Comenzamos a formación para o Plan de evacuación en situacións de emerxencia

Esta semana, comenzamos unhas xornadas de formación, tanto co profesorado como co alumnado, sobre o plan de autoprotección do centro, para a posta ao día sobre como levar a cabo a evacuación nunha situación de emerxencia.

 

Finalmente tivo lugar o Simulacro de Evacuación.

PERSOEIROS DE ARZÚA

Dentro do tema da Biblioteca PATRIMONIO CULTURAL DE ARZÚA entra a investigación e coñecemento de persoeiros arzuáns en todos os ámbitos.

En Primeiro de Primaria estamos a iso...

Dentro do mundo da música investigamos sobre:


Empregamos as súas cancións para elaborar os Slidely dos Pazos...GRACIAS

ACTIVIDADES PARA CONMEMORAR O DÍA DAS BIBLIOTECAS

Con motivo do Día das bibliotecas, que se celebra o 24 de outubro, estanse a facer moitas actividades no noso colexio.

O alumnado de 6ºB encargouse da elaboración do mural que se atopa na entrada do centro. 

 

Tamén se fixo un mural, ao que puxemos por nome "Poetizámonos!", que recolle os poemas que foron compoñendo o alumnado de 3º, 4º, 5º e 6º de E.Primaria, a partir dos títulos dos libros da nosa biblioteca. Estas composicións encargáronse despois de ilustralas os máis pequenos: Infantil, 1º e 2º de E. Primaria.

    

Aquí podedes ver máis de preto algunhas das composicións poéticas. 

      

 

 Agora cada grupo de alumnos e alumnas pasará pola bilbioteca, co seu titor ou titora,  para visionar un power point que lles explicará o funcionamento deste espazo tan importante na vida dun centro.

E, xa sabedes que tivemos a Erica González no nono colexio para activar o noso "botón" da imaxinación. A todos e a todos gustáronnos moito os seus contos!!

 

 

SESIÓN DE ANIMACIÓN Á LECTURA CON ERICA GONZÁLEZ

Hoxe, 22 de outubro, o alumnado do centro gozou dunha sesión de animación á lectura na biblioteca. Erica González foi sacando da súa "fábrica de contos" unhas historias moi fermosas que cautivaron aos máis cativos do colexio e tamén aos maiores.

Estas fotos recollen o seu paso pola nosa biblioteca.

Grazas Erica por compartir esta xornada connosco!!!

   

   

    

TALLER DE PROFESIÓNS EN PRIMEIRO

Empezamos unha nova actividade na nosa aula de 1º de educación Primaria: O TALLER DE PROFESIÓNS.

Se queredes saber como traballamos preme aquí.

OS PAZOS DE ARZÚA E ARREDORES

Os nenos e nenas de Primeiro seguimos traballando no tema troncal, estudamos a arquitectura rural galega, onde están incluidos os pazos.

Este traballo segue sendo contando coa colaboración das familias

Grazas papá e mamá!

Se queredes ver premede aquí.

O SISTEMA SOLAR

 

Atención a todo o alumnado do centro!

Os nenos e nenas de primeiro estamos mergullados no mundo do universo, o noso Sistema Solar: estrelas, planetas, asteroides, satélites...e outros astros

 

E tamén nos atrevemos a facer debuxos para repasar o estudado coa axuda das familias

 

 

OBSERVANDO A EPIDERME DA CEBOLA

 

A pel das escamas internas do bulbo da cebola está formada por unha soa capa de células fácil de obter e observar.

O alumnado de 5ºA e 5º B iniciamos con esta práctica os nosos experimentos deste curso. Xa sabemos manexar o microscopio cada vez un pouquiño mellor. 

 

              

                                   

 

 

ARZÚA, UN MUNDO POR DESCUBRIR

As nenas e nenos de Infantil de 5 anos empezaron a traballar o eixe temático deste curso: "Patrimonio cultural de Arzúa", e fixeron este mural que reflicte a súa maneira de ver a vila na que viven.

SEMANA DA PREVENCIÓN DE INCENDIOS 2018

 

O alumnado de 5º e 6º E.P do CEIP de Arzúa asistiu o 3 de outubro ás actividades organizadas na Semana da Prevención de Incendios 2018, organizada polo Consorcio Provincial contra Incendios e Salvamento da Coruña, en colaboración coa Fundación MAPFRE, a Asociación Profesional de Técnicos de Bombeiros e El Electronics.

Estivemos primeiro na Casa da cultura, onde se presentou ao grupo de persoas implicadas neste proxecto e despois fomos ao Multiusos. Alí puidemos ver os distintos tipos de extintores e comprobar como se aplican sobre un lume. Tamén experimentamos, en primeira persoa, o que se sente cando se está nun lugar con moito fume e temos que valernos dun brazo para orientarnos e atopar unha saída. 

Marchamos todas e todos máis concienciadas/os dos perigos que entraña o lume e coñecendo un pouco mellor como loitar contra el no caso de que se produza.

Moitas grazas a todas as persoas implicadas neste proxecto por contar connosco!!

   

 

                                

 

                        

 

 

Powered by Drupal - Design by artinet