O programa

‘Cinema en curso’ é un programa estrutural de pedagoxía do cinema en centros de primaria e de secundaria. Iniciado en 2005 en Cataluña, actualmente tamén se desenvolve en Galicia, Madrid, Arxentina, Chile e Alemaña.

Un dos principais eixes de Cinema en curso son os talleres, que se desenvolven con alumnado de entre 8 e 18 anos ao longo de todo un curso, dentro do horario lectivo. Son impartidos conxuntamente por un equipo de docentes e un/unha cineasta. Nos talleres, o alumnado ve cinema de autores moi diversos e desenvolven diversas prácticas que culminan coa realización dunha curtametraxe documental ou de ficción.

Todos os procesos son colectivos: a documentación e o guión elabóranse entre todo o grupo; durante a rodaxe os cargos distribúense rotativamente de xeito que todo o alumnado desempeña cada unha das funcións (dirección, cámara, sonidista, script...); a montaxe faina todo o grupo.

Obxectivos

• Propiciar o descubrimento por parte do alumnado do cinema entendido como arte, creación e cultura.
• Desenvolver as potencias pedagóxicas da creación cinematográfica no contexto educativo.

Eixos principais

• A presenza regular e continuada de cineastas nos centros docentes impartindo obradoiros xunto ao profesorado, dentro do horario lectivo.
• A articulación do descubrimento da arte cinematográfica a partir dunha metodoloxía que vincula estreitamente a práctica creativa co visionado de filmes.
• A formación do profesorado.

A construción do proxecto como laboratorio de investigación aplicada: espazo de experimentación e reflexión. A partir da análise das experiencias dos obradoiros, o equipo de cineastas e de docentes xera propostas, materiais e metodoloxías extensibles a contextos educativos diversos.

O teléfono funcionará as 24 horas do día, os 365 días do ano.

Este teléfono, que está operativo desde o día 1 de novembro, constitúese nunha ferramenta indispensable na loita contra o acoso escolar.

Destinatarios/as

As persoas destinatarias do servizo son o alumnado, os pais, as nais e as persoas titoras legais, docentes, equipos directivos e persoal dos centros docentes, e en xeral calquera persoa que teña coñecemento de casos de malos tratos ou acoso no ámbito escolar, tanto dentro como fose do centro docente.

Inclúense tamén os casos de ciberacoso, a través de internet, de móbiles e de redes sociais, así como o ámbito internacional nos nosos centros no exterior, centros de convenio e programas internacionais. A intención do Ministerio de Educación, Cultura e Deporte é chegar a todos/as os/as menores e a todos os supostos de malos tratos no ámbito escolar.

Persoal especializado

As chamadas serán atendidas exclusivamente por persoal en posesión dunha licenciatura ou grao universitario no ámbito da Psicoloxía. Ademais de proporcionar atención psicolóxica, conta cun equipo de traballadores/as sociais, xuristas e sociólogos/as que prestarán a atención que o/a menor necesite, incluída a consulta e a derivación do caso ás forzas e corpos de seguridade, a inspección educativa, centros de saúde, ministerio fiscal e outras autoridades e institucións competentes, sempre de forma voluntaria, e asegurando en todo momento o anonimato e a confidencialidade das persoas que chamen se así o desexan.

Gratuidade

A chamada é gratuíta, e non aparecerá na factura do teléfono desde o que se faga a chamada; é dicir, non deixará rastro algún.

Axuda á discapacidade

Ademais, ponse a disposición das persoas usuarias con discapacidade auditiva ou da fala un servizo de mensaxería de texto, así como a atención dun/ha axente en linguaxe de signos por vídeo-chat ou vídeo-chamada.

A avaliación nacional das competencias dos estudantes gañou en importancia nas últimas décadas (EACEA/Eurydice, 2009). Tradicionalmente, este tipo de avaliación utilizábase para determinar o progreso dos estudantes e conceder certificados, pero máis recentemente converteuse nunha importante ferramenta de supervisión dos sistemas educativos. Ademais, a recente evolución política da UE espertou un novo interese pola aprendizaxe de linguas e, máis concretamente, pola avaliación das competencias en linguas.

