2012-2013

¡¡¡FELICES VACACIÓNS!!!

DESEXÁMOSVOS UNHAS BOAS VACACIÓNS.


ATA O CURSO QUE VEN!!!!!!



A principio do curso 13-14 publicaremos as fotos da excursión dos alumnos de 6º e as da Xornada de Convivencia en Broña.

LIBROS DE TEXTO CURSO 2013-2014

LISTA DE LIBROS DE TEXTO PARA O CURSO ESCOLAR 2013-2014


AXUDA ADQUISICIÓN LIBROS DE TEXTO 2013-2014

Eiquí vos deixamos un enlace con toda información necesaria no que atinxe ás AXUDAS PARA A ADQUISICIÓN DOS LIBROS DE TEXTO PARA O CURSO 2013-2014. Podedes imprimir as solicitudes neste enlace ou recollelas no centro. Picade no debuxo.


VISITA O CENTRO A SUDAFRICANA RIANA VAN NIEKERK TALJAARD 29-05-13

Visitou o noso centro a Sudafricana RIANA VAN NIEKERK TALJAARD, para falarlles aos nenos e nenas do seu país natal. Fixo unha bonita presentación de fotografías e vídeos sobre SUDÁFRICA, e ensinoulles aos nenos billetes do país, unha figura decorada dun ovo dunha avestruz, etc.. Respondeu ás preguntas dos máis intrépidos e deixounos no centro varias moedas do seu país e un puzzle de sudáfrica para os nenos, a modo de agasallo. Esta visita é outra de tantas que fan referencia ao proxecto sobre as culturas que estamos a desenrolar neste curso no centro. Para ver máis fotos pica nestas.  

 

 

 

CONCURSO DE ILUSTRACIÓN E NARRACIÓN - LETRAS GALEGAS 2013

Celebrouse no colexio, o xoves día 16 de maio o DÍA DAS LETRAS GALEGAS 2013, adicado a ROBERTO VIDAL BOLAÑO (1950-2002). Como unha máis das actividades levadas a cabo durante toda a semana, cabe destacar o "CONCURSO DE ILUSTRACIÓN E NARRACIÓN", sendo os traballos premiados os seguintes:


Educación Infatil:                                     ALBA LAGO GARCÍA


1º Ciclo de Educación Primaria:           MIRIAM MOURO DUARTE


2º Ciclo de Educación Primaria:           NURIA ESPERANTE MANEIRO


3º Ciclo de Educación Primaria:           PAULA GERMIL CALO


Os traballos destas alumnas podédelos ver no noso Blog da Biblioteca. Eiquí quedan unhas fotos de ese día, picando na imaxe das gañadoras.


   

REGUEIFEIROS CONMEMORANDO AS LETRAS GALEGAS 15-05-13

Como parte das conmemoracións a realizar no centro, adicadas ás Letras Galegas 2013 (que este ano se lle adican a Roberto Vidal Bolaño), tivemos a sorte de contar con dous regueifeiros, "PINTO DE HERBÓN E O CARUNCHO" que fixeron as delicias de nenos e maiores. Esta actuación levouse a cabo na biblioteca do centroen horario de 12:30 a 13:30, tempo máis que suficiente para que poidesen dar unhas clases  aos nenos sobre como facer regueifas e cal é a súa orixe. Para ver máis fotos, pica nestas.


   

VISITA O CENTRO DESIRÉ KOUAKOU TANOH 08-05-13

O día 8 de maio de 2013, visitou o noso centro DESIRÉ KOUAKOU TANOH (Costa de Marfil, 1972), o chamado cariñosamente "Cura negro de Mazaricos", para falarnos sobre o seu pobo natal e a ONG EGUEIRE (Asociación de Cooperación Exterior Egueire), da que é membro, e ca que quere axudar ao seu pobo "para que poida camiñar por sí mesmo". O seu proxecto pretende construir unha casa en GRAND LAHOU para convertila nun centro educativo. Vai facer 7 anos que chegou a Mazaricos e encárgase dos feligreses de Brandomil, Brandoñas, Muiño, Os Vaos e Alborés, nos concellos de Zas e Mazaricos. Esta visita, enmárcase dentro do noso proxecto 12-13 sobre as culturas.

  

PARA VER MÁIS FOTOS DO EVENTO, PINCHA NA FOTO DE GRUPO.

