Igualdade

Contidos sobre Igualdade

Alumnado de 3º, 4º ESO, 1º Bacharelato e Ciclos Básicos asistiron á obra teatral "Golpes" no Auditorio Municipal de Valga

Xov, 30/11/2023 - 00:33 — IES de Valga

Alumnado de 3º, 4º ESO, 1º Bacharelato e dos Ciclos Básicos de Agroxardinaría e Soldadura e Caldeíraría asistiron, o mércores 29 de novembro e no Auditorio Municipal de Valga, ao espectáculo teatral “Golpes”, unha actividade para a prevención da violencia de xénero integrada na programación do 25-N organizada polo Equipo de Igualdade. A actriz Estíbaliz Veiga puxo en escena un relato da compañía aAntena, amosando a dor que causa a lacra social da violencia machista.

Alumnado da ESO participou nun obradoiro de xogos de mesa

Mér, 27/09/2023 - 12:33 — IES de Valga

O luns 25 de setembro, o alumnado da ESO participou nun obradoiro de xogos de mesa impartido pola compostelá Sandra Villaverde, da xoguetería Escondi-T. Este obradoiro está enmarcado dentro das actividades dos plans anuais do noso centro IGUÁLA-T e INCLÚE-T. Durante unha sesión lectiva, cada nivel da ESO, pasou pola Biblioteca para coñecer e divertirse con variados xogos de mesa, ademais de utilizar estes xogos como ferramenta de aprendizaxe e de habilidades sociais.

Conmemoramos o 8 de marzo: Día Internacional da Muller

Mér, 08/03/2023 - 19:59 — IES de Valga

Hoxe 8 de marzo, conmemoramos o Día Internacional da Muller con varias actividades deseñadas polo Equipo de Igualdade coa colaboración da Biblioteca, os departamentos de Música, Educación Plástica, Polos Creativos e Vicedirección:
- A través da actividade "Costura Competencial", o alumnado de Proxecto Competencial aprende o manexo dunha máquina de coser de Polos Creativos.
- Con "Música para a igualdade" nas aulas houbo enlaces a cancións cuxa temática encaixa co día a conmemorar.
- A través de "Poemas de igualdade", o equipo de Biblioteca recomenda a lectura de 8 poemas.
- O alumnado do centro (ESO, Bacharelato e Ciclos Formativos) participou, entre o martes 7 e o mércores 8, na aula de Plástica, nun obradoiro de chapas co logotipo gañador do concurso "Danos a chapa", utilizando a máquina de Polos Creativos.

Alumnado da ESO e 1º Ciclo Básico asiste a un espectáculo de maxia na Biblioteca dentro das actividades do 8M

Mér, 08/03/2023 - 10:33 — IES de Valga

O alumnado da ESO e de 1º Ciclo Básico de Fabricación Mecánica e Agroxardinería e Composicións florais, asistiu, nas dúas horas lectivas da tarde do luns 6 de marzo, a un un fermoso espectáculo do dúo de maxia e ilusionismo: 2 Mind Combined. Ian Hamilton e Elisa Alfaya achegaron un show cheo de corido e ilusión no que mesturaron maxia e sombras chinesas, creando un mundo imaxinario onde todo foi posible. A actividade foi organizada polo Equipo de Igualdade dentro das actividades que nesta semana se programaron para conmemorar o 8 de Marzo.

Alumnos 1º ESO de Proxecto Competencial participan no curso de Costura Competencial

Dom, 05/03/2023 - 02:01 — IES de Valga

Os alumnos de 1º ESO do Proxecto Competencial participan no curso de "Costura Competencial", unha das actividades que, organizado polo noso centro, con motivo da celebración do Día da Muller (8 de marzo) vanse a celebrar arredor desa data. A encargada das clases é a alumna do CB de Agroxardinaría, Saray Suárez Hermida.
A actividade, que tamén forma parte dos Polos Creativos, ten como obxectivo o desenvolvemento masculino de papeis que tradicionalmente se relacionan co feminino, sendo promovida polo equipo de Igualdade.