Hoxe en día son moitos e moi variados os recursos dixitais que temos á nosa disposición en Internet. Independentemente da etapa educativa ou da materia da que se trate, a rede poderá fornecernos case con total seguridade calquera material que precisemos nun momento dado. Así, no caso da educación musical na educación secundaria obrigatoria, atopamos actividades de todo tipo: sobre o oído e a voz humana, familias instrumentais, linguaxe musical, historia etc. Con todo, considero que o número das relacionadas coa música da nosa comunidade é case insignificante se o comparamos con outras do tipo das anteriormente citadas, especialmente se buscamos algunha que nos permita obter unha visión xeral da música feita en Galicia.

É neste contexto no que xorde a idea de Un paseo pola música de Galicia. Nace coa finalidade de reunir nun único ODE (obxecto dixital educativo) unha serie de contidos e actividades sobre a nosa música, de xeito que tanto o profesorado como o alumnado poida acceder dun modo rápido e sinxelo a unha gran cantidade de material didáctico sobre o tema, tratado aquí no seu conxunto.

• Máis información

A Consellería de Medio Ambiente e Ordenación do Territorio convoca o concurso de fotografía 'ENTENDENDO AS NUBES' .

O prazo para a presentación de candidaturas remata o vindeiro 23 maio.

A recepción das fotografías realizarase a través da dirección de correo electrónico:  administracion.meteogalicia@xunta.gal.

Importante!! Aceptaranse unicamenta os envíos realizados desde contas de correo electrónico oficiais.

As bases deste concurso atópanse no seguinte ligazón: http://www.xunta.gal/dog/Publicados/2017/20170323/AnuncioG0422-200317-0004_gl.pdf

Descrición

A Cidade da Cultura acolle o vindeiro xoves 20 de abril o Día Mundial da Creatividade e a da Innovación, unha data coa que se quere poñer de manifesto a creatividade persoal de cada cidadán a nivel mundial. Esta xornada foi promovida polo deseñador publicitario Marci Segal de Toronto (Canadá) e a elección deste día coincide co nacemento dunha das mentes máis creativas da Historia: Leonardo da Vinci.

Información práctica

Data: 20 de abril de 2017

Lugar: Cidade da Cultura. Salón 1. Edificio CINC. Santiago de Compostela

Horario visita: de 16.00h a 17.00h

Horario xornada: de 17.30h a 19.45h

Teléfono de información: 981 536 434

Correo electrónico (confirmar asistencia previamente): noroeste@apd.es

Programa

17.20 h Recepción de asistentes
17.30 h Apertura. Santiago Sesto. Director Zona Noroeste APD.
17.35 h Inauguración. Ángel Rodríguez, Director Centro Autonómico de Formación e Innovación (CAFI).
17.45 h Escolas creativas, empresas innovadoras. Elba Pedrosa. Consultora en comunicación e creatividade Promotora e organizadora da First World Creativity & Innovation Week Galicia
18.05 h Conexións con Viena e Bristol
Emprendedores e creatividade. Selma Prodanovic
Educación innovadora. Niegel Newton. Projects Director & Researcher
18.20 h Mesa redonda. Educar hoxe para dirixir mañá. Modera Sara Carreira, xornalista especializada en educación de La Voz de Galicia
19.20 h Coloquio
19.45 h Fin da xornada

Ás 16:00 h as persoas asistentes que o desexen poderán asistir a unha visita guiada á exposición Da árbore á cadeira.

Este programa é unha iniciativa enmarcada dentro do Plan de Educación Financeira, proxecto lanzado pola Comisión Nacional del Mercado de Valores (CNMV) e o Banco de España. Coa colaboración da Dirección General de Seguros y Fondos de Pensiones e a Secretaría General del Tesoro, co obxectivo xeral de contribuír á mellora da cultura financeira de todos os cidadáns.  O Ministerio de Educación, cultura e Deporte avala esta iniciativa.

O programa de Educación Financeira pretende incorporar temas de finanzas persoais nas aulas. Trata de potenciar os coñecementos, destrezas e habilidades básicas que permitan ao alumnado comprender conceptos claves como o aforro, os ingresos, o presuposto persoal, o custo das cousas, a calidade de vida o e consumo responsable.

Como novidade os materiais tamén están dispoñibles en inglés.

Os centros e docentes que participen neste programa contarán cos seguintes recursos:

• Contidos e manual didáctico
• Zona reservado para docentes na web www.gepeese.es
• Curso online (certificado polo INTEF)
• V Edición do Concurso “Premios Programa de Educación Financeira”

Para máis información e acceso ao formulario de inscrición, na ligazón aportada

O material proposto foi elaborado por  Tucho Méndez (profesor de Tecnoloxía) e Juan Martínez (estudante), co imprescindible asesoramento de Carmen Cuesta García, profesora de Xeografía e Historia no IES Canido (Ferrol).

Presentaron dúas secuencias didácticas, unha sobre os climas do mundo para Xeografía e Historia e outra sobre a atmosfera para Ciencias da Natureza, ambas as dúas para primeiro da ESO. Estas secuencias didácticas están compostas por animacións, imaxes e actividades interactivas, e son aptas para ser traballadas empregando o EDI ou os propios ordenadores dos alumnos.

O material enfócase cara aos recursos multimedia e renunciouse a producir un traballo baseado na abundancia de texto e na imaxe estática, xa que consideran que, naquel intre, a oferta dese tipo de recursos era grande e, frecuentemente, moi boa. Ao contrario, atopar animacións e exercicios interactivos de calidade, sobre todo en galego, era un dos grandes ocos que se precisaba cubrir.

Obxectivos

• Complementar o labor docente nas aulas Abalar.
• Ser atractivos e motivadores para o alumnado.
• Ser sinxelos e fiables no seu uso.
• Ser coherentes visual e tecnicamente.
• Permitir o seu uso modular.
• Resultar efectivos para o proceso de ensino-aprendizaxe.
• Favorecer o proceso de autoavaliación.

Dentro das áreas concretas nas que podemos aplicar estes recursos, en Ciencias Sociais quixemos traballar contidos relacionados coa meteoroloxía e os climas do mundo, os mapas climáticos e a representación gráfica de datos climáticos, as causas de que existan diferentes climas, identificación e caracterización de climas, climas fríos, climas temperados e climas cálidos.

En Ciencias da Natureza os contidos que se desenvolveron foron a atmosfera, a súa importancia, a súa estrutura e composición, as condicións que moldean o tempo atmosférico, a explicación dos fenómenos meteorolóxicos e a diferenza entre tempo atmosférico e clima, así como os mapas de clima e a representación gráfica de datos climáticos.

• Máis información