Enlaces

Presentamos as fotografías gañadoras do I Concurso de Fotografía de Nadal da Escola Oficial de Idiomas de Vilagarcía.

Se es gañador/a contacta o antes posible enviando un correo electrónico a eoi.vilagarcia@edu.xunta.gal, incluindo os datos solicitados para te informar sobre a entrega de premios. Parabéns!

Clica na imaxe para vela ampliada.

Presentámosvos as actividades que realizaremos na Escola Oficial de Idiomas para conmemorar o Nadal deste ano 2020. Mirade a presentación en vídeo para coñecer as novidades das dúas liñas de acción: o Nadal solidario, e o Nadal fotográfico. 

Para o noso Nadal solidario, este ano colaboraremos coa Fundación Amigos de Galicia e coa Gran Recollida de Alimentos. Porén, reemplazamos a nosa recadación mediante as tradicionais rifas para participar no sorteo das cestas, por doazóns directamente coas organizaciós benéficas do xeito que se indica no vídeo explicativo. Cos xustificantes das doazóns, podedes entrar no sorteo das nosas cinco famosas cestas dos departamentos, valoradas en 100€ cada unha, elaboradas como todos os anos por Alimentación Los Pepes, de Vilagarcía de Arousa.

Por outro lado, a parte máis lingüística aportaráa o noso Nadal fotográfico, mediante o I Concurso fotográfico de Nadal, que lanzamos en aberto nas redes sociais, e no que pode participar de xeito individual, a través da súa conta de Twitter ou Instagram, alumnado matriculado neste curso 2020-2021 que siga á EOI de Vilagarcía nestas redes sociais. Presentaranse imaxes orixinais e inéditas que teñan que ver co Nadal, acompañadas dun título nunha das cinco linguas que se estudan nesta escola, e máis da súa tradución ao galego. Poderanse dar até 7 premios dotados cada un cun vale de 40€ a gastar na Librería Nobel de Vilagarcía, xunto cunha bolsa de tela da EOI. Lede as bases aquí.

Tanto as cestas, como os premios do concurso de fotografía, entregaranse previa notificación ás persoas gañadoras, durante o martes 22 en horario de 19.00 e 20.00.

As Instrucións da Dirección Xeral de Educación, Formación Profesional e Innovación Educativa pola que se adoptan medidas para a finalización do curso 2019-2020 nas escolas oficiais de idiomas de Galicia, do 22 de maio, recolle una serie de modificacións aplicables tanto a cursos de promoción como de certificación.

As principais son as seguintes:

Actualizado 10/06/2020

Lembre:

• Vexa as Instrucións fin de curso 2019-2020.
• Consulte as preguntas e respostas máis frecuentes neste documento. (actualizado 01/06/2020)
• Os novos calendarios de probas de certificación estableceranse para cando as circunstancias sanitarias permitan a súa celebración. Non se realizarán probas en ningún caso antes do mes de setembro.
• A renuncia á matrícula para o alumnado oficial ten características especiais este curso. Poderá presentala no rexistro do centro ata o 30 de xuño. Descargar impreso modelo de renuncia.
• Avisaremos das novidades nesta web e mediante CentrosNet. Se aínda non o fixo, considere instalar a app de CentrosNet.
• Atendemos:
• de luns a venres, de 9:00 a 14:00 no teléfono habitual: 986 566 440.
• no correo electrónico eoi.vilagarcia@edu.xunta.gal
• solicite cita previa se precisa acudir ao centro.

Consulte a información actualizada na web da Consellería de Educación, Universidade e Formación Profesional.

Cursos de promoción:

A Dirección Xeral de Educación, Formación Profesional e Innovación Educativa publicou as Instrucións do 27 de abril de 2020, para o desenvolvemento do terceiro trimestre do curso académico 2019-2020, nos centros docentes da Comunidade Autónoma de Galicia nas que se recollen as medidas que se han de aplicar tamén nas EOI de cara á fin do curso 2019-2020.

Esta instrucción dispón a adaptación das programacións didácticas dos departamentos. Pode consultalas a continuación:

• Introducción común.
• adaptación da programación do departamento de alemán.
• adaptación da programación do departamento de francés.
• adaptación da programación do departamento de inglés.
• adaptación da programación do departamento de italiano.
• adaptación da programación do departamento de portugués.

As cualificacións publicaranse o 25 de xuño en CentrosNet.

O alumnado que sexa cualificado como apto e non desexe promocionar poderá formular renuncia á promoción ata o 30 de xuño. Descargue o modelo de renuncia á promoción. Deberá envialo ao enderezo eoi.vilagarcia@edu.xunta.gal, entregalo na secretaría do centro ou remitilo por correo certificado

Cursos de niveis de certificación A2, B1, B2, C1, C2.

As Instrucións da Dirección Xeral de Educación, Formación Profesional e Innovación Educativa pola que se adoptan medidas para a finalización do curso 2019-2020 nas escolas oficiais de idiomas de Galicia, do 22 de maio, recolle una serie de modificacións aplicables tanto a cursos de promoción como de certificación. Vexa os detalles neste documento.

• Os novos calendarios de probas de certificación estableceranse para cando as circunstancias sanitarias permitan a súa celebración. Non se realizarán probas en ningún caso antes do mes de setembro.
• O alumnado que non poida realizar as probas nas novas datas que se establezan poderá renunciar á matrícula, se así o desexa, e solicitar a devolución das taxas aboadas. Esta renuncia poderase formalizar ata quince días antes da data que se estableza para o inicio das probas.

Para conmemorar o Día Internacional da Muller, a EOI organiza unha Exposición de Fotografía e Poesía "Elas", que estará dispoñible na planta baixa do noso centro do 5 ao 27 de marzo. 

Esperamos que pasedes unhas boas festas de Nadal e que carguedes pilas para o 2020. A actividade lectiva comeza de novo o 8 de xaneiro.