|
O actor César Cambeiro estivo na Biblioteca de noso Centro para levar a cabo unha sesión de contacontos co alumnado de 2º ESO. A actividade tivo lugar o pasado venres 13 de marzo e está enmarcada dentro do traballo que este alumnado fai dentro do proxecto DRAGAL. A sesión versou sobre contos e lendas entroncadas coa historia deste libro. A actividade foi organizada polo Departamento de Lingua e Literatura Galega.
|
|
O escritor e especialista en Toponimia, Gonzalo Navaza, ofreceu unha moi interesante charla sobre os diferentes tipos de topónimos no noso Centro. Ademais de falar sobre os topónimos do Concello de Valga e concellos limítrofes, explicou a boa parte do alumnado de 3º de ESO sobre a orixe dos seus apelidos. A actividade, celebrada o pasado luns 9 de marzo, foi organizada polos Departamentos de Dinamización Lingüística e Lingua e Literatura Galega.
|
O alumnado de Bacharelato do IES Valga asistiu, este mércores 25 de febreiro, á proxección da película "A esmorga" de I. Vilar nos multicines de Riveira. A actividade foi organizada polo Departamento de Lingua e Literatura Galega. |
|
O pasado 23 de xaneiro o alumnado de 2º de ESO asistiu, na Biblioteca do noso Centro, a unha nova actividade do proxecto Dragal, unha iniciativa de promoción de lectura de creación e investigación multidisciplinar en galego. A actividade tivo dúas partes: na primeira, o estudante chinés JIANGJIÉ HUANG, de Cursos Internacionais en Santiago de Compostela, impartiu unha charla sobre a cultura do Dragón en China; ademais fixo unha moi interesante demostración de caligrafía Antiga, da cal deixou a súa propia mostra na Biblioteca. Na segunda parte, MARTA LOOZ, mestra de Ioga Tibetano e Directora da ONG “Live to Love” en España, falou dos movementos do Dragón na cultura tibetana, e concluíu a súa intervención cunha exhibición de espada no ximnasio.
O alumnado seguiu entusiasmado ambas intervencións. Picando aquí podes ler a nova desta actividade na edición de Arousa de La Voz de Galicia.
Continuará...
|
|
A xornalista e escritora Elena Gallego Abad estivo o pasado 19 de xaneiro no IES de Valga para explicar ao alumnado de 2º ESO a súa obra “Dragal. A herdanda do dragón” . Esta actividade está enmarcada dentro do “Proxecto Dragal”, do que participa o IES de Valga xunto con outros once centros de toda Galicia. A actividade está impulsada pola Secretaria Xeral de Política Lingüística a través dos equipos de dinamización da lingua galega. Trátase dun programa multidisciplinar de animación á lectura e de creación en galego coas tecnoloxías da información e da comunicación que parte da triloxía homónima de esta escritora. A actividade, realizada na Biblioteca do Centro, foi organizada por parte do Departamento de Lingua e Literatura Galega.
|
|