Información xeral

Información para o alumnado

En esta páxina publicamos toda a información de interese para o noso alumnado durante o curso vixente. Revise esta sección para a información relevante. Lembre clicar en Ler máis para ver a información completa


18 de maio de 2021 - Día non lectivo

O 18 de maio de 2021 é o día non lectivo solicitado polo centro ao abeiro do que se indica na normativa aplicable, a Orde do 25 de xuño de 2020 (D.O.G. do 9 de xullo) pola que se aproba o calendario escolar para o curso 2020/21, nos centros docentes sostidos con fondos públicos na Comunidade Autónoma de Galicia. A data coincide co día escollido por todos os demáis centros do municipio.

A EOI resultou gañadora no III Concurso de Podcast – Radio na Biblio de Bibliotecas Escolares

 

O grupo de alumnado que por iniciativa propia ideou e creou o programa de Radio Maré, ‘Exóticas’ resultou gañador do III Concurso de Podcasts - Radio na Biblio co seu episodio dedicado a Xela Arias, que podedes escoitar aquí. Parabéns! Esta proposta en particular está vinculada á celebración do Día das Letras Galegas, dedicado este ano a editora, tradutora, poeta.

A convocatoria estaba destinada a centros públicos non universitarios de titularidade da Consellería de Cultura, Educación e Universidade que traballan a radio como ferramenta pedagóxica, integrados ou non no programa Radio na Biblio, e a contía do premio deberá destinarse a melloras no equipamento e infraestructura do laboratorio/emisora de radio.

Os podcasts seleccionados serán difundidos pola Radio Galega a través da  páxina do Diario Cultural, onde xa o podedes ver publicado, así mesmo, serán difundidos a través dos medios web da Consellería de Cultura, Educación e Universidade.

Invitámosvos a escoitalo e a seguir participando e contribuíndo para crear escola.

Club de lectura: O xardineiro dos ingleses de Marcos Calveiro (Produto final)

Este curso 2020/21 o EDLG organizou un club de lectura ao abeiro da Convocatoria de Clubs de Lectura para centros de ensino secundario.

A lectura proposta foi O xardineiro dos ingleses de Marcos Calveiro. Durante os encontros os participantes propuxeron a idea de realizar unha guía-roteiro do libro xa que non existe ningunha. Eles mesmos seleccionaron extractos do libro que facían algunha referencia a lugares ou persoeiros de Vilagarcía e gravaron os audios correspondentes. Con todos estes materiais elaborouse un tríptico do percorrido proposto xunto coas localizacións e audios do roteiro en GoogleMaps e Soundcloud.

Poñemos estes materiais a disposición de todos aqueles que estén interesados na obra de Marcos Calveiro, e esperamos que desfrutedes do roteiro ao igual nós desfrutamos preparándoo!

Premede en Ler máis para acceder á información completa.

Yoga in the garden

Se es alumn@ dos niveis B a C2 de inglés, esta activade é para tí.

Queres facer exercicio á par que practicar inglés?

Ven facer ioga con nós!

Escolle a data que mellor se axeite ao teu horario e apúntate na conserxería antes do 15 de maio.

Prazas limitadas. Covid-safe.

 

 

Xa podemos escoitalos!

... non deixes de escoitalos e de lelos! Todas as obras dispoñibles na Biblioteca!

 

 

Día do Libro "Descobre o libro ao que pertence a cita"

Dentro da programación do EDLG para este curso incluiramos a conmemoración do Día do Libro, 23 de abril. Polo que, co fin de promover a lectura en galego, facemos unha serie de recomendacións literarias con este "Descobre o libro ao que pertence a cita'. 

Esperamos que disfrutedes deste xogo e lembrade que estes e outros libros vos están a agardar nos andeis de galego na biblioteca.

Diagnose e seguimento da convivencia escolar

Este cuestionario é unha acción da Consellería de Cultura, Educación e Universidade encamiñada á mellora da convivencia, que redundará en beneficio de cada centro educativo.

A enquisa contén entorno a 15 preguntas, incluíndo os datos estatísticos como sexo ou idade. Dependendo das respostas que se vaian dando poden ser máis ou menos, posto que non se pregunta sobre cuestións que xa se declarou previamente que non se daban ou non eran un problema no centro.

Hai preguntas estatísticas (como “sexo”, “idade” ou “nacionalidade”), pero sempre con coidado de que non sexan suficientes para identificar áspersoas concretas; preguntas sobre experiencia persoal (do tipo “fuches testemuña dalgún estrago no centro?”), e preguntas de apreciación (do tipo “paréceme que a convivencia no centro mellorou moito”).

Excepto aquelas preguntas que solicitan datos numéricos (como “idade”), a meirande parte das preguntas se responden marcando opcións, ben por elección simple ben por elección múltiple, sendo obvio cando se pode dar ou non máis dunha resposta (ademais está indicado).

Para acceder á enquisa, precisará un código anónimo que se entrega ao asistir ás aulas. Cada docente reparte os do seus grupos: Non se entregan códigos de acceso na conserxería ou secretaría.

Ligazón para acceder á enquisa: https://www.edu.xunta.gal/convpost A enquisa estará dispoñible ata o 29 de abril.

Distribuir contido