A matrícula en modalidade libre está dirixida ao alumnado que só quere presentarse ás probas para certificar a súa competencia nas linguas que ofrece a EOI de Santiago de Compostela.

Consulte a información sobre as datas das destrezas escritas das probas de certificación de niveis A2, B1, B2 e C1  e as convocatorias para as probas orais (pendente de actualización). O calendario completo das probas, escritas e orais, publicarase aquí

Clique nas seguintes ligazóns para obter máis información sobre:

• os idiomas e niveis que se ofrecen na modalidade libre
• o que debe saber antes de matricularse na modalidade libre
• a norma que regula a matrícula libre 
• o procedemento de matrícula na modalidade libre
• a documentacion requerida para formalizar a matricula na modalidade libre
• o prazo de matrícula da modalidade libre
• o custo da matrícula na modalidade libre, e o xeito de pagar
• guías informativas das probas e modelos de probas

Idiomas e niveis que se ofrecen na modalidade libre

As certificacións do Marco europeo común de referencia para as linguas que ofrece o noso centro en modalidade libre son:

Nota importante: As probas  adscritas á EOI de Santiago poderán ter lugar nunha sede complementaria externa. Non haberá probas libres nas seccións dependentes da EOI de Santiago (Negreira, Noia, Ordes, Ribeira e Santiago-Sar). 

Consideracións previas á matrícula en modalidade libre

Se vostede está considerando matricularse para facer as probas de certificación deberá ter en conta o seguinte:

• as restriccións de idade para a matrícula libre son as mesmas que para os estudos oficiais: é preciso ter 16 anos (cumpridos no ano natural de celebración das probas); o alumnado de 14 e 15 anos só poderá concorrer ás probas de idiomas diferentes á súa 1ª lingua estranxeira na ESO
• non é posible obter o certificado dun nivel equivalente a outro xa cursado nun anterior plan de estudos de EOI
• non é necesario superar o exame de certificación dun nivel inferior para poder presentarse a un superior
• non hai límite de convocatorias en modalidade libre
• a diferenza da oficial, a modalidade libre só permite un único exame
• as persoas con diversidade funcional recoñecida poden solicitar adaptación das probas (modelo de solicitude)
• as sedes onde presentarse ás probas para os niveis de certificación B2 e C1 son limitadas (consulte a norma de matrícula para ver que idiomas/niveis se ofertan en cada sede)

Procedemento de matrícula na modalidade libre

O procedemento para para matricularse nas probas de certificación en modalidade libre é como segue:

1. PREMATRÍCULA e ADXUDICACIÓN: Acceda á aplicación de matrícula nesta ligazón e prematrículese dos idiomas e niveis que lle interesen entre o 2 e o 20 de outubro (ata as 12h). Seleccione os centros de acordo coa súa orde de preferencia. para os niveis Intermedio-B2 e Avanzado-C1 de galego e inglés a adxudicación farase por sorteo e o día 24 de outubro poderá comprobar se a aplicación lle adxudicou praza de matrícula libre. Non faga ningún pagamento nin formalice a matrícula ata non estar seguro de que a praza adxudicada lle convén. 

2. FORMALIZACIÓN Unha vez adxudicada a praza, terá que forrmalizar a matrícula:

• Reúna a documentación (ver abaixo).
• Faga o pagamento (consulte aquí como proceder ao pago das taxas).
• Antes do día 31 de outubro ás 23:59 h. pique no botón "Formalizar matrícula" da aplicación de matrícula e suba a documentación, incluíndo o comprobante de pagamento. NON É PRECISO ACUDIR AO CENTRO.

A matrícula non terá validez ata que se formalice achegando a documentación.

Documentación que se debe presentar para formalizar a matrícula en modalidade libre

Para formalizar a súa matrícula todo o alumnado deberá presentar a seguinte documentación cargándoa no prazo establecido na aplicación unha vez obtida a praza:

• copia do seu DNI ou NIE
• comprobante do pagamento das taxas
• orixinal e copia do xustificante do dereito á exención de taxas, de ser o caso (minusvalía, familia numerosa, profesorado en activo da Consellería, etc.)
• menores de 16 anos: certificado do seu centro indicando a súa 1ª lingua na ESO (obter modelo)

Calendario de matrícula na modalidade libre

• Prematrícula/solicitude de praza: do 2 ao 20 de outubro ata as 12 h. (todos os centros, idiomas e nives)
• Adxudicación: consultar o 24 de outubro (o sorteo faise o 23 de outubro)
• Achega de documentación: desde a adxudicación e ata o 31 de outubro.