Ficha técnica 2025/26

1. Institución:

• Consellería de Sanidade
  •  Servicio Galego de Saúde – ADOS

2. Ámbito: Saúde; solidariedade; ciencia

3. Presentación do programa: O programa Salvavidas presenta dúas modalidades:

• Doazón de sangue: O programa consiste en desenvolver un proxecto relacionado co beneficio que supón para a sociedade o xesto da doazón de sangue. Búscase que o alumnado se familiarice con todos os aspectos da doazón, de modo que a poidan ver como un exemplo de solidariedade. Os centros promoverán a elaboración dun traballo en equipo no que terán que facer visible as bondades da doazón como contribución persoal ao ben da sociedade.
• Doazón de órganos e tecidos: O programa consiste en desenvolver un proxecto relacionado co beneficio que supón para a sociedade o xesto da doazón de órganos e tecidos. Búscase que o alumnado se familiarice con todos os aspectos da doazón, de modo que a poidan ver como un exemplo de solidariedade. Os centros promoverán a elaboración dun traballo en equipo no que terán que facer visible as bondades da doazón como contribución persoal ao ben da sociedade.

4. Alumnado ao que vai dirixido:

• Doazón de sangue: alumnado de ESO, bacharelato, formación profesional grao básico, medio e superior, ensinanza para adultos, ensinanzas de réxime especial.
• Doazón de órganos e tecidos: alumnado de Educación Secundaria Obrigatoria, Bacharelato, Ciclos formativos, Ensinanzas de persoas adulta e Ensinanzas de réxime especial.

5. Participación:

• Doazón de sangue: 
  • Límite de centros participantes: 20.
  • Límite de docentes participantes por centro: 5.
  • Límite de alumnado participante por centro: 100.
• Doazón de órganos e tecidos:
  • Límite de centros participantes: 20.
  • Límite de docentes participantes por centro: 6.
  • Límite de alumnado participante por centro: 120.

6. Criterios de selección: 

• Doazón de sangue: Interese, calidade e orixinalidade do proxecto presentado.
• Doazón de órganos e tecidos: Distribución xeográfica; Calidade do proxecto presentado.

7. Persoas responsables:

• Doazón de sangue: 

Nome: Rosa Ana Rego Rodríguez
Departamento: Formación ADOS
Teléfono: 881 546 900 – 881 546 967
Correo electrónico: 

• Doazón de órganos e tecidos:

Nome: María Asunción Novo Ares
Departamento: Coordinación Autonómica de Trasplantes de Galicia (Axencia de Doazón de Órganos e Sangue). 
Teléfono: 881 541 828
Correo electrónico: cat.ados@sergas.gal

8. Obxectivos do programa:

• Doazón de sangue: 

1. Concienciar aos escolares da importancia da doazón de sangue, creando neles unha conciencia solidaria proclive á doazón.
2. Animar ás persoas da súa contorna a facerse doadores de sangue e que eles mesmos se faigan doadores no momento no que cumpran a maioría de idade.

• Doazón de órganos e tecidos:
  • O obxectivo xeral do programa é crear un proxecto interdisciplinario que traballe a doazón de órganos e tecidos dende diferentes perspectivas, para concienciar aos máis novos, a través dunha información correcta, sobre o beneficio que a doazón e o transplante teñen para o sociedade.                                                                                                                                                                      
  • Os obxectivos específicos:                                                                                          

-Identificar os erros conceptuais en torno ao proceso de doazón e transplante.
-Compartir coñecementos e experiencias coas persoas implicadas na doazón de órganos e tecidos (doadores, persoas en espera de transplante, persoas transplantadas, familiares, persoal sanitario).
-Crear unha conciencia solidaria proclive á doazón e transmitila á contorna.

9. Palabras clave: Doadores, doazón, sangue, solidariedade, órganos, tecidos.

10. Metodoloxía e temporalización: 

• Doazón de sangue: A temporalidade abarca todo o curso escolar, en función do temario das clases implicadas no proxecto.
• Doazón de órganos e tecidos: 
• 1º e 2º trimestre: desenvolvemento das unidades temáticas sobre a doazón e os transplantes co alumnado . A información sobre este material de apoio está incluída no apartado "Actividades e recursos".
• 3º trimestre: elaboración e entrega do produto final. Antes do 30 de abril os centros participantes deben ter solicitada ou realizada a charla divulgativa sobre doazón e transplantes. A solicitude pode facerse xa ao inicio do programa.

11. Actividades e recursos ofertados:

12. Orzamento: Non existe un orzamento específico para o Plan Proxecta+. Utilízase material didáctico para o profesorado e alumnado dos centros educativos que solicitan o Plan Proxecta+.

13. Produto final: Presentación dun traballo final en formato libre, coa participación de todo o alumnado de forma individual ou conxunta, e cuxo contido tratará sobre o proceso e os beneficios da doazón de sangue / órganos e tecidos, segundo a modalidade na que se participe.

14. Criterios de avaliación:

• Criterios xerais do Plan Proxecta+:
  1. Creación dunha rede de traballo cooperativa na comunidade educativa entre alumnado, profesorado, familias e/ou institucións da contorna. Valorarase especialmente a participación activa do alumnado no desenvolvemento do proxecto (toma de decisións, realización do produto final etc).
  2. Interdisciplinariedade (achegas desde distintos departamentos didácticos, disciplinas ou materias) e transferibilidade do proxecto.
  3. Impacto e difusión do proxecto. É imprescindible incorporar na memoria, a través de ligazóns (páxinas web, blogs etc), evidencias gráficas e/ou documentais do traballo realizado que permitan constatar o desenvolvemento do proxecto.

•  Criterios propios do programa:
  • Doazón de sangue:
    1. Grado de participación e implicación do alumnado na temática.
    2. Grado de implicación do profesorado e do centro coa difusión do proceso de doazón de sangue
    3. Calidade do formato final do traballo en formato libre
  • Doazón de órganos e tecidos:
  1. Grao de participación e implicación do alumnado na temática sobre doazón e transplantes, é preciso desenvolver polo menos a temática de tres unidades do Proxecto Salvavidas.   
  2. Grao de participación no programa de charlas divulgativas e no que se valorará a colaboración do centro na organización da actividade e a motivación do alumnado na participación activa da mesma.
  3. Calidade do traballo final en formato libre.