ACTUACIÓN DO CONTACONTOS INACIO VILARIÑO 06-05-13

O luns día 6 de maio de 2013, visitou o noso centro o contacontos INACIO VILARIÑO, do cal temos algúns libros na nosa biblioteca, e que unha vez rematada a actividade no los asinou amablemente. Levou a cabo ese día pola tarde unha actividade de contacontos, adicada sobre todo aos burros. Os nenos pasárono de maravilla. Eiquí vos quedan unhas fotos da actividade. Para ver máis, picade nalgunha de estas.


    

23 DE ABRIL. DÍA DO LIBRO.TRABALLOS DO 1º CICLO

Eiquí aparecen algúns dos traballos feitos polos nenos e nenas do 1º ciclo de educación primaria, para conmemorar o Día do Libro, o martes día 23 de abril de 2013.






EXCURSIÓN A SANTIAGO: DJ JOSÉ Mª REY E HARUNA TAKEBE NO AUDITORIO 26-04-13

O venres día 26 de abril, fumos de excursión a Santiago de Compostela, ao Auditorio de Galicia, para ver a actuación do DJ José Mª Rey e a actividade "A HISTORIA DO ROCK DE ELVIS A VETUSTA MORLA", de 12 a 13:15, para os alumnos do 2º e 3º ciclo de primaria. O alumnado de ed. infantil e 1º ciclo de EP, repartiron as súas actividades entre o Museo do Pobo Galego e o CGAC. Unha vez rematamos estas actividades, e para o noso centro soamente, na Sala Mozart do Auditorio, vimos en directo un pequeno concerto da pianista xaponesa que nos visitara no centro, HARUNA TAKEBE, de 13:15 a 13:45. Posteriormente xantamos e voltamos para o colexio. Para máis informaíón do concerto de José Mª Rey picade no logo (ahí tamen atoparedes unha unidade didáctica da actividade).

 

  

Para ver máis fotos de ese día, pica en calquera de estas tres fotos.

LA VUELTA CICLISTA JUNIOR 23-04-13

O martes día 23 de abril, faremos unha actividade no centro, consistente en desenrolar unha actividade ciclista, con 1 sesión teórica e 2 sesións prácticas, cos alumnos de 3º, 4º, 5º e 6º. Ao rematar estas sesións repartiranse invitacións entre os nenos para asistir o día 27 de agosto, coincidindo coa chegada da Volta ciclista, a unha mini carreira ciclista no concello. Despois os nenos poderán disfrutar en directo da chegada da Volta en dita localidade xunto cos seus pais nunha zoa vip. Os gañadores da minicarreira subirán ao podio xunto co gañador da etapa. Para máis informaci´´on pica no logo.

LA VUELTA CICLISTA JUNIOR 25-04-13

  


O xoves día 25 de abril, fixemos unha actividade no centro, consistente en desenrolar unha actividade ciclista, con 1 sesión teórica e 2 sesións prácticas, cos alumnos de 3º, 4º, 5º e 6º (pincha nas fotos para ver o que sucedeu ese día). En vindeiras datas repartiranse invitacións entre os nenos, 1 por cada curso participante, para asistir o día 27 de agosto, coincidindo coa chegada da Volta ciclista, a unha mini carreira ciclista no concello (Fisterra). Despois os nenos poderán disfrutar en directo da chegada da Volta en dita localidade xunto cos seus pais nunha zoa vip. Os gañadores da minicarreira subirán ao podio xunto co gañador da etapa. Para máis información pica no logo.


Por outro lado, tamen nos ofertaron a posibilidade de participar nun concurso, no que deberemos facer algún proxecto realizado polos nenos (vídeo, canción, mural,...) relacionado co ciclismo. O proxecto elexido gañador terá un premio de 2000€ para material escolar e o segundo clasificado gañará 1200€ para material escolar.


BASES DO CONCURSO:


http://www.lavueltajuniorcofidis.com/padres-y-educadores/concurso/

CAMPAMENTOS DE VERÁN 2013 DOS 9 AOS 17 ANOS

A Consellería de Traballo e Benestar quere facilitarlle á mocidade galega o acceso a actividades de tempo libre. A Dirección Xeral de Xuventude e Voluntariado pretende facer realidade este obxectivo a través da ACCIÓN DE VERÁN 2013. Trátase dun programa de actividades que terá lugar nos meses de xullo e agosto, tanto en Galicia coma noutras comunidades autónomas. Toda a información da campaña podédela ver e descargar picando no seguinte enlace:


 http://xuventude.xunta.es/accion-de-veran.html


Para ver as actividades, campamentos e demáis información, pincha neste catálogo. 

