Este portal web representa un espazo de coñecementos, experiencias, información e proxectos ao respecto da igualdade de oportunidades na educación e a práctica coeducativa.
É unha iniciativa do Ministerio de Educaión, Cultura e Deportes a través do CNIIE (Centro Nacional de Innovación e Investigación Educativa) e do Ministerio de Sanidade, Servizos Sociais e Igualdade a través do Instituto da Muller, en colaboración cos Organismos de Igualdade e as Administración Educativas das Comunidades Autónomas.

Obxectivos:

• Recopilar, organizar e xerar coñecemento e información sobre a igualdade de xénero no ámbito educativo.
• Aportar e facilitar recursos coeducativos que respondan ás demandas da e dos profesionais do ámbito educativo e social.
• Promover e difundir actividades formativas relacionadas coa igualdade de oportunidades entre homes e mulleres e a coeducación.
• Proporcionar ás Administracións Educativas e aos Organismos de Igualdade das CCAA unha ferramenta de intercambio de coñecemento e das eóns Educativas e aos Organismos de Igualdade das CCAA unha ferramenta de intercambio de coñecemento e das experiencias en coeducación.

Unha vez pechado o prazo para efectuar reclamacións ou renuncias o pasado día 20 de outubro, e desde o 22 de outubro ao 5 de novembro de 2012,  as persoas habilitadas da dirección dos centros (director/a e secretario/a) darán de alta as persoas coordinadoras e o profesorado participante na aplicación telemática Plan Proxecta, confirmarán o compromiso do centro e do profesorado de levar a cabo os proxectos e de integralos na súa Programación Xeral Anual e nas programacións didácticas de cada unha das persoas implicadas. Ademais, realizarán nesa mesma aplicación telemática unha breve descrición do proxecto que se vai desenvolver no centro e que incluirá os seguintes apartados:

1. Introdución (máximo 1.000 caracteres)
2. Obxectivos. (máximo 2.000 caracteres)
3. Organización, desenvolvemento e metodoloxía. (máximo 4.000 caracteres)
4. Avaliación. (máximo 2.000 caracteres)

O Plan Proxecta é unha iniciativa de innovación educativa da Consellería de Cultura, Educación e Ordenación Universitaria que ten como obxectivos principais establecer un marco xeral de colaboración entre os distintos departamentos da Xunta de Galicia que dispoñen de programas dirixidos aos centros educativos; fixar uns criterios metodolóxicos e organizativos comúns; integrar estes programas na planificación anual dos centros e, ao mesmo tempo, crear unha rede de traballo colaborativo e recoñecerlle ao profesorado a súa participación en proxectos interdisciplinares e cooperativos a levar a cabo nos centros. Para este último obxectivo recoméndase ao profesorado participante que se una ao grupo de intercambio e colaboración do profesorado do Plan Proxecta na rede social Redeiras, un espazo para intercambiar información, compartir experiencias e espallar o aprendido no proceso de creación dos proxectos.

Estes proxectos deben seguir as liñas estratéxicas do plan, que son comúns a todos os programas:

1. Desenvolvemento transversal dos valores básicos para a vida e a convivencia.
2. Desenvolvemento das competencias.
3. Utilización de estratexias metodolóxicas comúns.que se basean en dinámicas activas, colaborativas e centradas na experiencia próxima do alumnado e que leva ao desenvolvemento de valores desde unha crecente posición crítica e autónoma partindo dos seus intereses, das súas experiencias e dos seus coñecementos previos. Unhas dinámicas que deben cristalizar nun proxecto de traballo común.

