo era a vida nos castros.

Máis fotos no noso facebook…

SAÍDA A PARADA DO SIL PARA COÑECER O NOSO PATRIMONIO CULTURAL E NATURAL.

O alumnado de 3º ESO e 1º Bacharelato de Bioloxía e Xeoloxía, participou nunha saída didáctica a Parada do Sil. Acompañados dun experto en xeoloxía, descubriron distintos aspectos da xeomorfoloxía da nosa contorna. Visitaron a necrópole de San Vitor de Barxacova, os balcóns de Madrid e outras moitas estruturas de interese no Concello de Parada do Sil. As fotos están no facebook

10 ANOS DE PROXECTO RÍOS E… SEGUIMOS

Estamos de celebración… xa son 10 anos de proxecto Ríos e seguimos saíndo ao río Loña e muestreando os últimos 500 metros ata a súa desembocadura. O noso alumnado de 4º ESO de Bioloxía e Xeoloxía e de 1º Bacharelato de Cultura Científica obtiveron os datos para a campaña de primavera – 2018. Foi unha xornada de aprendizaxe no campo e de… celebración.

 

O resto das fotos… no noso facebook 

Charla Xurxo Mariño

Este martes, 10 de abril pasou polo noso Centro Xurxo Mariño, biólogo, especialista en neurofisioloxía, quen publicou este ano o libro que recolle a súa experiencia como viaxeiro curioso: “Terra. Ciencia, aventuras e sorpresas dunha viaxe arredor do mundo”. Desta viaxe e das súas experiencias ao longo do planeta veunos a falar ao instituto.

Cos ollos e a mente ben abertos, gozamos con Xurxo dunha viaxe incrible arredor do mundo…

 

VIII DÍA DA CIENCIA EN GALEGO

E unha vez máis celebramos no Centro o Día da Ciencia en Galego, e xa vai o oitavo. Este ano 2017, Ano Internacional do Turismo Sostible, preparamos 2017-Viaxes pola Ciencia: construímos un mapa xigantesco para celebrar os Viaxes do Beagle, repasamos a vida e obra de Domingo Fontán autor da Carta Xeométrica, fixemos o noso Camiño de Santiago particular, investigamos debuxos xigantes como os de Nazca, preparamos información sobre viaxes sostibles pola nosa Galicia, e xeorreferenciamos o noso insti e outros lugares de interese.

A biblioteca preparou un marcapáxinas conmemorativa que recibiu todo o noso alumnado.

 

E para rematar a celebración visitounos ese día o  doutor Anxel Carracedo, científico que defende o emprego do galego en divulgación, porque o único xeito de emocionar é usar a propia lingua. Carracedo ofreceunos a conferencia: “CSI: made in Galicia”. CELEBRANDO POR TODO O ALTO

 

 

Distribuir contido