Visitas e excursións

EXCURSIÓN A SANTIAGO. EXPOSICIÓN LEONARDO DA VINCI 14-05-19

O martes, día 14 de maio, fomos todo o colexio de excursión a Santiago para realizar unha visita que tiñamos concertada a San Martín Pinario para ver a EXPOSICIÓN DE LEONARDO DA VINCI, dentro do programa de actividades que estamos a facer este curso co noso proxecto sobre a Ciencia. Os nenos poideron ver dentro da visita guiada a dedicación de este xenio á pintura, ao seu estudo sobre a anatomía humana, á auga e ao voo, entre outras moitas cousas, celebrando así tamén o 500 aniversario da súa morte. Despois fomos todos paseando polas rúas de Compostela cara o Parque da Alameda onde os nenos xogaron ata cansar e onde xantamos antes de vir de volta para o centro. Picade nas fotos para ver máis.

CIENCIA EN MOVIMIENTO 03-05-19

O venres, día 3 de maio, visitou o noso centro unha actividade levada a cabo por Suso e Nuria que levaba por nome "CIENCIA EN MOVIMIENTO". Ao longo da mañá fixéronse diversos obradoiros para os alumnos de infantil e o alumnado de 1º a 3º de primaria, e despois do recreo o alumnodao de 4º ata 6º de primaria traballaron nun MUSEO cunha innuerable cantidade de experimentos que puideron probar in situ. Para ver tódalas fotos de ese día, picade nas fotos.

EXCURSIÓN Á CORUÑA 05-04-19

O venres día 5 de abril, fomos todos de excursión a Coruña en dous autobuses: Un que levou aos nenos de 3º, 4º, 5º e 6º de primaria a visitar a Redacción Central de La Voz de Galicia en Arteixo. E outro bus que levou aos máis pequenos do cole, os de infantil e 1º e 2º de primaria ao Palacio da Ópera da Coruña para ver un concerto didáctico onde escoitaron temas tradicionais de rexións de África con instrumentos típicos africanos coma o djembé, o caxixi ou a kalimba. Para ver as fotos de ese día picade nas imaxes.

EXCURSIÓN A SANTIAGO 20-03-19

O mércores día 20 de marzo, todo o centro fumos de excursión a Santiago. Os máis pequenos de Infantil e 1º e 2º de primaria foron ao Teatro Principal para asistir á representación teatral da compañía Elefante Elegante titulada "A Danza da choiva". Ao remate deron un paseo pola zona vella de Santiago, para rematar a camiñata nun parque da Alameda. Os maiores, mentres tanto, visitaban o laboratorio de ÁNGEL CARRACEDO, onde viviron moitísimas experiencias e o pasaron xenial entre tubos de ensaio e aparellos de análise de ADN. Despois foron ao Observatorio Astronómico Ramón Mª Aller, onde estiveron moi atentos ás explicacións dun experto que tamén nos ensinou diferentes aparellos meteorolóxicos e mesmo un telescopio grandísimo. Todos nos reunimos para xantar nun parque e regresar para San Cosme. Para ver tódalas fotos de ese día, picade en cada unha das diferentes imaxes.

SAÍDA DIDÁCTICA A CORUÑA 21-02-19

O xoves día 21 de febreiro, fixemos unha saída didáctica a A Coruña con todo o alumnado. De 11:30h a 12:45h visitamos o MUSEO DOMUS para ver as salas de exposicións e vimos unha proxección na sala Magnavisión. De 13:00h a 14:15h visitamos a CASA DAS CIENCIAS. Alí vimos O Planetario e visitamos tamén as salas de exposicións. Ao rematar sobre as 14:30h xantamos no parque de Santa Margarita, ata a hora de regresar cara ao colexio sobre as 15:15h. Todo estivo relacionado co noso proxecto integrado de centro de este ano sobre "A CIENCIA". Para máis información sobre os museos, picade nas imaxes ou nos nomes suliñados.Picando AQUÍ verás todas as fotos de ese día.

SAÍDA DIDÁCTICA A SANTIAGO 05-02-19

O vindeiro martes, día 5 de febreiro de 2019, faremos unha Saída Didáctica a Santiago con todo o colexio. O programa de actividades será o seguinte:

Ao rematar estas actividades nos xuntaremos para ir xantar, dependendo do tempo, nun parque ou nunha zona cuberta. Regresaremos ao centro arredor das 16:25 horas. Para ver as fotos do mhn picade AQUÍ. E para ver as fotos dos maiores noTeatro e na exposición, picade AQUÍ.

