Dereiros dos nenos e humanos

DIPLOMA SAVE THE CHILDREN PLA NOSA PARTICIPACIÓN NA XV CARREIRA

Acábannos de enviar dende SAVE THE CHILDREN o Diploma acreditativo da nosa participación na XV CARREIRA QUILÓMETROS DE SOLIDARIEDADE, que xa celebramos no noso centro para conmemorar o Día dos dereitos do neno e humanos. Tamén aparece a aportación que a través dos nenos e nenas do centro lle facemos chegar coma tódolos anos a esta ONG, para facer posible que milleiros de cativos e cativas refuxiados teñan acceso a unha educación e a oportunidade de teren un futuro mellor.

DÍA DOS DEREITOS HUMANOS E DO NENO 10-12-18

Celebramos O DÍA DOS DEREITOS HUMANOS E DO NENO o luns día 10 de decembro, decorando unha árbore de Nadal titulada "O NOSO ADN", xa que este ano o noso Proxecto vai sobre A Ciencia. Cada neno elaborou na súa clase un ADN de cartón con dereitos escritos, que se foron traballando nas aulas. A verdade que quedou moi fermoso. Picade nas fotos para ver máis.

 

DÍA DOS DEREITOS DOS NENOS E HUMANOS 11-12-17

O luns día 11 de decembro de 2017, celebramos en horario de tarde e no pasillo do centro, O DÍA DOS DEREITOS DO NENO E HUMANOS e levamos a cabo a Celebración da XIV Carreira Quilómetros de Solidariedade SAVE THE CHILDREN, este ano para axudar ós/ás nenos/as de SUDÁN DO SUR. Primeiro os nenos e nenas de 5º e 6º de primaria faláronos da problemática que sofre este país, a súa localización nun mapa de África e unha comparativa moi curiosa con Galicia. O alumnado de educación infantil fixo uns bonitos debuxos, inspirándose nas cinco cores da bandeira de Sudán do Sur. Despois cantamos a canción "Frère Jacques", coa compaña dos ukeleles dos nenos e nenas de 1º e 2º. Logo mentras sonaba esta mesma canción pero en africano os nenos colgaron na nosa árbore de nadal cunchas de cores (o proxecto de centro deste curso é sobre o Turismo) con desexos que leron mentras iban colgando as cunchas. Xa para rematar cada clase recadou algúns cartos para enviarlle á ONG Save The Chldren para enviar axuda a este país de Sudán do Sur para paliar os problemas derivados da desnutrición infantil. Para ver as fotos pica AQUÍ.

DÍA DOS DEREITOS DO NENO E SAVE THE CHILDREN 09-12-16

O venres día 9 de decembro celebramos, coma tódolos anos, o DÍA INTERNACIONAL DOS DEREITOS DOS NENOS, e facémolo coincidir coa XIII Carreira Kilómetros de Solidariedade SAVE THE CHILDREN que este ano é a favor dos nenos e nenas de Etiopía. Os maiores prepararon uns textos para lerlle ao resto sobre os dereitos e a pobreza en este país, e despois tódolos nenos colgaron na nosa árbore de Nadal unhas notas musicais con desexos. Rematamos o día facendo entrega dos cartos recadados poara esta ONG, que se ingresarán nos vindeiros días. Nas aulas traballáronse unhas unidades didácticas enviadas pola ONG.


    

DÍA DOS DEREITOS DOS NENOS 11-12-15

O Venres día 11 de decembro de 2015 celebramos no centro, en hoario de tarde, O DÍA DOS DEREITOS HUMANOS E DO NENO E A XII CARREIRA QUILÓMETROS DE SOLIDARIEDADE SAVE THE CHILDREN. Os alumnos de 6º leron un pequeno resumo sobre a Convención dos Dereitos do Neno de 1989. Traballáronse os dereitos nas aulas e este ano engadímoslle unha novidade que consistía en que os nenos puxesen nunha árbore de Nadal aros olímpicos que simbolizaban un desexo. Cantamos unha canción, fixemos unha carreira simbólica polo patio e recaudamos como tódolos anos cartos para axudar aos nenos de Burkina Faso, Níxer, Mauritania ou Malí. Para ver tódalas fotos de ese día pinchade nas imaxes.

