2009-2010

CONTACONTOS DE 3º: "O CROCODILO NAMORADO"

Lun, 31/05/2010 - 10:23 — davifele

O Venres día 28 de maio, os/as alumnos/as de 3º de ed. primaria, representaron o conto "O crocodilo namorado" para o resto dos alumnos e alumnas do colexio.

CONTACONTOS DE 2º "Paco Papán"

Mér, 26/05/2010 - 11:43 — davifele

Os/as alumnos/as de 2º curso de ed. primaria levaron a cabo o venres día 21 de maio ás 13 horas na aula de audiovisuais, a escenificación do conto "Paco Papán" para o resto do alumnado do colexio. Posteriormente interpretaron unha canción ante a atónita mirada de todos os seus compañeiros.

Obradoiro de bebidas saudables

Mér, 26/05/2010 - 11:37 — davifele

O venres día 21 de maio, no comedor do centro, levouse a cabo un Obradoiro de bebidas saudables para os/as alumnos/as de 3º, 4º e 5º cursos de ed. primaria, a través da Asociación NERIA.

Excursión ao CGAC (Santiago) alumnado de 2º e 3º ciclo

Mér, 26/05/2010 - 11:33 — davifele

O xoves día 20 de maio, os alumnos e alumnas do 2º e 3º ciclo de ed. primaria foron de excursión a Santiago para ver unha exposición no CGAC e pasear pola zona vella de Santiago.

Visita ao centro do ilustrador SUSO CUBEIRO

Lun, 24/05/2010 - 10:35 — davifele

O mércores día 19 de maio, recibimos a visita no colexio do ilustrador Suso Cubeiro, que fixo actividades de debuxo con tódolos nenos e ata asinou nalgúns libros ilustrados por él. Tamén nos deixou unha acuarela para o centro co retrato de Uxío Novoneyra.

Día das Letras Galegas 2010

Lun, 24/05/2010 - 09:29 — davifele

O xoves, día 13 de maio en horario de mañá, celebrouse na aula de Cultura da Picota o "Día das Letras Galegas 2010", adicado este ano a UXÍO NOVONEYRA, realizando diferentes tipos de actividades entre os/as alumnos/as dos tres colexios do Concello.

"El misterio de las mochilas" por JR

Xov, 15/04/2010 - 11:30 — davifele

TEXTO DE JOSÉ RAMÓN ESPERANTE

(pai de Nuria de infantil de 5 anos):

"EL MISTERIO DE LAS MOCHILAS".

1 adxunto

Excursión a Vigo 17-03-10

Lun, 22/03/2010 - 13:06 — Anónimo

O pasado mércores día 17 de marzo, os/as alumnos/as de primaria foron de excursión a Vigo e visitaron o Instituto Feiral de Vigo, facendo un percorrido por unha serie stands explicativos, organizado pola Escola Galega de Consumo. Posteriormente foron comer á praia de Samil e para rematar o día tiveron a oportunidade de ver as maravillosas vistas de Vigo dende o mirador de O Castro.

O NOSO INVERNADOIRO: PASO A PASO. PROXECTO VOZ NATURA

Lun, 15/03/2010 - 11:18 — Anónimo

Neste curso 09-10 estamos a participar nun proxecto da Voz de Galicia de Voz Natura que leva por nome "O horto escolar". Dentro deste proxecto estamos a levar a cabo a instalación dun invernadoiro nunha finca frente á entrada principal do colexio. Ademais do coordinador e o conserxe do centro estamos tendo a axuda de varios pais de alumnos do colexio e da Cuma.

XORNADA DE SEGURIDADE VIAL "STOP ACCIDENTES"

Xov, 04/03/2010 - 12:28 — Anónimo

Hoxe, día 4 de marzo durante toda a mañá, a Asociación STOP ACCIDENTES, esta levando a cabo no centro unha Xornada de sensibilización sobre Seguridade Vial, para tódolos cursos, a través do Programa AULAS ACTIVAS EN EL RURAL.

O BLOGUE DA NOSA BIBLIOTECA XA ESTÁ EN MARCHA

Sáb, 27/02/2010 - 19:16 — Anónimo

Gustaríanos que todos/as coñecésedes o noso blogue

Visitade o noso Blogue!!!

Acabando o mes de outubro, temos xa moitas novidades que contarvos dende a nosa Biblio.