FACE 2 FACE TEATRO EN INGLÉS. A PICOTA 14-12-18

Celebrouse, un ano máis, na Aula de Cultura da Picota, o Teatro en Inglés a cargo da compañía FACE 2 FACE o venres día 14 de decembro en horario de mañá, no que participamos xunto co colexio de Pino de Val. Mentres os pequenos participaban no teatro, os maiores vían unha película no Auditorio, e viceversa. A película que visionaron foi "ATRAPA LA BANDERA". Cada centro rematou de ver a película nos seus respectivos centros. Pica para ver as fotos.

VISITA DE ÁNGEL CARRACEDO ÁLVAREZ 27-11-18

Visitóunos unha vez máis o noso padriño da Biblioteca D. ÁNGEL CARRACEDO ÁLVAREZ, que é a persoa perfecta para falar sobre o tema do noso Proxecto "A Ciencia". Foi un fantástico día o que pasamos na compaña de este gran amigo e mellor persoa. Comezamos o día cunha maravillosa entrevista que lle fixeron os nenos de 5º e 6º na nosa RADIO ROSIÑA, que a Ángel súpolle a pouco (estaría alí moitísimo máis tempo). Logo fomos para a Biblioteca con todo o alumnado e como sempre Ángel, deleitounos coas súas verbas, sobre ciencia e mil cousas máis. Xa rematado e cando os nenos ían xantar, tivemos un encontro cos pais/nais que se acercaron ata o colexio para poder presenciar unha charla de este magnífico xenetista. Eso, un día completiño!!!!!!! Grazas por todo Ángel. Ata a próxima. Pica nas fotos para ver máis.

VISITA DE LUIS SOTO AMIL 15-11-18

Tivemos a gran sorte de contar unha vez máis no colexio coa presencia de ese gran frautista que é LUIS SOTO AMIL, o cal nos deleitou cunhas maravillosas pezas musicais, e fixo fincapé en cousas que relacionan a música e a ciencia, tema do Proxecto que estamos atraballar neste curso. Ademáis tivemos a sorte de que contestará a unha serie de cuestións na nosa RADIO ROSIÑA. Esperámoste ter de volta canto antes. grazas por todo. Pica nas fotos.

MINDFULNESS NA AULA. GRUPO DE TRABALLO 18-19

Un ano máis, e xa van tres, continuamos cun grupo de traballo sobre "MINDFULNESS NA AULA". Hai mestres que marcharon e outros que chegan novos, pero o Mindfulness permanece sempre da man do noso amigo JOAQUÍN CASTAÑO GUASCH. Continuamos así coas ensinanzas deste gran mestre do mindfulness, co fin de seguir levándoas á práctica día a día como vimos facendo dende hai xa algún tempo.

09-11-18 EXCURSIÓN A SANTIAGO ALUMNADO DE PRIMARIA "O CREBANOCES" NO AUDITORIO

O alumnado de Educación Primaria desprazouse a Santiago o venres día 9 de novembro para realizar as seguintes actividades: de 11 a 12:15 viron "O CREBANOCES DE CHAIKOVSKI" cos RFG e a compañía de monicreques PER POC, no Auditorio de Galicia. E de 12:30 a 14 horas tiñamos prevista unha visita a A Fundación para ver a exposición "ALZHEIMER, CAMIÑO DA MEMORIA". Ao final, esta derradeira actividade non se poido levar a cabo debido ás inclemencias meteorolóxicas. Así que ao rematar no Auditorio, volveron para o colexio.

30-10-18 NAVEGA CON RUMBO PARA OS ALUMNOS DE 5º E 6º

Tivemos a sorte de dar unhas charlas para os alumnos de 5º e 6º o martes día 30 de outubro en horario de 10 a 11 horas, co PROGRAMA NAVEGA CON RUMBO, sobre a seguridade de navegar por internet e os perigos que nos podemos atopar.

"CONTOS DO RECREO" de Redrum Teatro. Aula de Cultura de Mazaricos 19-10-18

O venres día 19 de outubro ás 11 de mañá, asistimos todo o colexio para presenciar a obra do grupo REDRUM TEATRO, titulada "CONTOS DO RECREO", á Aula de Cultura do Concello de Mazaricos, en A Picota. Esta obra de teatro continúa a tratar o acoso escolar, tema este xa iniciado coa obra "A nena que quería navegar". A protagonista é Alicia, unha rapaza que goza facéndolle a vida imposible ás súas compañeiras, e que se verá inmersa nunha aventura que a cambiará para sempre.


