No marco do  Programa de Auxiliares de Conversa, ofrécese por primeira vez una formación específica destinada tanto ás personas auxiliares de conversa como ás  persoas coordinadoras.

Esta actividade, de 10 horas de duración, será na Rede e proporcionará formación metodolóxica que axudará a desenvolver o voso labor no centro educativo. 

Ao final desta formación, será elaborada unha proposta didáctica conxuntamente co teu auxiliar, que substituirá á proposta de bas prácticas.

Máis información de horarios e grupos no seguinte enlace:

G2002067 - Aplicacións didácticas na aula. Programa de Auxiliares de Conversa

Que é o  patriarcado? O  patriarcado é un modelo de organización social que lles dá privilexios aos homes sobre as mulleres. É un sistema que desenvolveron historicamente todas as culturas ao longo e ancho do planeta, que distribúe de maneira desigual o poder económico, político e social en función do sexo, e que ademais se presenta coma se fose a única forma de organización social posible. É un modelo  androcéntrico, é dicir, que sitúa ao home como centro e medida de todas as cousas, e presenta á muller como a alteridade, como o outro, o diferente, o que non é estándar. Por iso aceptamos que o termo home sirva para designar a toda a humanidade ou que o masculino se considere «linguaxe neutra».

O sistema patriarcal está na base das desigualdades entre mulleres e homes, e é o conxunto de valores e crenzas no que nos educaron. Ás veces custa velo, porque é algo que temos moi arraigado, témolo  interiorizado e normalizado.

As sociedades patriarcais asignan diferentes tarefas ás persoas en función da súa pertenza a un ou outro sexo: ás mulleres confíreselles un rol reprodutivo, ligado ao coidado da familia, ao sostemento do fogar e ao espazo privado, e aos homes un rol produtivo, o do traballo remunerado, o espazo público e a toma de decisións. É a división sexual do traballo, que fai unha repartición de roles en función do xénero pouco ou nada equitativo e provoca a dependencia das mulleres respecto dos homes.

A forma como esperamos que se comporte unha muller e como esperamos que se comporte un home son construcións sociais, como crer que as mulleres son máis cariñosas, que todas desexan ser nais ou que os homes teñen un impulso sexual irrefreable. Moitas das cousas que facemos e das decisións que tomamos, que cremos que facemos e decidimos libremente, están influídas pola ideoloxía patriarcal.

Que non te líen con falsos mitos!!

Se queres demontar o patriarcado, agardámoste!

G2001090 -  Mocidade desmontando o patriarcado. Metodoloxía para o empoderamento xuvenil na prevención de violencias machistas aplicada á situación derivada de Covid-19

Datas:

• 07 - 04 - 2021: 17:00 - 20:00h
• 12 - 04 - 2021: 16:00 - 20:00h - traballo individual
• 14 - 04 - 2021: 17:00 - 20:00h
• 19 - 04 - 2021: 16:00 - 20:00h - traballo individual
• 21 - 04 - 2021: 17:00 - 20:00h
• 28 - 04 - 2021: 17:00 - 20:00h

Lugar: Videoconferencias a través de webex

O Arduino Day é  unha celebración de aniversario da placa Arduino a nivel mundial que este ano tivo lugar o 27 de marzo. Desde Aula  Nova non queriamos deixar pasar a ocasión de celebralo ao grande cunha feira virtual de proxectos na rede de todos os centros galegos.

Queriamos encher a rede de proxectos baseados en Arduino e dar voz a eses profesionais da educación, para iso programamos  tuits en Twitter durante todo o día compartindo unhas tarxetas informativas cos datos, de tal maneira que se querías  replicar o proxecto atoparás a información e puidéselo desenvolver. O hashtag empregado foi #ArduinoD21.

Un total de 28 proxectos, de varios niveis de consecución, foron presentados ao longo da xornada. Na tarxeta, ademáis dos datos do docente e do seu centro podería atoparse unha imaxe do proxecto e un código qr que enlazaba a unha páxina web, un vídeo o un documento con inforamción complementaria, de tal xeito que calquera docente interesado fora quen de replicalo na súa aula. Os docentes recibiron un certificado da súa participación e contribución práctica a xornada.

Todos os proxectos están recollidos nunha publicación do blogue de Aula Nova onde visibilizamos estas boas prácticas dos docentes galego.