VISITA O COLE O MÚSICO BIELORRUSO VADIM YUKHNEVICH 05-04-13

VADIM YUKHNEVICH é un músico bielorruso que leva máis de 10 anos vivindo en Galicia. Antes de chegar ao noso país, recorreu varios lugares de Europa (Alemania, Francia,...) tocando na rúa con outros instrumentistas. Ademáis de impartir clases de acordeón, forma parte de numerosos proxectos relacionados coa escena: participa tocando en directo en diversas obras de teatro (Berrobambán, Mago Teto,...); realiza gravacións e espectáculos didácticos (Boas Noites, O camaleón musical,...); e forma parte de varios grupos musicais (Stranniki, Xúa, Kibitka, Banda Crebinsky,...). Actuou no colexio en horario de 12:30 a 13:30. É outra máis das aportacións ao noso proxecto das culturas. Pica na foto para ver máis imaxes.Podedes ver algunhas cancións picando nestes links:

http://www.youtube.com/watch?feature=player_detailpage&v=HcyvBd_PbeE 

http://www.youtube.com/watch?feature=player_detailpage&v=_29bsSMC2j4

ADMISIÓN 2013-2014

Xúntase o Decreto 254/2012, do 13 de decembro, e a Orde do 12 de marzo, (DOG do 15 de marzo), polo que se regula a admisión de alumnado en centros docentes sostidos con fondos públicos que imparten as ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación. Eiquí aparece toda a documentación referente ao proceso de admisión 2013-2014 en pdf, que poderedes descargar.

ACTIVIDADE: "O DOCE MUNDO DO MEL EN GALICIA" 05-04-13

O Venres día 5 de abril en horario de 10 a 10:30, Beatriz Ríos, impartiu aos alumnos de educación primaria unha actividade que levaba por título "O doce mundo do mel en Galicia". Levouse a cabo o visionado de imaxes e ata un alumno probou un traxe de apicultor. Como remate da sesión, os nenos probaron o mel, e levaron para casa, un tarriño de mel como agasallo. Para ver máis fotos, picade nas imaxes.


   

SAÍDA DIDÁCTICA A PONTEVEDRA. SALÓN DO LIBRO E BIBLIOTECA NODAL 15-03-13

O venres, día 15 de marzo, os alumnos do 2º e 3º ciclo de educación primaria, realizaron unha excursión a Pontevedra, na que levaron a cabo unha visita guiada á exposición do XIV SALÓN DO LIBRO INFANTIL E XUVENIL DE PONTEVEDRA, que leva por título "A TODA MÁQUINA". Posteriormente visitamos a BIBLIOTECA NODAL DE PONTEVEDRA, e realizamos unha actividade cos nenos sobre "A formación de usuarios da biblioteca escolar". Para ver información de estas actividades, picade nos títulos ou no cartel anunciador. Para ver máis fotos pica na foto de grupo.


 

8 DE MARZO, DÍA INTERNACIONAL DA MULLER TRABALLADORA

O venres día 8 de marzo de 2013, celebramos no colexio o DÍA INTERNACIONAL DA MULLER TRABALLADORA. En cada titoría traballouse, para a conmemoración de este día, facendo uns murais adicados a algunha muller destacada dentro das diferentes culturas que se están levando a cabo, dentro do proxecto das culturas "ONDE OS LIBROS TE LEVEN". Picade na imaxe para ver as fotos.

SAÍDA DIDÁCTICA A SANTIAGO 01-03-13

                         


O venres, día 1 de marzo, todos os alumnos do centro fixemos unha saída didáctica ao Auditorio de Galicia para ver un Concerto do grupo "A TRIBU" que levaba por título "O JAZZ E A SÚA PEGADA HOXE". Se queredes máis información sobre o grupo ou a Unidade Didáctica de esta actuación, pinchade nos títulos. Esta actividade foi en horario de 12 a 13 horas. A partir das 13 horas, os nenos e mestres vimos unha exposición, sin sair do Auditorio de Galicia, que levaba por título "UNIDOS POLA ARTE" (se queredes máis información sobre esta exposición, picade no título). Despois de todo isto, xantamos ás 14 horas (levamos a comida do comedor do colexio: bocadillos de fiambre, augas, froita e iogures bebibles) nun parque infantil no Campus sur, chegando ao colexio ás 16:30 horas. Se queredes ver as fotos de ese día, picade nesta foto.


