2014-2015

LETRAS GALEGAS 2015: XOSÉ FILGUEIRA VALVERDE

O venres día 15 de maio de 2015, e co fin de conmemorar o DÍA DAS LETRAS GALEGAS 2015, fixemos unha serie de actividades no patio. Fixemos un MAIO coas flores que trouxeron os rapaces da casa, e cantamos unha canción preparada pola mestra de música Susi, titulada "O Maio das Nogais". Logo esta mesma mestra deu lectura a un conto viaxeiro que se está a elaborar dende o Día do Libro, e para rematar entregáronse os premios do noso Concurso Literario das Letras Galegas, inspirándose os nenos nos textos da obra de Filgueira Valverde. De todo isto, premiados, traballos literarios, maio, etc... tedes un bo reportaxe fotográfico ao voso alcance. En E.I. premiouse a todo o ciclo co seu traballo "Este mes de maio"; no 1º ciclo de E.P. a gañadora foi NEREA OZÓN OTERO (1º) con "A miña horta"; no 2º ciclo de E.P. gañou RUBÉN BLANCO PEREIRA (4º) co traballo "Xoán Paticorto"; no 3º ciclo de E.P. gañou ÁLEX INSUA MOLDES (5º) con "A Amiguiña"; e como premio especial do xurado foi gañadora a obra de YANIRA PARÍS PARÍS (4º) titulada "Jaime O Melenas". Pinchando nas fotos poderedes ver estos traballos gañadores e o resto de actividades de ese día.

       

EXCURSIÓN A SANTIAGO 2º E 3º CICLO E.P. 24-04-15

Os alumnos do 2º e 3º ciclos de E.P. foron de EXCURSIÓN A SANTIAGO o venres día 24 de abril de 2015, para ver no Auditorio de Galicia a obra da Real Filarmonía de Galicia xunto coa Compañía de monicreques Per Poc titulada "Romeo e Julieta". Despois fixeron unha actividade titulada "Emocións Creativas dunha colección-Teatro de Emocións" na Sede de A Fundación.

  

DÍA DO LIBRO: MARCAPÁXINAS, APADRIÑAMENTOS LECTORES E CINE

Continuando coas actividades do DÍA DO LIBRO, os nenos fixeron uns MARCAPÁXINAS super orixinais que se expuxerón posteriormente no pasillo do centro. Tamén fixemos o día 23 de abril, na hora de ler, os APADRIÑAMENTOS LECTORES, nos que alumnos de cursos superiores leíanlle aos máis pequenos un conto. E para rematar tivemos pola tarde sesión de cine, a través do visionado de fragmentos de películas nos diferentes ciclos.

  

HÉCTOR LORENZO CONTACONTOS MUSICAL 20-04-15

O luns día 20 de abril de 2015 visitou o noso centro HÉCTOR LORENZO, un contacontos musical, que coa a súa guitarra e as súas historias recitaba poemas de Raúl Pato, para ledicia de tódolos nenos e nenas asistentes.

  

LA ARMÓNICA INVISIBLE: MÚSICA DE CINE 23-03-15 COLEGIO LA SALLE-SANTIAGO

O luns día 23 de marzo de 2015, os alumnos do 2º e 3º ciclos de E.P. foron de excursión a Santiago para ver no colegio La Salle a actuación de LA ARMÓNICA INVISIBLE co seu espectáculo "MÚSICA DE CINE". Interpretaron unha serie de temas ilustrativos do que foi a música para a Historia do Cine. Descubrimos cal é a música axeitada para cada xénero, que función cumplía a música nas esceas e a contribución da música á Historia do Cine.

   

 

CHARLA: "CAMBIOS NA PUBERTADE" PARA ALUMNOS DE 6º 30-01-15

O venres día 30 de xaneiro de 2015, tivemos unha charla para o alumnado de 6º de educación primaria, que levaba por título "CAMBIOS NA PUBERTADE" a través da Asociación Neria, en horario de 10 a 11 horas.

 

Powered by Drupal - Design by artinet