DÍA DA PAZ E NON VIOLENCIA

O 30 de xaneiro celébrase o Día Mundial da Paz e da Non Violencia (por ser o día do falecemento de Mahatma Gandhi, importante pacifista).

Os alumnos de 5º A elaboraron este mural en conmemoración desta data tan sinalada. Noraboa!

 

 

Cada nivel traballou a temática na súa aula, pero todos fixemos un montón de grúas, un dos símbolos da Paz.

Con isto, traballamos a Lenda das 1000 grúas de papel de Sadako Sasaki:

 

Sadako Sasaki tiña dous anos cando caeu a bomba en Hiroshima. Dez anos máis tarde, como consecuencia da irradiación diagnosticóuselle leucemia. Cando estaba no hospital, unha amiga faloulle da historia das 1000 grúas de papel: se desexas algo con moita forza e constrúes 1000 grúas de papel, os deuses concedernache un desexo. Iso intentou Sadako, pero faleceu antes de conseguilo. Simbolicamente, os seus amigos e amigas continuaron a súa misión coa esperanza de que se evitaran as guerras e se conseguise a paz no mundo.

 

Ademais, no salón de actos realizamos diversas actividades:

  • Visionado dunha curtometraxe explicando a historia de Sadako Sasaki e a Lenda das 1000 grúas de papel.

  • Lectura do noso Manifesto pola Paz tomando como referencia a Igualdade. Cada nivel leu o seu ademais e aportar as súas grúas de papel.

  • Cantamos todos xuntos a canción "Eu teño a alguén".

  

 

 

MANIFESTO POLA PAZ:

 

  • Paz e igualdade para un mundo de felicidade.

  • A paz é portarse ben e ser todos amigos e amigas.

  • Paz é pedir perdón cando lastimamos a alguén.

  • A educación é a base para a paz e a igualdade.

  • Loitemos para que a igualdade legal se aplique á vida real.

  • As mulleres non son diferentes aos homes por natureza, senón pola educación recibida. Mary Shelly.

  • A sociedade machista non cambia se non cambiamos as persoas primeiro.

  • Non temas á igualdade.

  • Por un mundo onde sexamos socialmente iguais, humanamente diferentes e totalmente libres.

  • Este ano 2018 queremos un mundo cheo de paz e de igualdade. Pedimos un salario digno para todos e todas as traballadoras e equitativo entre homes e mulleres. Todo traballo debe ser remunerado igualmente sen diferenzas de sexo.

  • O xénero está entre as orellas e non entre as pernas. Igualdade de dereitos para todos e todas, privilexios especiais para ninguén.

  • Preocupadas e preocupados pola violencia en distintas partes do mundo, pola lacra da violencia de xénero na nosa sociedade, o acoso escolar, a intolerancia cara as persoas doutras culturas, e existencia do terrorismo e a guerra, invitámosvos a implicarvos no traballo pola paz, que implica:

    *O respecto á vida, o fin da violencia e a práctica da non violencia por medio do diálogo e a cooperación.

    *O respecto á igualdade de dereitos e oportunidades de mulleres e homes e o fin da máxima expresión desta desigualdade, a violencia machista.

    *O dereito de todas as persoas á liberdade de expresión e de opinión.

 

3º, 4º e 6º A VISITAN O MUNCYT

AGASALLA CON IGUALDADE

 
 
A CONTINUACIÓN EXPOÑEMOS UN DECÁLOGO DE SUXERENCIAS DE COMO AGASALLAR NESTAS DATAS, POÑENDO DE MANIFESTO UN CONCEPTO TAN IMPORTANTE COMO A IGUALDADE 
 
 
 
 

 

PREMIOS AECA

Os gañadores do premio convocado por AECA xa foron a recoller os seus agasallos na Festa de Papá Noel no Multiusos.

Noraboa rapaz e rapazas!!!!!

