O programa Educar o talento Emprendedor persegue o reto de introducir a competencia de Aprender a Emprender na práctica ordinaria dos/das docentes e así configurar auténticas escolas emprendedoras.

O programa opta polas denominadas “metodoloxías activas”, que enfocan a aprendizaxe no propio alumnado, e nas que o rol do profesorado cambia substancialmente. En concreto, abórdanse tres metodoloxías activas: aprendizaxe cooperativa, aprendizaxe de servizo e a elaboración de proxectos de emprendemento ético, pola súa potencialidade na aula para adestrar as aprendizaxes vinculadas ao talento emprendedor. O outro gran alicerce do programa radica na definición de diversos sistemas de avaliación, nos que os/as docentes adoptan o rol de adestradores de procesos de aprendizaxe do seu alumnado.

O programa conta cun servizo de asesoramento en liña para docentes, asociado á web: http://competenciaemprendedora.org/

Temporalización:  21/11/2016 - 22/11/2016 - 01/12/2016

Data límite de inscrición: 31/10/2016

Ligazón para inscribirse: https://es.fpdgi.org/form/73/perfil/

O Proxecto de Linguas Estranxeiras coordina todas as actuacións relacionadas cos programas de ensino de idiomas, bilingües e multilingües, entre as que podemos citar o apoio e asesoramento nos procesos de desenvolvemento normativo relacionado co ensino e a aprendizaxe de linguas estranxeiras e a promoción da calidade educativa, impulsando o intercambio de boas prácticas e a realización de traballos de investigación.

Coordina, ademais, as iniciativas desenvolvidas nas Comunidades Autónomas para a mellora dos procesos de adquisición e de perfeccionamento da competencia lingüística en linguas estranxeiras. Igualmente, realízase unha labor de difusión de todo tipo de noticias relacionadas co bilingüismo, a aprendizaxe de linguas estranxeiras e o mundo anglófono en xeral.

Os grupos de eTwinning son unha das mellores maneiras para compartir materiais e poñer en común ideas entre docentes. Por iso, presentouse recentemente a creación dun grupo para persoal de dirección e xestión de centros (principals & school management staff).

En setembro celebrouse un congreso monográfico sobre eTwinning e participación cidadá en Florencia, Italia, para persoal de dirección e xestión de centros. Neste congreso, abriuse un amplo debate sobre as cuestións ás que se enfronta a dirección de centros educativos hoxe en día: as habilidades dixitais, a motivación do alumnado, as repercusións das migracións, así como o que implica converterse nun «centro eTwinning». Durante estes debates, quedou claro que eTwinning necesitaba un espazo para persoal de dirección de centros e de xestión, co que examinar estas cuestións.

eTwinning creou o grupo eTwinning for School Management (eTwinning para xestores de centros educativos) como resposta a esta necesidade. Se traballas como directora, director ou persoal de xestión de centros educativos, xa podes participar.

Descrición do proxecto

O obxectivo deste proxecto é dotar ao profesorado da competencia que lle permita xestionar recursos na nube orientados á aprendizaxe das competencias que se poñen en xogo na formación profesional redeseñando actividades e contidos para a aprendizaxe de FP.

Obxectivos

Co proxecto preténdese:

• Formar unha parte importante do claustro en tecnoloxías da información e a comunicación para desenvolver actividades que poidan resultar significativas na aprendizaxe das competencias de formación profesional, creando e xestionando recursos que permitan o seu desenvolvemento autónomo.
• Compartir eses recursos cos centros implicados no proxecto para desenvolver un traballo en equipo, a miúdo afastado da nosa práctica profesional.

Formar o alumnado utilizando tecnoloxías que lle resulten máis atractivas e estimulantes, convertendo o traballo na aula, nos casos que sexa posible, como un exercicio de adestramento das competencias que se pretenden alcanzar. O cambio metodolóxico que se propón para Formación Profesional permite, por unha banda, que este traballo na aula sexa máis activo e supoña unha maior implicación no desenvolvemento de actividades, con modelos como a Flipped Classroom aplicados ás competencias en F.P. e, doutra banda, unha aproximación a estas competencias para alumnado e profesionais doutros sistemas de F.P. non regrada.