É importante ter en conta que os programas poden tamén ter aberta a súa propia convocatoria ou requerir condicións especiais de participación, polo que se recomenda consultar os seus espazos informativos ou poñerse en contacto coas persoas responsables de cada un de eles para confirmar estas condicións:

Máis Información:

Para acadar máis información específica sobre cada un dos programas hai que dirixirse á persoa responsable nas diferentes institucións participantes no plan:

Para información adicional detallada sobre a organización e xestión do Plan Proxecta pódese consultar o seu espazo web, o grupo creado na rede social do profesorado Redeiras ou dirixirse á Asesoría de Innovación Educativa desta consellería:

Dirección Xeral de Educación, Formación Profesional e Innovación Educativa
Consellería de Cultura, Educación e Ordenación Universitaria
Edificio Administrativo San Caetano s/n Bq. II - 2º Andar
15781 Santiago de Compostela 

Correo electrónico: asesoria.innovacioneducativa@edu.xunta.es

Teléfono: 881 997 598 

Fax: 981 546 550

Julia Taboada Martínez / Alberto Sacido Romero

O CEIP de Sigüeiro, de Oroso (A Coruña) e o IES As Barxas, de Moaña (Pontevedra), acadaron o primeiro premio nas categorías de Primaria e Secundaria da segunda convocatoria dos Premios Mellor Iniciativa TIC de Educación 3.0. Todas as experiencias participantes tiñan que ter establecidos uns obxectivos curriculares que buscaran educar de xeito transversal, ademais de contar cun enfoque multidisciplinar.

No caso do CEIP de Sigüeiro os diferentes proyectos desenvolvidos ao longo do curso tiveron como centro de interés a potenciación das competencias, a creatividade e o uso dos medios audiovisuais, facendo un especial uso do iPad. Estas iniciativas de aula estiveron baseadas en procesos colaborativos e na metodoloxía do Traballo por Proxectos (Project Based Learning).

En canto ao traballo desenvolvido no IES As Barxas, o alumnado de 4º de ESO tivo que crear por grupos o seu propio guión, un storyboard, e dirixir e montar a súa propia curta. Contaron co asesoramento do director de cine Xan Leira e crearon unha canción que eles mesmos editaron e grabaron na aula de música do instituto.

A Deputación de Ourense abre o prazo para a presentación de traballos para o “X Premio Pura e Dora Vázquez de Ilustración Infantil e Xuvenil”.

Poden presentarse ao premio todos os ilustradores de calquera nacionalidade que presenten as súas obras inéditas e orixinais, non menos de dez, baseadas no texto premiado na modalidade de narración deste ano: “Por que está triste Miañas?”, da escritora Ángela Fernández Rey.

O premio será de 1.500 €.

Os traballos deberán presentarse antes do 20 de decembro de 2012 na Deputación Provincial de Ourense.

A Consellería de Traballo e Benestar asinou coa Fundación Banesto: Sociedade e Tecnoloxía, un convenio de colaboración para desenvolver en Galicia o PROYECTO YUZZ.
É un programa que vai dirixido aos mozos e mozas de 18 a 30 anos que teñan unha idea de negocio de base tecnolóxica.
Para poder participar no programa deben presentar a súa candidatura a través do formulario de inscrición da web do programa: www.yuzz.org/participa.

O prazo para presentar candidaturas remata o 31 de outubro.
Trátase dunha iniciativa que ofrece formación en centros de alto rendemento empresarial fomentando a innovación tecnolóxica.
Serán preseleccionados aqueles que obteñan mellor puntuación na valoración dos seguintes aspectos:
Sobre o candidato:

• Capacidade de comunicación e exposición da idea
• Capacidade de execución do candidato
• Traxectoria

Sobre a idea:

• Alto compoñente tecnolóxico e innovador
• Creatividade
• Potencial de crecemento
• Oportunidade de mercado

Os finalistas pasarán a formar parte do Programa YUZZ e poderán beneficiarse do acceso a centros de alto rendemento e aceleradores de talento onde se desenvolverán as ideas tecnolóxicas do futuro. Cada participante traballará no seu proxecto persoal, e paralelamente poderanse formar equipos de traballo multidisciplinares de 3 ou 4 persoas que desenvolverán de forma conxunta as ideas dos candidatos seleccionados.
O premio ten unha duración dun curso de 7 meses. Durante este período, o proceso de traballo e desenvolvemento das ideas no espazo físico cedido para ese efecto poderá ser cuberto polo equipo de rodaxe de emprendedorestv.com e poderá ser publicado na súa páxina web. Transcorrido este período, o mellor proxecto e o mozo con máis talento de cada centro terá a oportunidade de viaxar unha semana a Silicon Valley. A Fundación Banesto expedirá un certificado aos premiados no que se acrediten os méritos alcanzados.

