Tal como informamos, onte pola mañá houbo outro intento de diálogo coa Consellería de Educación e as familias de A Vacariza que, acompañados por veciños, Anpa, Asemblea polo Ensino Público da Barbanza, e alcalde de Rianxo, foron a Coruña falar co Xefe Territorial e co Director de Centros. O resultado da visita foi absolutamente negativo, sen atender á proposta de manter aberta a escola sen custe algún para a Consellería, e sen recoñecer que hai outras escolas na comunidade galega que van estar abertas este ano con cinco nen@s, dereito que se lle nega á Vacariza, a pesar de garantirse que en anos vindeiros este número subirá considerablemente, dado o número de crianzas pequenas que viven na aldea e que se escolarizarán no próximo curso. 

As familias de A Vacariza, non obstante, non se resignan, e van seguir defendendo a súa escola e o patrimonio da súa aldea, que é tamén o patrimonio de tod@s nós. Por iso mañá mércores 11, día de inicio do curso escolar, van levar igualmente aos seus meniños e meniñas á Escola da Vacariza. Pídennos o noso apoio e que nos acheguemos ata alí, onde estarán a partir das nove da mañá. É importante que as familias non se sintan soas. A tendencia da Consellería de desprezar o mundo rural está pechando escolas por toda Galiza. Este ano tócalle a esta de Rianxo, pero detrás deste curso virán outros, e outras escolas morrerán para non volver abrir. 

Hoxe sae a noticia recollida na prensa: 

 

 

 

Animádevos!