LETRAS GALEGAS CON ÁLVAREZ BLÁZQUEZ
Este ano na escola coñecemos con grande placer a Xosé Mª Álvarez Blázquez.
Gustounos descubrir os seus poemiñas, gustounos coñecer a Colorín e gustounos saber que Blázquez compuxera moitos versos ( algún tan cantareiro ! ) pensando na súa nena.
Nós, que tamén disfrutamos coa poesía, aproveitamos a confianza que chegamos a ter con Xosé Mª para "editar" un libro especial que recolle algún dos seus poemas xunto con ilustracións e poemiñas realizados por nós na escola.
Convidamos tamén ás nosas familias a que fixeran con nós ( ou para nós, coma facía Blázquez para a súa filla ) uns versos "familiares " para incorporar ó poemario.
O noso libro non está a venta,nin en préstamo na biblioteca, cada un de nós levou cadanseu libro a súa casa, pero podedes ver parte del no libro web " O Gato Cegato " que tendes neste mesmo portal.
( Moitas grazas ós papis, mamis, irmáns, irmás, mozas de irmáns... por agasallarnos coa poesía!!)
Iván, Lía, Eva, Joel, Alex, Tania, Laura, Yaiza, Desi, Irene e Sol.
- APIs de Blogue
UN LIBRO QUE SE SEGUE ENCHENDO
María, a profe de Cuvide, pediunos que lle prestaramos algún destes libros de poemas. A María gústalle moito a poesía e disfruta léndoa, por iso nos apresuramos a deixarllelos ver. Lía e Iván, foron os primeiros. Despois, Eva, Joel, Laura,...
Cando María nos foi devolvendo os libros, descubrimos que tiñan maior arrecendo a poesía. En cada un deles, a nosa amiga profe foinos escribindo fermosos poemas que seguen enchendo o noso libro. E o noso corazón .
Aquí vos deixamos dous poemiñas de María para que poidades disfrutar deles:
" PINGUIÑAS DE ORBALLO
NA IALMA DE LAURA
FAN QUE AS PALABRAS
AGROMEN CON CALMA "
" UNHA NOITE
DE LUAR
ESTABA O MERLO POETA
SOÑANDO
NO SALGUEIRAL.
EVA OLLÁBAO
MOI ATENTA
E POÑÍASE
CONTENTA"
María, despois de cada poesía, nos manda un biquiño.
Nós, con estas palabras, un doce aloumiño.
Iván, Lía, Eva, Joel, Alex, Tania, Laura, Yaiza, Desi, Irene e Sol.