MARCHA CICLISTA NA PICOTA 01-06-18

O venres día 1 de xuño de 2018, fomos á Picota para participar nunha MARCHA CICLISTA entre os tres colexios de Mazaricos, organizada polos encargados de Deportes do Concello, que viñeron a buscar as bicis dos nenos para levalas nun remolque e ao rematar volver a traelas ao colexio. Así nos xuntamos na Picota nenos de San Cosme (Iker Freire, B. Capelo, Aroa, Martina, Xoel, B. Carreira, Samuel, Paula Barcia, Miguel, Jorge Lema, Jorge Otero, Joel, Nerea e Pablo) Pino de Val e Picota. A organización estivo moi ben, atendendo en todo momento calquer contratempo que tiñan os nenos, como cansancio, saida de cadeas das bicis, etc... A cada neno lles daban un chaleco reflectante da DGT (que ao remate quedaba para eles de agasallo). Así partimos para facer un percorrido aproximado de 10 kms. A marcha pasou por lugares realmente fermosos. Saímos da PICOTA sobre as 11 horas da mañá e nos diriximos a SANFOGA camiño de CORZÓN. Alí cruzamos a carretera que vai a PONTE OLVEIRA e seguimos por un camiño cara a COLÚNS. Atravesamos de Colúns cara A CHOUPANA e de alí cara á AREA RECREATIVA DA PONTENOVA, onde fixemos unha parada de 15 minutos, para darlles un tentempé aos nenos e nenas. Continuamos cara OUTEIRO DE BOIS camiño a ARGUEIRÓN, e de ahí hacia a PICARAÑA para rematar no colexio da PICOTA. Foi unha mañá maravillosa, que esperamos se repita para o ano que ven. Agradecer aos organizadores, Protección Civil e demáis persoal, que estiveron en todo momento pendentes dos nenos.

EXCURSIÓN Á CORUÑA 25-05-18: PORTO E CASTELO S. ANTÓN

O venres día 25 de maio de 2018 fomos todos de excursión á Coruña. Esta vez a visita era ao PORTO DA CORUÑA, onde tamén visitamos a Lonxa e nos deron unha pequena charla sobre a venda do peixe e de como se limpaba e incluso os nenos andiveron con algún deles nas súas mans coa gran sorte de que despois as limparon grazas a un operario da lonxa que activou a maquina de xeo para os peixes. Xa no bus fomos ata o Porto e sen baixarnos pudemos disfrutar dun trasatlántico enorme que estaba atracado, chamado "VENTURA". Despois fixemos unha visita guiada no CASTELO DE SAN ANTÓN, onde tamén visitamos o MUSEO ARQUEOLÓXICO E HISTÓRICO. Como o tempo non acompañaba moito decidimos ir a xantar, previa solicitude, ao FORUM METROPOLITANO, para logo regresar ao colexio. Para ver todas as fotos, pica AQUÍ.

MONICREQUES BAOBAB TEATRO "PUM, PUM" SANTA COMBA 22-05-18

O martes día 22 de maio de 2018 asistiron os alumnos de educación infantil e 1º e 2º de educación primaria ao Auditorio do Edificio Multiusos de Santa Comba, en horario de 11:30 a 12:30, para ver un espectáculo de monicreques da Compañía BAOBAB TEATRO coa súa obra "PUM, PUM". É un espectáculo que fala de historias cotiás que lles pasan aos nenos destas idades, pero tamén fala dunha mensaxe moi clara: dende moi pequenos teñen que saber que ninguén pode obrigarlles a facer cousas que non queren facer.

OS LIBROS DA TITIRITEIRA, A CARGO DE CELTIA FIGUEIRAS 24-04-18

O martes día 24 de abril visitou o noso centro a contacontos CELTIA FIGUEIRAS, que acercou aos nenos aos seus libros tan peculiares. Contou, despois do recreo e na biblioteca do centro, contos tales coma "O CARACOL SEN NOME", "AS CARAS FALADORAS" E UN DE "PIRATAS". Os nenos alucinaron vendo sair do interior dos libros tan increibles historias. Podedes ver máis fotos AQUÍ.

UNHA VISITA INESPERADA 24-04-18

O martes día 24 de abril, a primeira hora da mañá, vimos vir cara ao noso centro uns peregrinos moi especiais: Ginés e Yosu. Viñan de Santurce cara Santiago, cunha burra e un can. Nos xa os atopamos camiño a Fisterra e ao paso polo noso centro, decidimos sair todo o colexio a saudalos e facerlle unhas preguntas, coa gravadora da nosa Radio Rosiña. Os nenos alucinaron dándolle de comer á burra "Marina" e ao can "Komotú". Si ese era o curioso nome do can. Disfrutamos coas historias de estes dous peregrinos, que nos agasallaron cunha pequena parada camiño do seu destino. Para ver máis fotos, premede AQUÍ.