Neste contexto, resulta especialmente útil mellorar o coñecemento das probas nacionais en linguas e analizar as suas principais características, posto que isto permite consolidar as bases para a elaboración de novas políticas e iniciativas. O principal obxectivo deste informe é permitir comprender con claridade os sistemas nacionais de avaliación das competencias lingüísticas que existen na actualidade nos países europeos. As probas nacionais defínense como probas/exames nacionais estandarizados elaborados polas autoridades públicas centrais/superiores e que se realizan baixo a súa responsabilidade. Téñense en conta todas as linguas, excepto as linguas de instrución, as linguas rexionais e as linguas antigas. Na maioría dos casos, as linguas avaliadas considéranse linguas estranxeiras nos currículos nacionais (véxase a Introdución para máis detalles).

Na actualidade, en Europa existe un amplo consenso sobre a importancia da aprendizaxe de linguas estranxeiras a nivel de centro e fóra del, así como sobre o papel da avaliación na mellora do ensino e a aprendizaxe de linguas estranxeiras.

Unidade editora: Secretaría Xeral Técnica. Centro de Publicacións. Ministerio de Educación, Cultura e Deporte

Proposto por: Centro Nacional de Innovación e Investigación Educativa (CNIIE)

Autor/es: EURYDICE

O Comité Económico e Social da Unión Europea convida as escolas españolas a participar no evento "Your Europe, Your Say".

Que é

Trátase dunha iniciativa na que se convida a estudantes no seu penúltimo ano de Educación Secundaria a visitar Bruxelas, e que está aberta aos 28 estados membros da Unión Europea. O Comité Económico e Social cubrirá os gastos de viaxe e aloxamento de tres estudantes e un profesor de cada unha das escolas gañadoras, que se seleccionarán por sorteo.

Obxectivos

Que o alumnado coñeza a UE e o papel do Comité dentro dela. Tamén é unha oportunidade única para os/as alumnos/as participen nun debate de estilo asemblea-plenario sobre un tema específico nunha contorna multicultural, presentando argumentos, negociando e alcanzando un compromiso. O alumnado poderá actuar como integrante dunha institución europea.

O evento utilizará como lingua vehicular o inglés.

Prazo: Ata o 30 de novembro.

Que é

"Contra os elementos"  é un documental que pretende visualizar o deporte feminino na provincia da Coruña amosando a realidade das deportistas galegas, reivindicar a proxección deportiva e apoiar os deportes minoritarios e de base, axudar a crear iconas femininas que sexan referentes para o fomento da práctica deportiva entre as mulleres en igualdade de oportunidades, rachando estereotipos de xénero impostos na sociedade.

Obxectivos

• Recoller e mostrar mediante entrevistas a destacadas deportistas e adestradoras, a realidade do deporte feminino galego e os seus triunfos
• Desmontar os prexuízos de xénero que habitualmente rodean o deporte
• Apoiar os deportes minoritarios
• Promover valores como a superación e o esforzo
• Tentar normalizar o deporte feminino entre a mocidade, creando modelos a seguir
• Animar ás adolescentes para practicar deporte.

Metodoloxía e deportistas protagonistas

Co documental téntase mostrar varias disciplinas establecendo unha comparación cos elementos naturais, boxeo e rugby (lume), fútbol e atletismo (terra), vela e surf (auga), parapente e ximnasia artística (aire).

As deportistas que interveñen son Verónica Boquete, Marta Brañas, Mónica Castelo, Mari Carmen García, Sofía Toro, Isabel Gundín, Paula Mayobre, Thais Pazos, Alicia Sadia, Ruth Ballesteros, Elena González e María José Mosquera.

Organismo responsable

Deputación da Coruña, Área de Benestar Social, Educación e Políticas de Igualdade. Servizo de Acción Social, Cultural e Deportes. Sección de Servizos Sociais

Formatos do documental

Na web, ademais de contar cunha versión longa de 50 minutos, atópanse catro vídeos máis un extra (correspondentes ao citados catro elementos + futuro) que poden verse e exhibirse de maneira independente.

