HOMENAXE A DON RICARDO GARCÍA
Concerto da Orquesta de Cámara do Conservatorio Profesional de Música de Tui
O próximo xoves 23 de maio ás 20:00 hs. no Salón de Actos do Seminario de Tui terá lugar un acto moi especial. Trátase dun Concerto da Orquesta de Cámara do Conservatorio Profesional de Música de Tui que está enmarcado dentro do programa de actividades en homenaxe á importantísima figura de D. Ricardo García.
Neste concerto, alumnos e alumnas do centro interpretarán un programa de obras de diversos estilos, no que destaca a sinfonía nº 40 de W. A. Mozart (I e IV Movementos) e o tema principal do filme "A lista de Schindler" de John Williams, entre outros.
