Skip to Content

GAÑADOR E FINALISTAS DA 1ª FASE DE "TÍRALLE DA LINGUA" NO COLEXIO

Lembras que o concurso constaba de dúas fases: unha no centro e, se pasabas esta fase, outra a nivel galego. Pois xa temos relato gañador. O Equipo de dinamización da lingua galega (EDLG) do centro quere agradecer a implicación e entusiasmo da rapazada que participou no certame.

GAÑADOR

FINALISTAS

MENCIÓNS ESPECIAIS

  1. BIANCA VENTUREIRA LOSCHIAVO
  2. DANIEL A. ROQUE SÁNCHEZ
  3. SAMIELS TORIBIO SULLCA
  4. DANIELA MONTERO LÓPEZ
  5. MIELI M. FRÍAS MARIÑO
  6. ELVIS EGHAVAREVA KENNEDY
  7. TOUGOUNE DIALLO COULIBALY
  8. ASSANE NIANG TOUKIRI

Grazas todas e a todos por participardes. Agora, desexámoslle toda a sorte do mundo a Óliver para a segunda fase do concurso!

NOTA: a entrega de premios e diplomas terá lugar nos vindeiros días.

TALLER PARA FAMILIAS DE DECORACIÓN DE NADAL

Prezadas familias:

Dende o Equipo de Voz Natura do colexio, organizamos un taller de Decoración de Nadal para familias con materiais de refugallo (reciclaxe) ao que poden apuntarse premendo aquí e asistir acompañando aos seus fillos e fillas ou vostedes sós.

Terá lugar o vindeiro xoves (1 de decembro, de 4 a 6 da tarde) na biblioteca do centro. O prazo para apuntarse remata o 28 de novembro.

Contamos coa súa asistencia.

ANÍMENSE A PARTICIPAR!!!

Algúns materiais que imos empregar son:

  • Tubos de papel hixiénico, purpurina.
  • Caixas de distintos tamaños, lana (para facer pompóns), espumillón granate.
  • Chapas de latas de refresco, tapas de caixas de plástico transparente ou doutros recipientes.
  • Cortizas de botellas, cinta ou lazo estreito.
  • Cápsulas de café valeiras.
  • Cordóns.
  • Botóns

Os asistentes deberán aportar, unicamente, ese material que usen na casa e os lazos e cordóns que poidan ter.

MAGOSTO 2022

Álbum: 1_CURSO 2022-2023 -> Magosto 2022: comida

Hoxe festexamos o tradicional magosto. Comezamos a mañá prendendo os fogóns e enchendo aos poucos as potas coas castañas. 

Coa primeira tixolada delas, un grupiño de nenos e nenas de Infantil fomos elaborando sobres agasallo con tres castañas (lembrade a canción). Para que? Para levárllelos os pequenos e pequenas da EIM Agra do Orzán. A xentiña da escola infantil quedou encantada.

O recendo das castañas asadas espallouse polo colexio e entráronnos as gañas de xogar. No patio, montamos unha chea de xogos con castañas e fomos pasando por todos eles.

Esgotados e esgotadas de correr, sentamos e entregáronse os premios dos concursos do Samaín: o de cabazas e o de relatos Dáme medo. Parabéns aos premiados e premiadas! Se queredes ler os contos no Rakonto, premede nesta ligazón.

 

Xa para rematar, o máis importante dun magosto: comer as castañas. Mirade as fotos: houbo quen comeu un par de ducias delas.

Preme na imaxe de enriba de todo ou vai á galería.

CONVOCATORIA DE ELECCIÓNS AO CONSELLO ESCOLAR

De acordo co disposto no art. 41 do D. 374/1996 corresponde elixir no presente proceso electoral a 2 pais dun total de 5 que debe ter o Consello Escolar. Son electores todos os pais/nais/titores legais do alumnado do centro incluídos no censo electoral que está exposto no taboleiro de anuncios do colexio. As reclamacións ao censo faranse mediante escrito á Xunta Electoral ata ás 14 horas do día 4 de novembro.

Os pais/nais/titores legais poden presentar a súa candidatura segundo o modelo oficial que se facilita na secretaría do colexio ata as 14 horas do día 11 de novembro. O sorteo dos membros da mesa electoral farase en acto público o día 14 de novembro ás 11:45 horas nas dependencias do colexio.

As votacións realizaranse neste colexio o día 28 de novembro de 16:30 a 19:00 horas. Teñen dereito a voto o pai, a nai ou os titores legais do alumando debendo acreditar a súa personalidade co DNI / NIE / pasaporte... A Xunta Electoral do Centro resolverá as dúbidas e reclamacións que se poidan formular.

POR QUE É IMPORTANTE O CONSELLO ESCOLAR?

Distribuir contido


by Dr. Radut