O desenvolvemento e promoción da educación para o emprendemento é un dos obxectivos políticos clave da UE e os Estados membros desde hai moitos anos. Cada vez outórgase máis importancia ao potencial que ten a xente nova para lanzar e desenvolver as súas propias empresas comerciais ou sociais, converténdose así en innovadores naquelas áreas en que viven e traballan. A educación para o emprendemento é esencial non só para forxar a mentalidade da mocidade senón para proporcionar as competencias, coñecementos e actitudes básicas para o desenvolvemento dunha cultura do emprendemento en Europa.

Este informe expón os últimos avances realizados nesta materia polos países europeos, tras os anteriores informes de Eurydice (2006, 2012). Cobre a educación escolar (primaria, secundaria xeral e FP impartida en centros escolares) en todos os países/rexións da rede Eurydice, coa excepción de Alemaña, Irlanda e Liechtenstein. Os apartados que figuran resumen as principais conclusións do informe, centrándose basicamente nas definicións nacionais e indicadores contextuales (Capítulo 1), así como nas accións estratéxicas e os mecanismos de financiamento que serven de apoio á educación para o emprendemento (Capítulo 2). Estúdase a integración da educación para o emprendemento nos currículos escolares e resultados de aprendizaxe nacionais (Capítulo 3), ademais dos plans de estudos da formación inicial e permanente do profesorado (Capítulo 4). Finalmente, o último capítulo ofrece unha perspectiva dos elementos que os países europeos teñen aplicado xa e daqueloutros que deben seguir desenvolvéndose para realizar avances neste terreo.

Orixe do proxecto

Este programa, coordinado na actualidade desde a Embaixada de Portugal a través do Instituto Camões, iniciouse no curso 87/88, como un programa de compensación educativa para favorecer a integración dos fillos e fillas de inmigrantes portugueses (e outros luso-falantes) no sistema educativo español e axudarlles a manter as súas referencias lingüísticas e culturais de orixe.

Para desenvolver este Programa, adscribiuse profesorado portugués a centros educativos españois, que nos centros de Educación Infantil e Primaria levaban a cabo actividades incluídas no horario lectivo, mediante "clases integradas" (nas que o profesorado portugués e o español desenvolven actividades conxuntas con todos os alumnos e as alumnas da aula) ou "clases simultáneas" (nas que o profesorado portugués atende ao grupo de alumnado que optaron por participar no Programa). Ademais, desenvólvense actividades complementarias: intercambios e visitas de estudo, semanas culturais, clubs de portugués.

Nos centros de Ensino Secundario "nos que o portugués ten estatuto de materia optativa impartida por profesorado español", a participación neste programa foi ata agora bastante reducida, e limitada ao ámbito extraescolar.

Actualidade

Desde 2011, o programa foi evolucionando cara a un novo perfil de ensino do portugués como lingua estranxeira, o que é máis acorde á realidade actual e aos novos destinatarios do programa. O obxectivo é integrar este ensino no currículo español como segunda lingua estranxeira, poñendo en valor a importancia que a lingua lusa está a adquirir mercé á expansión de economías emerxentes como Angola e Brasil (OCDE). Este cambio de orientación no ensino da lingua portuguesa vai realizar paulatinamente e o programa integrouse entre as accións recollidas en Memorando de entendemento entre o Ministerio e os Ministerios portugueses de Asuntos Exteriores e Educación e Ciencia que se asinou o 9 de maio de 2012 no Porto.

Os datos do curso 2013/14 informan de que a rede de Cursos de Lingua e Cultura Portuguesa esténdese a 24 CEIP e 28 IES, distribuídos en 7 Comunidades autónomas (Asturias, Castela e León, Cataluña, Estremadura, Galicia, Madrid e Navarra). Traballan nel 26 profesores portugueses, que atenden ao redor de 200 grupos de alumnado.

Pola súa banda, o Goberno de Estremadura ten asinado un convenio de colaboración co Instituto Camões e xa teñen en marcha dous IES con seccións bilingües en portugués. A Junta de Andalucía vai asinar o seu propio convenio en datas próximas, e as xestións están moi avanzadas coa Generalitat de Cataluña.

