Ola, Rosa María!
Seguro que Rita ha de contarche o contentos que nos puxemos ó ver que tamén estás con nós a través do portal. Os comentarios podes poñelos en calquera nova que estea publicada na nosa web, sexa subida polas distintas escolas, polos departamentos e equipos docentes ou pola Anpa do centro. Todos os familiares e membros da comunidade educativa poden participar deste xeito con nós neste proxecto de páxina "web dinámica". Para poder facelo só teñen que pedirlle a un mestre do CRA o nome e contrasinal de usuario .

Tamén podedes participar suxerindo e aportando vos mesmos novas ou imaxes de interese para a aula do voso fillo ou filla ou para o centro en xeral. Neste caso a información ha de ser "subida" ó portal por un docente ou por un responsable da Anpa, únicos usuarios que están autorizados a crear contido

Todas as aportacións publicadas, sexan novas ou comentarios, son visibles para calquera persoa que visite a nosa páxina, agás a sección de foros e algúns dos apartados da sección "profesorado" que teñen limitado ó seu uso e visualización ó equipo docente

Espero, Rosa María, que esta breve explicación che serva para moverte con máis seguridade polo noso portal e agradecémosche sinceiramente o interese que amosas polo traballo que se desenvolve no noso centro

Recibe un afectuoso saúdo

Sol

(P.D:: Rosa, para que Rita e todos os compañeiros da aula te sintamos aínda máis preto de nós, vou copiar estes comentarios realizados nunha nova publicada pola escola de Outeiro (e na que aparecemos tamén nós!) e pegalos nunha aportación equivalente subida pola aula da túa filla)