RESULTADOS DOS CUESTIONARIOS DE CONVIVENCIA NO CENTRO CUBERTOS POLAS FAMILIAS

Estes son os resultados totais dos cuestionarios cubertos por vostedes. Os números que aparecen nas casillas, indican o número de respostas. Como poden comprobar os resultados indican que vostedes perciben unha moi boa convivencia no colexio. Esto é un mérito de toda a comunidade educativa, e tanto ao profesorado e ao persoal non docente (cociñeiras e conserxe), anímanos a seguir na liña de traballoque vimos desenvolvendo. Si queredes ver estos resultados, picade na imaxe.


A XUNTA DOTA AO COLEXIO VÍCTOR SÁENZ DE 3 LECTORES ELECTRÓNICOS

O mércores día 20 de febreiro, a Consellería de Educación, citou ao Director e á coordinadora da nosa Biblioteca na Cidade da Cultura, para facernos entrega de 3 lectores electrónicos, dentro do Proxecto-piloto E-ELBE, lectores electrónicos nas bibliotecas escolares, coa finalidade de promover entre os nosos alumnos a lectura de libros en formato dixital entre as actividades habituais de fomento da lectura promovidas dende a biblioteca. A Consellería escolleu 25 centros de toda Galicia, de 327 solicitudes e que están dentro do PLAMBE. Os criterios de selección daban prioridade ás zonas rurais e a aqueles centros onde houbese unha especial implicación de toda a comunidade educativa nas actividades organizadas dende a biblioteca. O Equipo de Biblioteca reunirase nos vindeiros días para decidir como xestionar o uso destos lectores.

SAVE THE CHILDREN NÓMBRANOS "CENTRO EDUCATIVO EMBAJADOR"

Dende SAVE THE CHILDREN, queren recoñecernos públicamente, entre aqueles centros educativos que poñemos o noso esforzo e traballo á causa da solidariedade cos nenos e nenas dos países en desarroio. Grazas a este traballo desinteresado, o e ao esforzo e vontade de mestres e alumnos, facemos realidade que tódolos nenos e nenas, en calquer parte do mundo, teñan esperanzas e oportunidades. Para elo crease a figura do "CENTRO EDUCATIVO EMBAJADOR DE SAVE THE CHIDREN", do que formaremos parte en vindeiras datas, mediante a entrega, e conseguinte nomeamento, dunha placa acreditativa como CENTRO EDUCATIVO EMBAJADOR, así como de unha DECLARACIÓN DE INTENCIÓNS. Grazas a todos e todas por facer posible estes logros. Seguiremos apoiando este tipo de causas dende o noso colexio. 

VISITOU O NOSO CENTRO ÁNGEL CARRACEDO O 21 DE FEBREIRO

O día 21 de febreiro, visitou o noso centro, o padriño da nosa Biblioteca Escolar, D. Ángel Mª Carracedo Álvarez, para dar unha charla a nenos e maiores sobre "a orixe xenética das diferentes razas humanas". Esta charla está enmarcada, como moitas outras que levamos realizadas no que vai de curso, no noso proxecto integrado deste curso sobre as culturas: "Onde os libros te leven". Tamén nos falou de moitas das investigacións xenéticas realizadas, polo seu equipo,  no seu laboratorio, como a mochila do 11-M, as víctimas do tsunami do sureste asiático ou as nenas de Alcáser. Un destes traballos dos que estamos a falar e a investigación que realizou Ángel a través do Instituto de Mediciña Legal da USC, a petición da Fiscalía Colombiana, para esclarecer o ADN dun neno acollido nun centro de protección de Bogotá, para confirmar si era fillo ou non de Clara Rojas, secuestrada polas FARC, no ano 2002.


Parte de todo isto, saltou á luz ou tivo máis repercusión, no momento de chegar ás pantallas de cine o filme "Operacion E" do director hispanofrancés Miguel Courtois e protagonizado por un dos nosos máis grandes actores cinematográficos, LUÍS TOSAR.


Fixo un experimento, tanto cos alumnos coma cos pais/nais, que consistiu en extraerlle o ADN a guisantes. A xornada rematou xantando todos xuntos, no comedor do colexio, ao que tamen se sumaron outras persoalidades. Pincha na foto para ver as imaxes de ese día.


