A Axencia de Doazón de Órganos e Sangue (ADOS) e a Consellería de Cultura, Educación e Ordenación Universitaria convocan un concurso de carteis relacionado coa doazón e cos transplantes. Este concurso ten como finalidade achegar a realidade da doazón e dos transplantes á poboación escolar na nosa Comunidade Autónoma, de xeito que o alumnado sexa capaz de valorar os beneficios do fomento da doazón de órganos para a cidadanía.

Alumnado destinatario: 5º e 6º de educación primaria e 1º e 2º da ESO
Centros destinatarios: todos os centros educativos galegos.
Ampliacón do prazo de presentación das solicitudes: ata o 30 de abril de 2018.

Para obter máis información pódense consultar as bases da convocatoria no arquivo anexo.

Trátase dun proxecto desenvolto por Samsung e o Ministerio de Educación, Cultura e Deporte para concienciar e intentar reducir o acoso escolar mediante a implicación do alumnado na propia resolución do problema.

O obxectivo é concienciar sobre o problema do acoso escolar e ciberbullying. Para isto utilizaranse dispositivos Samsung de Realidade Virtual e un vídeo en 360º. Para medir o impacto realizarase un cuestionario anónimo posterior á visualización do vídeo.

Esta actividade está destinada a alumnado de 1º de ESO.

Os centros que estean interesados en participar deberán mandar un correo a asesoria.tic@edu.xunta.es antes das 14:00 do mércores 21 de febreiro de 2018 indicando no asunto “proxecto asignatura empatía”.

A Asociación de Químicos de Galicia-ANQUE, coa colaboración do Colexio Oficial de Químicos de Galicia organiza, o 23 de marzo de 2018, nas sedes da Coruña, Lugo, Santiago, Ourense e Vigo a edición XXXV desta Olimpíada. O  evento vai dirixido ao alumnado de calquera centro público ou privado da Comunidade Autónoma de Galicia matriculado, durante o curso 2017/18, no Bacharelato e que non teña cumpridos dezanove anos o 1 de outubro de 2018. Con carácter excepcional, tamén poderán tomar parte alumnos/as do 2º ciclo da ESO de excelentes capacidades.

As probas, cuxo contido versará sobre aqueles aspectos da Química que estean recollidos no Decreto 86/2015, do 25 de xuño, conterán tanto cuestións tipo test como problemas e interpretación dun suposto práctico de laboratorio.

O prazo para as solicitudes de participación é ata o 13 de marzo de 2018, indicando expresamente en que cidade quere realizar as probas.

A  Consellería de Cultura, Educación e Ordenación Universitaria da Xunta de Galicia reconocerá estas fases (local e nacional) como actividades de innovación educativa cunha certificación ao profesorado participante equivalente a 15 horas de formación en caso de fase autonómica e 25 horas na fase nacional.

A Comisión Europea acaba de publicar a listaxe de proxectos seleccionados na iniciativa Move2Learn, Learn2Move. Entre eles, foron recoñecidos os proxectos de 2 centros galegos:

• IES de Poio: "Delirant isti eTwinnienses Romani!" desenvolvido polo alumnado de  Latín de 1º de bacharelato.
• IES San Clemente: "Green spots in town" desenvolvido polo alumnado de Administración de Sistemas Informáticos en Rede.

Pódese consultar toda a información na seguinte ligazón.