EXCURSIÓN CON NINA SOBRE O PATRIMONIO E O CAMIÑO DE SANTIAGO 19-04-18

O xoves día 19 de abril, fixemos unha excursión con todo o colexio en dous microbuses para ver con Nina a arqueóloga do Concello o CASTRO DE MONTE ARO, a NECRÓPOLE DE PEDRAS MIÚDAS e PONTE OLVEIRA. No Monte Aro ademáis de ver unhas maravillosas vistas, fixemos unha boa camiñata. Despois baixamos a Pedras Miúdas, merendando arredor dunha mamoa. E para rematar estivemos en Ponte Olveira, onde aprendemos moitas cousas sobre o Camiño de Santiago e mesmo tivemos a sorte de cruzarnos e falar un pouquiño cuns peregrinos que pasaban por alí. Picade AQUÍ para ver as fotos.

CHARLA CON NINA, ARQUEÓLOGA DO CONCELLO 17-04-18

O martes día 17 de abril tivemos unha charla con Nina a arqueóloga do Concello, que nos veu falar despois do recreo sobre o Patrimonio. Previamente vimos un video sobre os Castros, co fin de comprender un pouco máis sobre o tema, e tamén outro que trataba sobre dolmens. Nina proxectou un video tamén sobre o Megalitismo. Para ver os videos picade nos seguintes enlaces:

https://youtu.be/nARG_EYR2Rs

https://youtu.be/Zmp-lDWjg3A

Picade AQUÍ para ver as fotos de ese día.

EXCURSIÓN A CORUÑA INFANTIL, 1º E 2º. 13-04-18

O venres día 13 de abril foron de Excursión a Coruña os alumnos de Infantil e de 1º e 2º de Primaria para disfrutar do concerto didáctico "Pequeno Circo Ambulante", desfrutando moito da música do Circo. Foi no Palacio da Ópera. Remataron a excursión visitando a estación de Trens da Coruña, para posteriormente, xantar nun parque e voltar para o colexio. Premendo AQUÍ, poderedes ver tódalas fotos.

VISITA DE JAVIER PRADO Á NOSA "RADIO ROSIÑA" 12-04-18

O xoves día 12 de abril de 2018, tivemos a gran sorte de contar no noso centro durante toda a mañá a JAVIER PRADO ESPIÑEIRA, que nos encheu de consellos co fin de sacar o máximo proveito da nosa "RADIO ROSIÑA". Comezou metendo aos alumnos de primaria en contexto a través da preparación de diversas actividades que posteriormente desenrolarían na Radio. Unha vez na propia Radio e por grupos fixemos unha serie de gravacións, explicando previamente tanto aos que controlaban a mesa de mezclas e o ordenador como aos que se atopaban na mesa dos micros. Así ensinoulles como colocar o micro para falar, o funcionamento da mesa de mezclas, programas do ordenador como o Audacity, saber como subir e baixar o volume da música ou parala e volvela a reproducir, gardar os traballos realiozados, etc...A verdade que con profesionales como Javier da gusto traballar. Grazas e ata a próxima. Si queredes ver tódalas fotos picade AQUÍ.

EXCURSIÓN A SANTIAGO. TEATRO PRINCIPAL "DANZA EMOTICORES" 10-04-18

O martes día 10 de abril o alumnado de primaria dos cursos de 3º, 4º, 5º e 6º, asistiron no Teatro Principal en Santiago de Compostela a un dos Programas Didácticos de Danza co título de "EMOTICORES", interpretado por "Las Tricotouses".

Comezaron a mañá visitando na Praza do Toural a Fundación Eugenio GHranell, onde fixeron unha visita guiada, co fin de coñecer un pouquiño da obra dun pintor surrealista. Tamén disfrutaron dunha das terrazas máis espectaculares de Santiago, a do Pazo de Bendaña. Despois do teatro e xa para rematar o día antes de xantar, fixeron un percorrido polo 2º lugar máis visitado de Santiago despois da Catedral: a Praza de Abastos. Para ver tódalas fotos, picade AQUÍ.

EXCURSIÓN A SANTIAGO E VIAXE EN TREN A PADRÓN 21-03-18

O mércores día 21 de marzo fixemos unha excursión a Santiago con todos os nenos do cole. Os de Infantil foron ao CGAC e ao MUSEO DO POBO GALEGO. Mentres os alumnos de Primaria ian á exposición "A ARTE NO CÓMIC" na seda Afundación e posteriormente ao TEATRO PRINCIPAL a ver a obra "O CONTO DA AZUZAINA". Logo todos xuntos nos diriximos á ESTACIÓN DE TREN de Santiago, onde collimos un tren con destino a Padrón. Foi toda unha aventura, xa que a maioría dos nenos era a 1ª vez que viaxaba en Tren. E ata fomos cantando e tocando ukeleles cos nenos de 1º e 2º que amenizaron a viaxe tocando a canción de "O tren" de Andrés do Barro. Ao chegar a Padrón fumos xantar ao Parque de Rosalía. Podedes ver as fotos de ese día picando AQUÍ.