Ademais, haberá unha dotación económica de 60.000? repartidos entre os tres mellores proxectos a nivel nacional:

• Primeiro premio: 30.000€
• Segundo premio: 20.000€
• Terceiro premio: 10.000€
   

O repositorio de contidos do espazoAbalar reinicia a súa actividade O repositorio do espazoAbalar segue ampliando a súa oferta cunha selección de 11 novos contidos educativos en formato dixital, realizados con distintas ferramentas de autor e baseados en distintas tecnoloxías.

Desta forma, fan que esta ferramenta medre continuamente e responda aos intereses e necesidades de toda a comunidade educativa. Coa nova actualización do repositorio alcánzanse os 1.109 recursos para educación infantil, primaria, secundaria, bacharelato e ciclos formativos en varios idiomas. 

A Consellería de Cultura, Educación e Ordenación Universitaria presentou fai 6 meses Redeiras, unha rede social educativa para favorecer a intercomunicación entre o profesorado galego, co fin de fomentar o traballo colaborativo e o intercambio de experiencias como complemento á súa práctica educativa.

Continuando co desenvolvemento e mellora das ferramentas a disposición da comunidade educativa dentro do Proxecto Abalar, desde este mes de outubro, está dispoñible unha ISO da Maqueta Abalar 2.0, que funciona en modo Live, é dicir, sen ter que facer unha instalación no disco duro do equipo.

Trátase dunha adaptación baseada na maqueta Abalar que contén as mesmas aplicacións software educativas, almacenada nun medio extraíble, que funciona sen necesidade de instalala no equipo.

Esta iniciativa, desenvolta polos técnicos do Proxecto Abalar da Axencia para a Modernización Tecnolóxica de Galicia (AMTEGA), pretende facilitar ao profesorado, ao alumnado, ás familias, etc. un maior coñecemento e uso do software educativo que se está a implementar no marco do Proxecto Abalar.

• abalar, con contrasinal abalar,que é o perfil co que se accede por defecto, empregando un perfil de alumno abalar. 

• profesor, con contrasinal profesor, orientada ao usuario con perfil profesor. 

• root, con contrasinal toor , para tarefas de administración. 

A Obra Social de Ibercaja, a través da liña INICIATIVA EDUCA, convoca o Concurso "Reporteiros na Rede 2012/2013" para fomentar o interese dos estudantes pola ciencia e a tecnoloxía. O alumnado participante debe realizar artigos de divulgación científica sobre un tema de actualidade, utilizando exclusivamente a información dispoñible en internet.
Poderán participar profesorado e alumnado de ESO, Bacharelato e Ciclos Formativos con idade límite de 20 anos.
A fase de inscrición é do 1 de outubro de 2012 ao 25 de xaneiro de 2013 cumprimentando o formulario que aparece na web http://www.ibercajalav.net/
O prazo de entrega dos artigos finalizará o 1 de marzo de 2013. O artigo enviarase como arquivo adxunto, co nome de código de participación asignado na inscrición, á dirección de correo labvirtual@ibercajalav.net.
Premios:

• Bacharelato e Ciclos Formativos:
  • 1º premio con valor de 700 €
  • 2º premio con valor de 500 €
• ESO:
  • 1º premio con valor de 700 €
  • 2º premio con valor de 500 €

Os profesores coordinadores dos traballos premiados recibirán unha gratificación en efectivo en recoñecemento ao seu interese e gratificación.