Actividades

Actualidade

Apartados máis consultados:

Lembre clicar en Ler mais ao final das entradas para ver toda a información.

Curso monográfico de inglés C1

 

Este curso monográfico está enfocado á práctica e mellora das destrezas comunicativas. Consta de dúas sesións semanais de dúas horas cada unha. Abranguen un total de 30 horas do 1 de marzo ao 3 de maio.

Para matricularse, as persoas candidatas deben acreditar ter superado o nivel de certificación inmediatamente anterior ou acreditar acceso directo (ver titulacións).

O prazo de matrícula para este curso abrangue do 6 ao 27 de febreiro de 2023 ás 12:00, nesta aplicación en liña.

Deberán achegar a seguinte documentación:

  • Copia do DNI por ambas caras.
  • Xustificante de pago das taxas e/ou xustificación da exención. Comprobe a información sobre as taxas.
  • Documentación de acceso ao nivel (só alumnado non matriculado nesta eoi)

Unha vez entregada a documentación, confirmarase a matrícula no curso.

Probas libres - Febreiro 2023 - Convocatorias orais

Consulte aquí as convocatorias orais das probas libres para cada departamento.

  • Departamento de francés: A2, B1.
  • Departamento de galego: A2, B2, C1.
  • Departamento de inglés: A2, B1, B2, C1.
  • Departamento de italiano: B1.
  • Departamento de portugués: B1.

Revisións non aptas / non aptos: galego.

Revisións non aptas / non aptos: francés, inglés, italiano, portugués.

Biblio-recomendacións

Hoxe, desde a Biblitoeca da EOI de Vilagarcía, iniciamos unha iniciativa de fomento da lectura. 

Retomamos as biblio-recomendacións de alumnado.

O sistema é ben sinxelo: cada semana o profesorado de garda selecciona lecturas por niveis que van no carro branco de aula. Cada semana un nivel! Básico inicia hoxe! A semana que vén intermedio, etc… e volta a iniciar. O profesorado titor leva o carro branco ás aulas e lle fai o empréstito ao alumnado en Koha, quen, alén do fondo, tamén levará unha tarxeta de biblio-recomendación. As tarxetas levan unha mini-guía para facer recomendacións na lingua de estudo, e logo as colgan no expositor da biblio.

A colaboración entre alumnado a través dos fondos de lectura e ás producións en lingua meta xúntanse nesta iniciativa que ademais permitiría integrarse como actividade de aula, e tamén tería cabida a levar estas biblio-recomendacións á producións orais na Radio na Biblio, na RadioMaré.

n/d

Sesións culturais con Griffin

Ven e participa nas sesións lúdicas e culturais que impartirá o noso auxiliar de conversa, Griffin, na Escola os días 8 e 9 de febreiro.

Pódeste inscribir NESTE FORMULARIO ou ben a través do código QR que aparece no cartel, ata o luns 6 de febreiro. Lembra que só podes escoller unha sesión e que son necesarias un mínimo de cinco persoas para que se celebre.

Inscríbete e anima ao teu grupo de aula!

Club de lectura: As alumnas de Paula Carballeira

As alumnas de Paula Carballeira (Editorial Galaxia) é a obra elexida para o Club de Lectura organizado polo Equipo de Dinamización da Lingua Galega (EDLG) e levado a cabo polas docentes Marta Gago e Mayte Lorenzo. Inscríbete premendo aquí.


 

Distribuir contido