Voz Natura

TALLER DE DECORACIÓN NADAL 22

Mér, 14/12/2022 - 00:44

Voz Natura

Álbum: CURSO 2022-2023 -> TALLER DE DECORACIÓN PARA NADAL 22

O xoves, 1 de decembro, tivo lugar un taller de Decoración para o Nadal organizado dentro das actividades que leva a cabo o Equipo de Voz Natura do Raquel Camacho.

Reutilizar e reciclar materiais habituais para darlles unha segunda ou terceira utilidade vai contribuir ao coidado do noso planeta e, tamén, a disfrutar de cousas cun menor custo económico.

Copiáronse modelos, púxose en funcionamento a creatividade e, tamén, pasamos un bo momento traballando en familia e con amigos.

Moitas grazas ás familias que fixeron posible a realización deste taller. Foi o inicio, esperamos poder organizar outros máis e contar coa vosa asistencia.

BO NADAL!!

TALLER PARA FAMILIAS DE DECORACIÓN DE NADAL

Lun, 14/11/2022 - 16:37

Voz Natura

Prezadas familias:

Dende o Equipo de Voz Natura do colexio, organizamos un taller de Decoración de Nadal para familias con materiais de refugallo (reciclaxe) ao que poden apuntarse premendo aquí e asistir acompañando aos seus fillos e fillas ou vostedes sós.

Terá lugar o vindeiro xoves (1 de decembro, de 4 a 6 da tarde) na biblioteca do centro. O prazo para apuntarse remata o 28 de novembro.

Contamos coa súa asistencia.

ANÍMENSE A PARTICIPAR!!!

Algúns materiais que imos empregar son:

Tubos de papel hixiénico, purpurina.
Caixas de distintos tamaños, lana (para facer pompóns), espumillón granate.
Chapas de latas de refresco, tapas de caixas de plástico transparente ou doutros recipientes.
Cortizas de botellas, cinta ou lazo estreito.
Cápsulas de café valeiras.
Cordóns.
Botóns

Os asistentes deberán aportar, unicamente, ese material que usen na casa e os lazos e cordóns que poidan ter.

O PROXECTO VOZ NATURA DESTE CURSO

Ven, 10/06/2022 - 09:44

Voz Natura

Un ano máis o cole participou no programa VOZ NATURA de La Voz de Galicia.

Velaquí tedes un resumo do que fixemos.

Grazas a todos e todas pola vosa participación!

O PRIMEIRO DÍA COMO LABREGAS/OS

Xov, 03/02/2022 - 19:12

Álbum: Educación Infantil 2021-2022 -> Un día como labregas/os 5 anos

Labregas, campesiñas, labradoras... dá igual como chamalas. O importante é que hoxe comezamos a tempada de traballo na nosa micro-leira. O alumnado de 3 anos xa estivera retirando as malas herbas dos bancais que temos na horta. Faltaban dous por limpar e iso foi o que fixemos hoxe aproveitando a hora de Atención educativa (alternativa de relixión católica).

Despois, con todo o mundo na clase e cando rematamos a tarefa diaria, puxémonos cos bulbos de tulipán. Hai uns días, pedímoslles ás familias que trouxeran un bote de refugallo para plantalos e hoxe puxémonos ao tema!

Botamos terra no bote.