Alerta

Mér, 24/02/2010 - 12:41 — Anónimo

Instrucións en relación á previsión de fenómenos meteorolóxicos adversos

Mar, 23/02/2010 - 14:30

As previsións facilitadas pola Dirección Xeral de Emerxencia e Interior anuncian para os vindeiros días 24 e 25 fenómenos meteorológicos adversos por intensas choivas (nivel laranxa) con precipitacións persistentes e localmente fortes que poderán superar os 80 mm en 12 horas na provincia de Pontevedra e suroeste da provincia de A Coruña.

Asemade está activada a alerta en nivel amarelo por fortes ventos, con rexistros que poden superar os 90 Km/h no oeste e noroeste da provincia de A Coruña e na Mariña Lucense e os 80 km/h en toda a provincia de Pontevedra e no interior e suroeste da provincia da Coruña.

Con base nas previsións expostas, dende a Secretaría Xeral da Consellería de Educación e Ordenación Universitaria, cursanse as seguintes instrucións:

Quedan suspendidas todas as actividades ao aire libre nos centros docentes de ensino non universitario no período indicado na referenciada alerta por fenómenos meteorológicos adversos.

Deben de adoptarse as medidas oportunas para evitar ou minimizar os posibles efectos dos fortes ventos/intensas choivas: asegurar peches de portas e fiestras así como ocos de acceso aos tellados, deixar libres e operativos os sumidoiros e desagues; adoptar medidas singulares naquelas zonas ou espazos nos que xa se tivesen producido episodios do asolagamento;..).

Os equipos directivos dos centros deberán prestar especial seguimento a evolución da presente alerta meteorolóxica (segundo a información actualizada que facilita a páxina web www.112galicia.org). De selo caso, facultase aos directores/as dos centros para que, en atención ás singulares circunstancias meteorolóxicas adversas que poidan concorrer no ámbito territorial do seu centro, adopten as medidas necesarias para minimizar os efectos das mesmas.

O entroido deste ano

Mar, 23/02/2010 - 21:58 — Anónimo

Este ano, os nenos e nenas de 1º curso disfrazámonos de trasnos, xa que estamos aprendendo moitas cousas novas sobre a mitoloxía galega. Un dos seres máis interesantes son os trasnos; estes seres fan moitas bromas, sempre andan coxos e teñen a man esquerda furada.

Nós divertímonos moito e fixemos algunha que outra trasnada... pero non llo contedes a ninguén.

FOTOS DO NOSO ENTROIDO 2010

Ven, 12/02/2010 - 11:10 — Anónimo

CAMPAÑA DE ANIMACIÓN Á LECTURA

Mar, 09/02/2010 - 22:02 — Anónimo

Dende a Biblioteca e coa colaboración do Equipo de Normalización Lingüística, estase a por en marcha unha Campaña de Animación á Lectura adicada á MITOLOXIA GALEGA. O obxectivo é que os nosos rapaces e rapazas coñezan as antigas lendas do noso país e as personaxes que constituen o imaxinario tradicional galego.

Os traballos elaborados e que aquí iremos publicando están baseados nas seguintes obras de Xosé Miranda, Antonio Reigosa e Xoán Cuba:

Diccionario dos seres míticos galegos

Pequena mitoloxía de Galicia.

Esperamos que os disfrutedes!

Fonte da moura

Galicia é un país habitado por homes e mulleres de carne e óso pero tamén por seres que bulen nun mundo fantástico ou encantado, pero tan real coma o outro. Queredes coñecelos?

Os Nubeiros	As mouras
As Meigas	Os Trasnos
Os Diaños Bulreiros	A Santa Compaña
As Sereas	As Lavandeiras

COMEZA O ENTROIDO 2010

Mar, 09/02/2010 - 20:13 — Anónimo

O venres día 12 de febreiro terá lugar no noso colexio a celebración do Entroido 2010, que xa iremos animando durante toda a semana con diversos mandadiños e a confección dos disfraces e do Meco. Este ano o tema no que xirará todo o evento son "Os seres mitolóxicos galegos". Ese día terá lugar un desfile polas rúas perto do colexio (coa música a tope), para finalizar co xantar de Entroido e as famosas piñatas.

Animarvos: estades tod@s convidados ao centro.

Celebración do DÍA DA PAZ

Mér, 03/02/2010 - 15:18 — Anónimo

Celebrouse no patio do colexio o venres día 29 de xaneiro ás 15:15. Cantamos e bailamos tod@s unha canción nunha roda e posterioremnte os/as nenos/as de cada ciclo soltaron unha pomba. Traballouse nas clases e mais se levou a cabo o visionado de diferentes películas dependendo dos ciclos.