Na nosa comunidade hai un total de dez centros docentes que se benefician deste convenio no curso 2016/17.

As reunións de coordinación convócanse semestralmente.

Ciberexpert@ é un programa creado pola Policía Nacional, co apoio de Telefónica e a colaboración da Fundación Cibervoluntarios, que nace co obxectivo de achegar unha mellor educación dixital ás familias.

Este programa, a través de diferentes actividades de formación, capacitación e da web Ciberexpert@, pretende achegar unha visión máis segura do uso responsable da internet, ademais de permitir visualizar de maneira real os riscos e problemas que se poden atopar na rede, e mesmo facilitar as denuncias sobre situacións de risco nas que se pode atopar o noso alumnado.

O programa é levado a cabo por persoas delegadas de participación cidadá da Policía Nacional que, co apoio da comunidade educativa, imparten charlas de formación coordinadas e xestionadas pola Unidade Central de Participación Cidadá da Policía Nacional.

Os obxectivos do programa son os seguintes:

• Realizar actividades dirixidas ao uso seguro da internet, especialmente nas redes sociais.
• Sensibilizar e formar minimizando os riscos que os menores poden atopar no uso cotián das TIC.
• Achegar aos menores, contorna educativa e familiar o uso de ferramentas que lle faciliten unha navegación máis segura.
• Capacitar ao noso alumnado na adquisición de habilidades para unha comunicación máis segura nas redes sociais.
• Concienciar aos menores da importancia dunha boa xestión da privacidade online e offline.

O beneficiario do programa é a sociedade en xeral e de maneira directa, os/as menores e a contorna educativa e familiar quen, preocupados polo que experimentan os menores na internet, queren aprender sobre ferramentas, aplicacións e outros recursos tecnolóxicos que lles axuden a propiciar unha navegación máis segura.

Ao alumnado que desenvolvese o programa de forma satisfactoria e supere o test final de coñecementos fáiselle entrega do carné de Ciberexpert@.

Os centros educativos poden solicitar o programa a través do correo electrónico seguridadescolar@policia.es.

Este proxecto da Fundación Telefónica  acerca a metodoloxía de Ferran Adrià á educación, vai dirixido a toda a comunidade educativa representada polos equipos directivos e os docentes. Esta iniciativa persigue aplicar os procesos de innovación e fomento da creatividade de elBulli ao ámbito escolar.

As solicitudes de participación realízanse a través da web do proxecto e poden ser nas seguintes modalidades:

• Como docente: ofrécense materiais e recursos para levar a cabo na aula actividades que favorezan a innovación e a creatividade, tanto dos estudantes como dos mestres e mestras.
• Como centro na modalidade on line: ofrécense materiais e recursos para introducir a innovación na xestión do centro (tempos, espazos, equipo...) de cara a dar resposta a calquera reto que haxa que afrontar.
• Como centro na modalidade presencial-online: ao igual que a modalidade anterior pero coa diferenza de que nesta modalidade seleccionarase un centro por comunidade autónoma que contará cun apoio maior e que poderá participar en actividades presenciais (encontros con outros participantes, etc.).

En todas estas modalidades, os participantes poderán optar a premios.

O Día das Librerías celébrase hoxe 11 de novembro por sexto ano consecutivo en España, por iniciativa da Confederación Española de Gremios e Asociacións de Libreiros (CEGAL) e con apoio do Ministerio de Educación, Cultura e Deporte.

Hoxe as librerías asociadas a CEGAL permanecerán abertas ata as 22 horas e ofrecerán descontos do 5% nos libros. Ademais, acollerán actividades que foron programadas para celebrar esta conmemoración ao longo dos días 10, 11 e 12 de novembro.

Na web www.todostuslibros.com pódense realizar procuras sobre 2.8 millóns de referencias; hai dispoñibles máis de 1 millón de títulos e indícanse as librerías onde poden ser comprados.

Ademais, o Observatorio da Lectura e o Libro colgou no Canle Cultura de Youtube un vídeo que difunde esta iniciativa e mostra o importante labor das  librerías e libreiros, que dinamizan e fomentan a cultura a través dos libros e a lectura.