O 28 de abril tivo lugar o 5º webinario de formación do proxecto Erasmus+ SBLENDID, que une ao CAFI e ás Escolas Oficiais de Idiomas galegas nun consorcio para abordar os retos do ensino semipresencial. Esta sesión, impartida por Carmen Fernández, coordinadora do proxecto na EOI Coruña e experta en eTwinning, centrouse en como abordar este tipo de proxectos no ensino de persoas adultas en EOI.

O webinario pode visualizarse na seguinte ligazón e tamén pode accederse á presentación compartida nestoutro acceso.

A última actividade do presente curso académico 2020/21 será unha xornada de difusión que terá lugar o día 6 de maio ás 11:00 da mañá onde as persoas participantes na segunda mobilidade do proxecto compartirán as súas aprendizaxes. Esa mobilidade, de carácter virtual, foi o curso "Pedagogos dixitais", impartido por Europass Teacher Academy e achegounos a varios aspectos esenciais do ensino semipresencial: as estratexias de apoio social e emocional, o traballo colaborativo en espazos virtuais, a creación de recursos interactivos e a avaliación nesta modalidade. De estares interesado/a en asistir, pregámosche que te inscribas na seguinte ligazón.

Desde o ano 2013 a Fundación Miguel Delibes organizou, en colaboración cos Centros de Formación do Profesorado de Castela e León, CRIF "Las Acacias" de Madrid, CTIF Madrid Sur, CPR Rexión de Murcia... diferentes edicións do curso Miguel Delibes en el aula, dirixido a profesores de Educación Secundaria e Primaria. Agora, por fin, imos desenvolver esta actividade formativa en Galicia de xeito telemático baixo o título Miguel Delibes na aula.

Miguel Delibes, un dos autores máis representativos da literatura española na segunda metade do século XX, é autor dunha obra ampla e variada que, ademais da  súa indiscutible calidade literaria, defende uns valores éticos e estéticos que convén achegar ao alumnado. O curso pretende promover unha lectura reflexiva que sirva á vez para  o gozo e a identificación dos distintos elementos que se conxugan nunha obra literaria.

A finalidade da actividade Miguel Delibes na aula é achegar a figura e obra do escritor valisoletano, a todos os docentes interesados na materia. Ademais de contribuír á formación do profesorado, téntase cumprir con algúns dos obxectivos da Fundación Miguel Delibes. Entre estes obxectivos, xunto ao estudo e á difusión da obra de Miguel Delibes, ten unha importancia fundamental fomentar os valores que o escritor fixo seus: a liberdade, a solidariedade, a xustiza social, o respecto pola natureza e a conservación do medio ambiente, entre outros.

Está dirixida  ao profesorado de Lingua e Literatura ou de calquera outra materia interesados no tema, abranguendo unha dobre finalidade: abordar a obra de Miguel Delibes  desde diferentes perspectivas e, sobre todo, expor actividades e ofrecer recursos directamente relacionados con esa obra e que sexan de aplicación práctica na aula.

Ao longo de tres días e estruturado en tres relatorios cada día,diferentes especialistas centraranse en cuestións tanto teóricas como prácticas relacionadas coa ampla   bibliografía do escritor —contos, novelas, discursos...—e propoñerán variadas formas de lle achegar ao alumnado a obra dun dos autores máis importantes da literatura  universal.

Programa

   10 de maio
       - Retrato de Miguel Delibes

              Elisa Delibes (Licenciada en Filoloxía Románica. Catedrática de Lingua e Literatura)
      - Propostas didácticas a partir de El Camino

              Amparo Medina-Bocos (Doutora en Filoloxía Hispánica. Catedrática de Lingua e Literatura)

   11 de maio
      - Los discursos de Miguel Delibes

              Ana María Martínez (Doutora en Filoloxía Hispánica. Profesora de Lingua e Literatura)

      - Los santos inocentes. Propostas didácticas

              Amparo Medina-Bocos (Doutora en Filoloxía Hispánica. Catedrática de Lingua e Literatura)

   12 de maio
      - Valores humanos na narrativa de Miguel Delibes. Traballo a partir  de antoloxías

              Francisco Gallego (Licenciado en Filosofía e Letras Catedrático de Lingua e Literatura)

      - O autor e a crítica. Bibliografía comentada sobre Miguel Delibes

              Amparo Medina-Bocos (Doutora en Filoloxía Hispánica. Catedrática de Lingua e Literatura)

Como ben sabemos, este último ano foi un constante reto a moitos niveis, por suposto tamén no educativo. As tecnoloxías da información e da comunicación foron nalgúns casos unha axuda esporádica e improvisada, pero en moitos outros foron integradas no ensino, converténdose en aliadas para sempre.

