NATUREZA, CREATIVIDADE, DIVERSIÓN E FROITA

Para inculcar nos/as máis cativos/as valores como a ecoloxía e o respecto pola natureza e todos os seus seres, é indubidable que se precisa da actuación das familias. Por iso na aula de 4 anos do noso cole propuxémoslles aos pais e as nais que elaborasen cos/as pequenos/as "debuxos" con froita na merenda e logo lle mandases fotos á titora. Todos e todas escolleron o tema da primavera, a natureza ou os animais para as súas "obras". A participación foi estupenda e os resultados inmellorables.
Ollade que creacións tan orixinais!

 

CHEGOU A PRIMAVERA A INFANTIL!

A primavera chegou e os nenos e as nenas de Educación Infantil do CEIP de Arzúa déronlle a benvida facendo entre todos/as este mural tan colorido e fermoso.

 

ROMPE-CONTOS

Coa técnica de rompe-contos cambiamos de xénero as persoaxes dos contos tradicionais e, desta maneira, rompemos os estereotipos sexistas para ofrecer alternativas de outra forma de ser de homes e mulleres, construindo historias en torno a valores como a igualdade, a xustiza e a paz. Os novos contos falan de princesas e mulleres valentes e decididas e príncipes e homes que fan as tarefas do fogar, bruxas sabias e bondadosas, etc. Posteriormente, tras ter coñecido ás persoaxes, realizamos actividades e debates onde reflexionar sobre as mensaxes dos contos. Esta é unha actividade cunha función coeducativa fundamentada en valores positivos e igualitarios, que favorecerán o desenvolvemento pleno de nenos e nenas.
 
 
 

 

IGUALDADE DE XÉNERO

Neste mes, con motivo da celebración do Día da Muller Traballadora (8 de Marzo), no noso centro leváronse a cabo diversas actividades relacionadas coa IGUALDADE DE XÉNERO.

Elaborouse desde o Equipo de Biblioteca un panel no que se representa informacion sobre diversas mulleres que foron o referente para outras moitas mulleres no mundo. Para dito panel, e relacionando a conmemoración coa tematica central deste curso, escolleuse unha frase de Virginia Woolf:

"Non hai barreira, fechadura nin ferrollo que poidas impoñer á liberdade da miña mente"

 

     

                                

 

Tamén na propia Biblioteca do centro creouse o Rincón da Igualdade, onde os alumnos e alumnas podían ler e consultar información sobre todas estas mulleres que marcaron a historia.

 

O alumnado de 3º de E.P, na clase de Plástica, plasmou o traballo realizado arredor deste tema nuns carteis.

                                                                                

                  

  

E o alumnado de 6º de E.P, coa axuda do seu titor Javier, elaborou este conto, onde se representa unha historia familiar sobre a igualdade de xénero, a diversidade de familias e o acoso escolar.

 

 

CHARLA VETERINARIA

Luns 27 de marzo, estamos na aula de audiovisuais esperando a unha veterinaria, Isolina, asentada dende moi xoven na vila, atraída polo amor ás vacas. Despois namorouse, casouse e xa é unha arzuana.

Ven a darnos unha charla informativa sobre MASCOTAS, os seus coidados, mimos e moitas cousas máis!
 
 
 
 
 



                           Benestar animais compañia de Rosa María Cajade Rodríguez

Os nenos e nenas de 5º fixeron uns traballos onde se reflexa todo o que aprenderon e preguntaron...

DIA DA POESÍA....21 DE MARZO





Somos poetas e poetisas que adicamos o noso tempo a construir, expresar sentiementos, emocións.
Agardamos disfrutedes tanto coma nós lendo, sentindo e, porque non, emocionándose.

 

 

 

 

O PARLAMENTO DE GALICIA

Novos traballos sobre o Parlamento de Galicia no blogue de 5º, se queredes velos preme na imaxe

O SACAPENAS

Os Sacapenas son uns pequenos bonequiños feitos de madeira e fío orixinarios de Guatemala, que escoitan as túas preocupacións para poder durmir sen elas.

O neno do conto, Bieito, non consegue durmir de tantas e tantas preocupacións que ten, polo que a súa avoa lle regala un "sacapenas" para que poida conciliar o sono. 

 

Os nenos/as de EI, na sesión do P.E.L.O tamén elaboramos o noso propio "sacapenas" para que todas as nosas precupacións marchen á hora de durmir. 

 

 

 

MARISQUEANDO POR NOIA!

Eran as 9: 00 da mañan do dia 15 de marzo de 2017... e ali , na porta do cole estabamos preparados os peques de 4 e 5 anos coas nosas mochilas e as nosas botas de goma para irnos a marisquear e a coñecer moreas de cousas sobre as ameixas e berberechos, técnicas  e aparellos pesqueiros e sobre todo a importancia dunha boa alimentación !

E ALÁ  MARCHAMOS RUMBO NOIAAAA!!

 

 

DÍA DA FELICIDADE...20 DE MARZO



Acción contra o cambio climático para un planeta feliz
Que é o Día da Internacional da Felicidade? É un día para ser feliz, naturalmente! Desde 2013, as Nacións Unidas celebran o Día Internacional da Felicidade como recoñecemento do importante papel que desempeña a felicidade na vida das persoas de todo o mundo. En 2015, as Nacións Unidas lanzaron os 17 Obxectivos de Desenvolvemento Sustentable que pretenden poñer fin á pobreza, reducir a desigualdade e protexer o noso planeta ?tres aspectos primordiais que contribúen a garantir o benestar e a felicidade.


DIA DA FELICIDADE1 

Powered by Drupal - Design by artinet