 

CELEBRACIÓN DEREITOS DO NENO E XI CARREIRA SAVE THE CHILDREN POR MALÍ 12-12-14

O venres día 12 de decembro de 2014 pola tarde, celebramos o DÍA DOS DEREITOS DO NENO e a XI CARREIRA "KILÓMETROS DE SOLIDARIEDADE SAVE THE CHILDREN" polos nenos de MALÍ. Cantamos e bailamos ao inicio e ao final da actividade con dúas cancións preparadas pola mestra de música, Susi. Os alumnos de 5º e 6º de primaria nos informaron sobre Malí e a ONG Save The Children. Logo cada curso expuxo o seu dereito, e para rematar cada curso apotou os cartos que se recadaron nas aulas para enviar aos nenos de Malí.

      

DÍA INTERNACIONAL DOS DEREITOS HUMANOS. X CARREIRA SOLIDARIA SAVE THE CHILDREN POR ETIOPÍA.

O martes 10 de decembro de 2013, en horario de tarde, celebramos o Día Internacional dos DEREITOS HUMANOS. Os nenos e as súas mestras fixeron pancartas para conmemorar cada un dos dereitos. Ademáis os alumnos de 6º de EP nos deron información dalgúns aspectos importantes de ETIOPÍA, país ao que este ano a ONG SAVE THE CHILDREN adicaba a X Carreira Kilómetros de Solidariedade. Despois fixemos unha recadación dos cartos que os alumnos queren mandar a esta ONG, e rematamos facendo por cursos unha pequena carreira simbólica, en sinal de recordo a estes nenos de Etiopía que o están a pasar tan mal. Todo isto en imaxes, a continuación.

   

 


20 DE NOVEMBRO. DÍA INTERNACIONAL DO NENO

Unha xornada para celebrar a fraternidade entre todos os nenos e promover o seu benestar. En 1954, á Asamblea Xeral de Nacións Unidas (ONU) recomendou que se instituira en todos os países un Día Mundial do Neno. Cada ano, celébrase o día 20 de novembro, cando se aprobou a Declaración dos Dereitos da Infancia (1959) e se celebrou a Convención sobre os Dereitos do Neno (1989), ratificada por un gran número de países. No centro imos celebrar en vindeiras datas, xunto coa ONG Save the Children, actividades para conmemorar este día. Eiquí vos queda máis información. Picade no debuxo.

Por certo, no noso cole xa temos a exposición de lectura sobre os Dereitos dos nenos a funcionar.

CELEBRACIÓN DOS DEREITOS DOS NENOS14-12-12

O venres día 14 de decembro, celebrouse na biblioteca do noso centro o DÍA DOS DEREITOS DOS NENOS ademais da IX Carreira Kilómetros de solidariedade da ONG Save the Children, este ano adicado ao Sahel (Níxer). A carreira non se poido levar a cabo polo mal tempo, pero si o resto dos actos previstos. Tamen se recadaron, como tódolos anos, cartos para enviar á ONG, que nestes días se ingresaran na conta correspondente.


DEREITOS DOS NENOS-VIII CARREIRA SAVE THE CHILDREN 12-12-11

O LUNS DÍA 12 DE DECEMBRO DE 2011, CELEBRAMOS NO PATIO DO COLEXIO O DÍA DOS DERITOS DOS NENOS, FACÉNDOO COINCIDIR COA VIII CARREIRA POLA SOLIDARIEDADE "SAVE THE CHILDREN". REALIZÁRONSE DIFERENTES ACTIVIDADES, E CANCIÓNS, ASÍ COMO MANIFESTOS EN CONMEMORACIÓN DESTE DÍA TAN SINALADO. AO FINAL RECADÁRONSE 100 € QUE XA FORON INGRESADOS NA CONTA DESTA ONG NO BANCO DE SANTANDER.


             

CELEBRACIÓN DOS DEREITOS DOS NENOS E HUMANOS 10-12-10

Este venres celebrouse no colexio o "Día dos dereitos dos nenos e humanos". Fixéronse lecturas, recitáronse poesías e fíxose a lectura de manifestos por parte do alumnado. Tamen fixo lectura dun texto unha nai dun alumno de ed. infantil. Recadáronse cartos para enviar á ONG Save the Children polos nenos de Haití e para rematar cantamos e bailamos todos a canción "Ay, Haití".

Powered by Drupal - Design by artinet