1988 - Campolongo foi unha parroquia de Salcedo antes de ser de Pontevedra
O recorte de prensa do Diario de Pontevedra que aquí falamos aparentemente non está asinado, aparece a foto do Presidente da Comisión de Festas dese ano 1988 (Ramón Crespo Figueroa).
De todos xeitos o que queremos destacar é que o artigo de 1988 comeza dicindo que en 1936, cando Gerardo Álvarez Limeses publicou unha enciclopedia sobre o Reino de Galicia, Campolongo era unha parroquia de Salcedo con 262 habitantes, xunto con muitas outras na que está tamén A chamada "Taboada/Tablada" con 15 habitantes. En 1907 determinouse que a Praza de san Xosé (antes de Calvo Sotelo) era centro urbano. Sabemos que en 1929 o Concello de Pontevedra ordenou a demolición da capela de san Xosé por razóns urbanísticas , feito que non se produxo até 1940. E quen plantexou a expropición forzosa deste ben eclesiástico foi o pontevedrés Antonio Hereder Solla. Unha vez derruída a igrexa construíuse a Caixa de Aforrros de Pontevedra (hoxe en mans de ABANCA).
Fala o artigo tamén da parroquía de San Blas, onde se atopa unha capela cunha curiosidade e tamén do colexio dos Maristas, que máis tarde pasará a ser o Colexio de Cegos da ONCE.
Anexo | Tamaño |
---|---|
Salcedo-Campolongo.pdf | 3.23 MB |