Tamén poñémosvos eiquí os enlaces dos vídeos das charlas de Ángel Carracedo, tanto o dos alumnos coma o das familias e mestres. Pinchade en cada un deles para velos.


Charla de Ángel Carracedo para as familias e profes do C.E.I.P. Víctor Sáenz sobre "O ADN e a orixe xenética das razas".


Charla de Ángel Carracedo para o alumnado do C.E.I.P. Víctor Sáenz sobre "O ADN e a orixe xenética das razas".

QUEIMA DO MECO E PLANTACIÓN DUN NOGAL 14-02-13

O día 14 de febreiro de 2013, 1º día de clase á volta das vacacións de Entroido, levouse a cabo ás 15 horas a QUEIMA DO MECO. Ao mesmo tempo cantouse entre todos unha canción, preparada pola profe Susi. Para rematar o día, tamén levamos a cabo a plantación no patio dun nogal. Pica na foto para ver máis.


ENTROIDO 2013

¡¡¡Xa está eiquí, outro ano máis!!! Chega o ENTROIDO 2013, ao noso centro. Como tódolos anos durante toda a semana os nenos foron cumprindo os mandadiños que lles dícía O MECO, e o venres día 8 de febreiro, levaremos a cabo no centro o GRAN DESFILE DE ENTROIDO 2013. Si o tempo nos respeta, faremos un percorrido polo pobo de San Cosme. Se non faremos o Entroido no centro con música, piñatas e desfile dos diferentes cursos, para posteriormente rematar xantando todas aquelas lambetadas que tan amablemente traen tódolos anos as familias. A DISFRUTAR, QUE TOCA!!!!!! Para ver as fotos desta celebración, pica en calquera das fotos.







DÍA DA PAZ 30-01-13

O día 30 de xaneiro de 2013, celebramos no noso colexio, o Día Escolar pola Paz, conmemorando o 65 Aniversario da morte de Gandhi. Fixemos algunhas actividades ás 15:15 horas: colgamos nun mural anacos da pomba que vedes eiquí arriba, como un puzzle, pero cada clase escribiu no seu anaco a palabra PAZ traducida ao idioma que están a traballar no proxecto de aula sobre as culturas (americano, inuit, chino, hindú, ruso e africano). Despois, da man da profe de música (SUSI) tódolos nenos do cole e os mestres, cantamos a canción "APERTAS QUE VOAN".Eiquí tedes o resultado!!!! Picade na pomba para ver máis fotos.

HARUNA TAKEBE, PIANISTA XAPONESA, VISITA O NOSO CENTRO O LUNS 28-01-13


 


 


HARUNA TAKEBE é natural dunha pequena illa do Xapón. A súa pasión pola música e polo piano levouna a graduarse  en interpretación pianística pola Toho Gakuen de Tokio cos mestres Megumi Kaneko e Keiko Takeuchi. En 1999 trasládase a Europa para ampliar a súa formación: primeiro en Alemaña onde se gradúa na Universidade das Artes de Berlín, en Francia no L´École Nacional de Musique de Pantin e logo en Holanda para obter o Master´s degree de solista, música de cámara así como de acompañante de lied baixo a dirección do profesor Willem Brons no Conservatorium van Amsterdam. En novembro de 2004 grava un disco para o selo STH. Dende 2007 combina a interpretación coa docencia incorporándose como catedrática de Piano na Elisabeth Univerity of Music de Hiroshima onde permanece ata 2009, cando decide trasladarse a España. Pinchando na foto de arriba, coñeceredes algo máis sobre esta grande artista. E pinchando na de abaixo veredes as fotos do día que nos visitou.


CHARLA DA GUARDIA CIVIL DE NOIA SOBRE OS RISCOS DE INTERNET 22-01-13

Dentro do "III PLAN DIRECTOR PARA LA CONVIVENCIA Y MEJORA DE LA SEGURIDAD ESCOLAR" , solicitamos dende o centro a intervención da Guardia Civil de Noia para desenrolar unha charla sobre a temática dos "RISCOS NA INTERNET" para os/as alumnos/as de 2º e 3º ciclos de educación primaria o martes día 22 de xaneiro, en horario de 10:15 a 11:50. Trátase de ofertar información sobre os problemas e riscos obxectivos, motivar aos alumnos na adopción de conductas pro-activas, así como facilitar aos pais e mestres pautas de detección e reacción, ademáis da axuda inmediata de funcionarios policiais especializados nas situacións máis graves.


       

Powered by Drupal - Design by artinet