Dentro dos Premios Nacionais de Educación ao rendemento académico do alumnado a finalidade dos convocados na modalidade de Bacharelato é outorgar recoñecemento ao especial aproveitamento do alumnado que cursase cun rendemento académico excelente o Bacharelato establecido na Lei Orgánica 2/2006, do 3 de maio, de Educación.

Destinatarios: alumnado que, cursando segundo de Bacharelato durante o curso académico 2015-2016, obtivese un Premio Extraordinario de Bacharelato no ámbito da Administración educativa en que finalizase ditas ensinanzas.

Número: 15 premios.

Requisitos: Cursar primeiro e segundo de Bacharelato en calquera dos centros docentes españois, ben en réxime presencial, ben en réxime a distancia. Obter no conxunto dos dous cursos de Bacharelato unha nota media igual ou superior a 8,75 puntos. A nota media será a media aritmética das cualificacións das materias comúns, de modalidade e optativas dos dous cursos de Bacharelato, redondeada á centésima máis próxima e en caso de equidistancia á superior.

Dotación: 1.000 euros cada premio.

Prazo de presentación: desde o 28 de outubro de 2016 ata o 21 de novembro de 2016

Cada ano, do 4 ao 10 de outubro, celébrase a escala internacional “A Semana Mundial do Espazo” . Por este motivo, a Fundación Paz e Cooperación en colaboración con UNOOSA, a oficiña de Asuntos do Espazo de Nacións Unidas, convocan este premio co obxectivo de concienciar e sensibilizar ás novas xeracións sobre temas sociais de carácter mundial.

Categorías:

• Debuxo libre (ata os 6 anos)
• Cartel e lema (de 7 a 12 anos)
• Mural ou traballo colectivo (de 12 a 15 anos)
• Composición libre (de 16 a 18 anos)

Prazo de entrega: antes do 4 de xullo de 2017.

A información máis completa das bases de participación deste concurso, na ligazón aportada.

Por quinto ano consecutivo, a asociación de fomento das tecnoloxías libre Bricolabs organiza a súa feira de proxectos de tecnoloxía aberta, OSHWDem. Nela os autores dos proxectos presentarán e explicarán como e por que os fixeron. Como se trata de tecnoloxía aberta, tamén aportarán onde atopar información para facer outros semellantes ou adaptalos a unhas necesidades concretas. Tamén haberá competicións de robots e outras moitas actividades.

Data e lugar do evento: 5 de novembro de 2016 no Museo Domus de A Coruña.

Máis información, na ligazón aportada.

A Comisión europea publica a convocatoria Erasmus + para 2017 para accións de educación, formación, xuventude e deporte:  http://www.sepie.es/convocatoria/index.html

Os prazos para proxectos relativos á educación e formación son os seguintes:

• Acción KA1, de mobilidades: 2 de febreiro 2017
• Acción KA2 de asociacións estratéxicas: 29 de marzo 2017

A Consellería de Cultura, Educación e O.U., para dar a coñecer o programa marco Erasmus +, a súa convocatoria para a participación e solicitude de proxectos, organiza  a través do CAFI a actividade  de formación do profesorado G1602007, na que se poden inscribir todos os interesados/as.

Esta actividade terá lugar o sábado 26 de novembro 2016  na Cidade da Cultura.

A Comisión Europea publica esta convocatoria para elaborar un proxecto piloto sobre o uso das novas tecnoloxías e ferramentas dixitais na educación, para alumnado con déficit de atención ou hiperactividade.

O obxectivo é identificar boas prácticas existentes que ofrezan solucións dixitais de aprendizaxe na aula a profesorado con alumnado coa mencionada característica.

Poden participar institucións públicas ou privadas, consorcios ou entidades sen personalidade xurídica.

A convocatoria está aberta ata as 17:00 h CET horas, do 14 de novembro de 2016.

Toda a información atópase na ligazón.

O programa “Time to Teach” está desenvolto polo Ministerio de Educación do Ecuador e executado a través da Fundación Edificar, co obxectivo de ensinar inglés a rapaces e rapazas de sectores vulnerables de Ecuador.

Toda a información desta actividade, na ligazón aportada.