 

Novo sorteos cesta nadal

 Como non se deu a coñecer o dona ou dono da rifa agraciada repetimos por terceira vez  cunha man inocente saindo o boleto número 0790 

Agardamos novas senon procederemos a otro novo número extraido por esa man inoncente do noso amigo Xoel

MULLERES BRAVAS DA NOSA HISTORIA

 
Un dos obxectivos deste proxecto é visibilizar e dar a coñecer o traballo e a labor das mulleres na sociedade, traballo e labor invisibilizado nos libros de historia, una invisibilidade que incide de maneira directa na discriminación da muller que se perpetúa de xeración en xeración. As mulleres, ademáis de nais, coidadoras e productoras, tamén realizaron unha importante labor no desenvolvemento político, científico, social e económico. Se entre os feitos históricos temos só en conta as actividades como a guerra e non a producción de roupas e alimentos, a posesión de propiedades en vez da producción e o traballo, se olvidamos os coidados, a muller quedará fora. Necesariamente ten que haber una transformación da nosa visión do mundo e da historia.
Poucas son as mulleres que aparecen nos libros de texto d@s nos@s escolares, privando ás nenas de referentes culturais e científicos femininos, por iso a gran necesidade de introducir material coeducativo nas nosas escolas.
Mulleres Bravas da Nosa Historia é unha colección de libros infantís orientados a dar a coñecer a achega á nosa cultura e ao noso país dunha serie de mulleres fundamentais na nosa historia e sociedade
 

 

 Empezamos coa lectura da vida e obra de María Victoria Moreno, profesora, escritora e ensaista elexida como autora do Día das Letras Galegas 2018. Seguiremos con Rosalía de Castro, Maruja Mallo, Xulia Minguillón, etc, etc.

É NADAL!

Os nenos e nenas de 5º B fixeron o mural da entrada que leva por título É NADAL.

Estas datas son para nós momentos de alegría, amigos, risas, familia... pero este mural invítanos á reflexión, xa que non todos os nenos e nenas do mundo poden gozar destas festas tan sinaladas da mesma maneira... nas nosas mans está comezar a cambialo! Noraboa rapaces e rapazas!

Pero todos os nenos e nenas do colexio tamén aportaron o seu gran de area para encher os corredores de bólas de Nadal e participaron neste mural común: unha carpa de circo moi navideña. Como vedes, dela ían saíndo distintas personaxes do mesmo e levando unha pancarta con distintas palabras escritas que non debemos esquecer: comprensión, perdón, respecto, humildade...

Tamén chegou o Nadal á nosa Biblioteca! Estas son algunhas das lecturas recomendadas:

Oxalá estas festas sexan tan divertidas e coloridas como o circo, cheas de soños como crean os magos, risas que nos dan os pallasos, arriscadas como as funcións dos malabaristas, cargadas de emoción como os trapecistas e inocentes coma nós, os nenos e nenas que disfrutamos desta vida que debería ser un circo: diversión, alegría e felicidade!

 

 

 

 

ROSA CARAMELO en Infantil

Os nenos e nenas de Infantil de 3 anos A traballamos este conto, se queres saber máis preme na imaxe

 

NADAL 17

Xa chegou o gran día, o 21 de Decembro!!!

Todo listo para empezar grazas a labor de moitas persoas da Comunidade Educativa, que puexron moito interese nel.

Pola mañá a primeira hora, recibimos a visita de duas personaxes moi tradicionais nestas datas, o Apalpador e Papa Noel

En Infantil... 

 

 

En Primaria...

 

 

 Xa avanzada a mañá toca subir ao salón de actos para levar a cabo todas as actuacións programadas para este día tan especial, dende os máis pequeniños /as  ata os non tan pequeniños/as...

 

 

 

 

Para rematar tivemos a visita dos  Reis Magos de Oriente...

 

 

 

Pero sen esquecer que dentro du  rato temos un xantar especial no comedor ao que todos e todas estamos invitados!!!! 

ODAIKO PERCUSIÓN

O dia 20 de decembro 4º , 5º e 6º de EP asistimos aun concerto do grupo ODAIKO na casa da cultura, organizado polo Concello para o día da infancia..

Powered by Drupal - Design by artinet