Título node Learning object
Vense de abrir o grupo de intercambio e colaboración do profesorado do Plan Proxecta na rede social Redeiras e invítase a todas as persoas participantes nesta iniciativa a formar parte del. Este espazo dixital está pensado para converterse no eixe central da rede de traballo colaborativo entre o profesorado, un lugar para o intercambio de experiencias e para a colaboración.
O Plan Proxecta está dirixido a fomentar a innovación educativa nos centros mediante programas externos que fomenten proxectos enfocados no desenvolvemento das competencias e da educación en valores.
Para acceder á rede social do profesorado Redeiras so hai que utilizar o usuario e contrasinal do correo persoal EDU.
Unha vez se entra na aplicación, a persoa xa se converte automáticamente en usuaria da rede sen outra acción ou xestión. Na pantalla de inicio ou na pestana de Grupos accédese ao grupo Plan Proxecta pulsando na ligazón da listaxe. Unha vez dentro, só queda pulsar o botón Unirse ao grupo.
