Biblioteca

DÍA MUNDIAL DA RADIO 2018

O martes día 13 de febreiro de 2018, celebramos o DÍA MUNDIAL DA RADIO 2018. A través da plataforma "ESPORA", fixemos unha actividade días antes (xa que o día 13 era Entroido e polo tanto festivo), que consistía en gravar un pequeno audio na nosa Radio sobre a temática das mulleres deportistas. O texto foi facilitado polo organizadores da actividade, que se faría na Radio de varios centros educativos, co fin de xuntar tódalas gravacións e facer un audio que quedou moi bonito. A alumna do noso centro que se encargou de facer a gravación foi PAULA MANEIRO BERGANTIÑOS (5º de Primaria), que leu un texto sobre RONDA ROUSEY, campiona de artes marciais mixtas na UFC. Para escoitar o audio, picade na 1ª foto ou no audio que se atopa debaixo das fotos.

 

CHARLA COA ARQUEÓLOGA DO CONCELLO 05-02-18

O luns día 5 de febreiro, tivemos a visita no centro de Nina, Arqueóloga do Concello, para dar unha charla aos nenos sobre o Patrimonio material e inmaterial do Concello de Mazaricos, sobre o cal estamos a traballar no centro co noso Proxecto do Plan Proxecta sobre o Camiño de Santiago a Fisterra ao seu paso por Mazaricos.

 

CHARLA DE FORMACIÓN SOBRE A RADIO NA BIBLIO 01-02-18

O xoves día 1 de febreiro e continuando coa posta a punto da nosa RADIO, tivemos para o profesorado unha charla con JAVIER PRADO ESPIÑEIRA (Rede Espora), sobre "O TRABALLO COA RADIO NA ESCOLA. ORIENTACIÓNS DIDÁCTICAS". Ademáis puxo a funcionar todos os aparellos que mercamos para dotar á nosa Radio do instrumental imprescindible para comezar a funcionar (micros, mesa de mezclas, auriculares, ordenador, cableado, etc. E hasta comezamos a facer algunha grabación na nosa radio na escolar. Tamén tivemos algunha que outra experiencia cos nenos. Esto non fixo máis que comezar!!!!!!.

 

CHARLA DE FORMACIÓN SOBRE A RADIO NA BIBLIO 01-02-18

O xoves día 1 de febreiro e continuando coa posta a punto da nosa RADIO, tivemos para o profesorado unha charla con JAVIER PRADO ESPIÑEIRA (Rede Espora), sobre "O TRABALLO COA RADIO NA ESCOLA. ORIENTACIÓNS DIDÁCTICAS". Ademáis puxo a funcionar todos os aparellos que mercamos para dotar á nosa Radio do instrumental imprescindible para comezar a funcionar (micros, mesa de mezclas, auriculares, ordenador, cableado, etc. E hasta comezamos a facer algunha grabación na nosa radio na escolar. Tamén tivemos algunha que outra experiencia cos nenos. Esto non fixo máis que comezar!!!!!!.

 

A CREACIÓN PASO A PASO DA NOSA RADIO-xaneiro 2018

Dende que nos concederon o Proxecto da "RADIO NA BIBLIO", non paramos de darlle voltas á cabeza para ver que aula poderiamos destinar a tal fin. Finalmente e despois de moreas de postas en común, tomamos a decisión de levar a cabo unha transfromación completa dun pequeno recuncho que está no medio do corredor e que estaba destinado a gardar documentación de Secretaria (antigamente, tamén fora a Dirección do centro). Pois nos puxemos mans á obra e comezamos a facerlle un cambio radical a dita aula. Pintura, tarima, revestimento nas paredes con madeira, conexións de internet, eléctricas, dotación do material necesario para a posta en marcha dunha radio, etc...E a cousa vai quedando como veredes a continuación. Pica AQUÍ para ver tódalas fotos.

   Continuará...

ESCOLLIDOS PARA PARTICIPAR NA 2ª FASE DO PROXECTO E-LBE.2.