EXCURSIÓN A FISTERRA E CEE 02-03-18

O venres día 2 de marzo de 2018, fomos todo o colexio de excursión. Aproveitamos un intre no que a chuvia nos daba unha tregua para acercarnos ao FARO DE FISTERRA, onde sacamos unha chea de fotos cos nenos. Debido ás inclemencias meteorolóxicas non puidemos ver outros lugares que tiñamos previstos como a FERVENZA DO ÉZARO e o CASTELO DE SAN CARLOS. Despois fomos a CEE onde asistimos a un Concerto do grupo de percusión ODAIKO, cos que sacamos fotos ao remate da actuación. De ahí regresamos para xantar no colexio. Para ver todas as fotos de FISTERRA ou de CEE, pica nos seus nomes.

ELABORACIÓN DOS BOLOS DO POTE NA PICOTA 26-02-18

O alumnado de 1º e 2º de primaria do colexio, asistiu xunto co seu titor Óscar á Picota para levar a cabo unha actividade gastronómica organizada polo Concello. Co fin de manter viva a tradición de elaborar BOLOS DO POTE nas Terras de Mazaricos, ao longo da semana os máis pequenos foron os protagonistas da actividade "O BOLO MIÚDO". Foi unha xornada turístico-educativa que se desenvolveu na nova aula gastronómica do Concello, e na que participaron nenos e nenas, ademáis do noso centro, de Pino de Val e da Picota. Os rapaces aprenderon a elaborar eles mesmos os bolos do pote, e coñeceron de man das amas de casa todos os ingredientes que os compoñen. A iniciativa foi deseñada e organizada polos alumnos-traballadores do obradoiro de emprego Proturismo 2017 coa colaboración das Amas de casa e o Concello de Mazaricos. Para ver tódalas fotos de ese día picade AQUÍ.

EXCURSIÓN A CORUÑA 23-02-18

O venres día 23 de febreiro de 2018, fomos todo o colexio de excursión á Coruña. Os alumnos de 3 anos foron ao AQUARIUM acompañados pola súa titora Patricia e o mestre David. Mentras os de 4 e 5 anos e todos os de primaria forón ao Palacio da Ópera para asistir ao Concerto Didáctico "Noe, Noemí e Noemilia" interpretado pola Orquestra Sinfónica. Despois xuntámosnos todos e subimos ao Monte de San Pedro para xantar e xogar un rato nos columpios e máis no laberinto (o día era fantástico). Sobre as 15:15 horas regresamos para o colexio. Picando nas diferentes fotos, poderedes ver as fotos de ese día.


EXCURSIÓN A SANTIAGO AO AUDITORIO PARA VER "VIAXE ARREDOR DO MUNDO" 29-01-18

O Luns día 29 de xaneiro de 2018, fumos de excursión cos alumnos de primaria ao Auditorio de Galicia en Santiago de Compostela para presenciar na sala Mozart "VIAXE ARREDOR DO MUNDO", dentro da programación DIDÁCTICOS AUDIOVISUAIS 17-18. Si picades no cartel, poderedes acceder á Unidade Didáctica. Os de primaria con anterioridade viron a exposición 10º Premio Auditorio de Galicia para novos artistas 2017. Os de infantil foron á Fundación cunha visita guiada para ver "A ARTE NO CÓMIC" e despois visitaron unha oficina de Turismo. Rematamos o día xantando todos xuntos nun parque infantil na Alameda.

Todas as fotos de ese día podedes velas no noso BLOGUE DA BIBLIOTECA.

FASE COMARCAL DE CAMPO A TRAVÉS EN A BAÑA 19-01-18

O venres día 19 de xaneiro de 2018 participamos na FASE COMARCAL DE CAMPO A TRAVÉS, que se disputou no Circuito de Campo a Través de A Baña ás 11 horas da mañá. Fumos con 16 nenos e nenas de diferentes categorías, que disfrutaron dun día fantástico para a práctica do deporte. Soamente se clasificou para a Fase Intercomarcal, a celebrar en Noia o vindeiro venres día 26 de xaneiro, a alumna de 5º de primaria PAULA MANEIRO BERGANTIÑOS.