Ante esta situación de cambio:

• Levaches a cabo nunha contorna dixital ou híbrida metodoloxías nas que o alumnado é o protagonista da aprendizaxe?

• Aproveitaches as posibilidades das ferramentas ou contidos dixitais como apoio a esas metodoloxías?

• Empregas as TIC de xeito integrado na aula para fomentar nos rapaces e rapazas a curiosidade, a indagación, a creatividade ou o traballo en equipo?

• Desenvolveches estratexias de comunicación efectivas co alumnado e coas familias?

• Creaches contidos para a túa aula con ferramentas dixitais?

Se queres compartir a túa experiencia fronte a este importante reto co resto do profesorado convidámoste a que o fagas na xornada Educación Dixital 20-21.

Achega a información sobre a túa experiencia nesta ligazón (para cubrir o formulario debes identifícarte coa túa conta corporativa e premer en “matricúlame”).

De ser seleccionada, poderás presentala, ou ben a través dunha intervención por videoconferencia, ou  formando parte dun panel de experiencias na xornada Educación Dixital que se celebrará o próximo 8 de maio a través da Rede.

O prazo para a achega de experiencias remata o día 16 de abril.

Anímate e participa!

Tamén podes asistir como participante. A inscrición xa está aberta en fprofe co código G2002140. O prazo de inscrición remata o 29 de abril. 

Se precisas facer algunha consulta respecto á achega de experiencias podes escribir ao enderezo electrónico cafi.educaciondixital@edu.xunta.gal

Departamento de Educación Dixital do CAFI.

Esta actividade ofrece formación específica sobre o método científico e o deseño de experimentos para o profesorado de secundaria. Traballáranse as distintas fases dun traballo científico desde a toma de datos e o procesamento e presentación dos mesmos (estatística descritiva, elaboración de gráficos mediante follas de cálculo ata a discusión dos resultados e a presentación dos mesmos en forma de artigo científico e mediante o uso de novas tecnoloxías (blogues, aulas virtuais, etc).

O curso impártese en forma de obradoiro, dividido en catro sesións relativas ás distintas fases dun traballo científico. Os contidos están recollidos en fichas de actividades que permiten aos participantes avanzar nos contidos ao seu ritmo individual.

Os participantes recibirán antes do curso un kit de experimentación, no seu centro, co fotómetro FOTOMETRIX do grupo XuvenCiencia xunto co material básico necesario para realizar medidas sen necesidade dun laboratorio.

Sesión 1: 14 de abril (mércores), 18-20 h: Mercedes Novo e Wajih Al-Soufi 

Introdución 

Actividade 1 – Deseño do experimento

- Coñecemento previo, busca bibliográfica

- Hipótese previa 

- Método e experimento proposto, modelo teórico, descrición matemática 

- Plan de traballo, datos necesarios 

Actividade  2 – Experimentación

- Montaxe experimental / equipamento 

- A libreta de laboratorio. O uso de táboas. A importancia das unidades

Oradoiro: determinación da concentración dun colorante mediante coa axuda dun fotómetro

Sesión 2: 15 de abril (xoves), 18-20 h: Wajih Al-Soufi e Ana Paula Losada

Actividade 3 – Análise dos datos (Follas de cálculo) 

- Táboas de datos nunha folla de cálculo – formato, unidades

-  Representación gráfica dos datos – Regresión lineal – Recta de calibración 

- A incerteza, precisión, exactitude e a significación das medidas 

Sesión 3: 21 de abril (mércores), 18-20 h: Wajih Al-Soufi e Ana Paula Losada 

Actividade 4 – Interpretación e discusión de resultados

- Interpretación dos resultados 

- Confirmación ou rexeitamento da hipótese

- Discusión, comparación co coñecemento previo, explicación dos resultados

- Propostas de mellora do experimento ou de ampliacións

Sesión 4: 22 de abril (xoves), 18-20 h: Marta López e Mercedes Novo

Actividade 5 – Memoria ou artigo científico, cartel para congresos 

- O artigo científico 

- A comunicación oral 

- O póster ou cartel científico 

Actividade 6 – Comunicación dos resultados mediante TIC

- Divulgación científica

- Bitácora persoal ou blogue

- Redes sociais

Inscrición en FProfe co código da actividade.