En relación co desenvolvemento da segunda fase do Proxecto E-LBE, denominado E-LBE.2., que pretende explorar as posibilidades de uso do libro electrónico nas bibliotecas escolares, fumos escollidos para participar nel. Conta este proxecto cunha dotación de 2.000 € que deberán destinarse á actualización dos medios da biblioteca para poder facilitar actividades relacionadas coa lectura dixital á comunidade educativa. Esta iniciativa desenvolve obxectivos do actual Plan LÍA 2016-2020.

                   

FOTOS DE PACO RODRÍGUEZ PARA O CALENDARIO 2018

A finais de decembro deste ano, e cando estabamos en plena faena para a confección do noso CALENDARIO 2018, este ano adicado ao TURISMO, tivemos a gran sorte de poder contar no noso centro coa inestimable axuda de PACO RODRÍGUEZ, fotógrafo de La Voz de Galicia e amigo de Óscar e Susi, que nos axudou pero que moito, na creación e montaxe das fotografías do noso calendario. Aquí podedes ver fotos do traballo de ese día e o noso calendiario rematado. Mil grazas e outras mil apertas de parte dos nenos, nenas, mestres e demáis membros da comunidade educativa para ti Paco. Picando nas fotos do calendario, poderedes ver o calendario ampliado.

 

                   

PLAN PROXECTA 2017-2018: "Mirando polo camiño"

Dentro do Programa de Educación Patrimonial do PLAN PROXECTA, concedéusenos un subprograma que leva por nome "MIRANDO POLO CAMIÑO". O noso centro foi un dos 9 seleccionados para participar neste proxecto, promovendo unhas pautas e un xeito común de traballar co patrimonio cultural da nosa zona. É este un proxecto estreitamente ligado ao noso proxecto interdisciplinar de centro que para este curso 17-18 tratará sobre o "TURISMO".


Picando nas imaxes, poderedes ver a resolución definitiva dos proxectos admitidos para a participación no Plan Proxecta para este curso 2017-2018, ademáis de información sobre o noso proxecto.

A BIBLIOTECA DO NOSO CENTRO, ESCOLLIDA PARA O PROXECTO "RADIO NA BIBLIO"

A Consellería de Educación vén de publicar a lista de 20 Bibliotecas escollidas de toda Galicia para desenvolver o proxecto piloto “Radio na Biblio”. Entre elas atópase o noso centro xunto con outros 5 centros da Costa da Morte.

As Bibliotecas da Costa da Morte son: a do CEIP Canosa-RUS (Coristanco), CPI Plurilingüe Cabo da Area (Laxe), o CEIP Milladoiro (Malpica), o CEIP Víctor Sáenz (Mazaricos), o CEIP Plurilingüe Ricardo Tobío (Muros) e o CEIP Plurilingüe Pepe de Xan Baña (Santa Comba) que recibirán un total de 2.000€ para desenvolver este Proxecto.

Este é un Proxecto piloto, para a introducción da radio nas bibliotecas de centros públicos integrados no Plan de Mellora de Bibliotecas Escolares que matriculan alumnado de educación infantil, primaria e secundaria, para o curso 2017-2018. Se queredes máis información, picade nos enlaces. Tamén aparece esta noticia no Diario Dixital da Costa da Morte "Que pasa na Costa". Se queredes ver esta noticia picade na imaxe.

PACO PAKOLAS, DÍA DAS BIBLIOTECAS 24-10-17

Celebramos o DÍA DAS BIBLIOTECAS o día 24 de outubro ás 12 da mañá na Biblioteca do centro coa actuación de PACO PAKOLAS. É un músico cunha longa traxectoria. Entre outras cousas, formou parte do grupo Mamá Cabra, e na actualidade é un dos integrantes de A Gramola Gominola. Recibímilo na biblioteca, onde leu para todos nós o pregón escrito por Alejandro Palomas para a ocasión. E despois, música!!! "O Furafollas", o "Monstro Antón", "Baldomero o Mero", "A Quenlla Madrugadora", "Mac Pac" ou "Campión Internacional". Para ver as fotos de ese día, pica nas fotos.


REVISTA "O SANCOSMEIRO" Nº 30 E GUÍA DE LECTURA PARA O VRAN

Picando nas imaxes poderedes ver o nº 30 da nosa Revista "O SANCOSMEIRO" e a guía de Lectura que preparou Susi para o verán. Boas vacacións a todos e ata a volta.