Barreiro

O mes de outubro remata cunha festa de grande interese para nós xa que combina os disfraces, a música, a ledicia e tamén os pequenos sustos. Atopámonos traballando os contidos habituais pero dunha forma moito máis vistosa aínda que tamén poderiamos dicir asquerosa, horrorosa ou pavorosa. Estamos sumando facendo "potingues", intentando ler ou escribir con personaxes que nos dan susto ou para meter os ingredientes axeitados na pota. Estes son os nosos talleres, botádelle unha ollada!

SETEMBRO É...

UN MES DE COMEZOS, DE REGRESOS, DE CAMBIOS, DE MEDOS, DE RISAS, DE XOGOS, DE NOVAS AMIZADES, ... ASÍ COMEZA UN NOVO CURSO NO QUE, ACOMPAÑADOS POR PANDI, NOS ACHEGAREMOS AO MUNDO DOS DEBUXOS ANIMADOS COMO MEDIO PARA DESCUBRIR E APRENDER PERO, SOBRE TODO, COMO FIN.

POR QUÉ NON SER NÓS OS CREADORES?

¿QUEREDES SABER O PASADO MÉRCORES NA NOSA ESCOLA?

PREMEDE NA FOTO E ATOPAREDES UN RESUMO... BENVIDOS Á FEIRA DO BARREIRO!

PARECE QUE FOI ONTE CANDO 2 RAPACIÑAS MOI MIÚDAS E UN RAPACIÑO MOI TÍMIDO ENTRARON POLA PORTA DA ESCOLA, CON MASCARILLA, CON ALGUNHA BÁGOA PERO, SOBRE TODO, CON MOITAS GANAS DE FACER, DE VIVIR, DE COMPARTIR E DE APRENDER.

AGORA, 3 ANOS DESPOIS, SÓ PODO DICIR QUE FOMOS OS DEMAIS OS QUE FIXEMOS, A PARTIR DAS SÚAS IDEAS; VIVIMOS, A PARTIR DAS SÚAS PROPOSTAS E ACHEGAS; RECIBIMOS CARIÑO, APERTAS E BICOS E APRENDIMOS CON ELES E DELES.

FOI UN LUXO VIVIR CON VÓS ESTE PASO POLA EDUCACIÓN INFANTIL E TAMÉN COAS VOSAS FAMILIAS.

MOITA SORTE NA PRÓXIMA ETAPA E AO LONGO DA VOSA VIDA!

AS PORTAS DO BARREIRO ESTARÁN SEMPRE ABERTAS PARA VÓS: AINA, BLANCA E XOÁN! 

O XOVES FOI UN DÍA IMPORTANTE PARA A AULA. DESPOIS DE TER TRABALLADO MOITO NAS NOSAS OBRAS PODERÍAMOS IR VISITALAS E, POR SUPOSTO, PODERÍAMOS VER AS DOS NOSOS COMPAÑEIROS E COMPAÑEIRAS. CON MOITA ILUSIÓN ACHEGÁMONOS Á BIBLIOTECA E DESFRUTAMOS DA NOSA VISITA Á SALA DE LIBROS INFANTÍS, DO PERCORRIDO POLAS DIFERENTES SALAS PERO, SOBRE TODO, DO TEMPO PARA OBSERVAR AS DIFERENTES OBRAS QUE SE RECOLLÍAN NA SALA DE EXPOSICIÓNS. 

"PRIMAVERA"

Abril: aventuras mil

CHEGOU ABRIL E CON ÉL...

- OS VERMES DE SEDA Á ESCOLA. A familia de Pablo compartíu con nós uns vermes que non paran de medrar e de comer.

- NOVAS PLANTAS Á HORTA. Tomates, pementos, berenxenas e ata sandías! Todo iso plantamos e nos dispoñemos a coidar para poder disfrutar dentro dun tempiño. 

- NOVAS OBRAS DE ARTE COS CUMPRES. Leire achegounos unha fermosa reproducción de "A moza da perla" de Vermeer.

- OS BOMBEIROS Á AULA. Dentro do plan de autoprotección do centro, realizamos un simulacro de emerxencia por incendio e recibimos a visita dos bombeiros que nos amosaron as súas proteccións pero, sobre todo, o seu camión.

- E MOITÍSIMO MÁIS: UNHA RUTA NA QUE OS CONTOS NOS FORON GUIANDO POLO MONTE, AS ACTIVIDADES DE CADA DÍA QUE NOS AXUDAN A APRENDER E ORGANIZAN A NOSA MAÑÁ, A EXPLORACIÓN DE NOVOS MATERIAIS, ... 

8 DE MARZO - DÍA DA MULLER

NESTE CURSO TAN "ARTÍSTICO" DECIDIMOS INVESTIGAR SOBRE O PAPEL DA MULLER NA ARTE E NOS ENCONTRAMOS CON PINTORAS, ESCULTORAS, CANTANTES, ESCRITORAS, ARQUITECTAS,... ESTUPÉNDAS PERO QUE TIVERON QUE LOITAR BASTANTE PARA QUE AS SÚAS OBRAS TIVESEN A SÚA SINATURA. CON ESTE MOTIVO, CREAMOS O NOSO MURAL, "MULLERES CON NOME".

NEL, RECOLLIMOS OS CASOS DE MARY SHELLEY, QUEN ESCRIBÍU FRANKENSTEIN OU DE SOFONISBA E LAVINIA, DÚAS PINTORAS RENACENTISTAS, CUXAS OBRAS, MOI VALORADAS POLO MESMO MIGUEL ÁNGEL NON CONTAN CUN GRAN RECOÑECEMENTO POLO FEITO DE TER SIDO PRODUCIDAS POR MULLERES.

ASEMADE, RECREAMOS UNHA FERMOSA OBRA DE CELESTE GARRIDO, ARTISTA PONTEVEDRESA CUXAS PRODUCIÓNS LEVAN A ETIQUETA DE "ARTE FEMINISTA".

UN PEQUENO MURAL QUE AMOSA UNHA PARTE MOI PEQUENA DUN GRAN TRABALLO DE INVESTIGACIÓN E DE REFLEXIÓN POR PARTE DUNHAS PEQUENAS PERSONIÑAS QUE TEÑEN CLARO QUE, AÍNDA QUE BONITAS COMO CONSTRUCCIÓNS, ALGUNHAS MURALLAS SON PARA DERRIBAR.

TEMPO DE ENTROIDO

Pola nosa parroquia nos encanta o Entroido, e disfrutamos con todas e cada unha das propostas do noso particular Meco

Pero este curso disfrutamos especialmente de dúas propostas: a visita á aula de Picoña e a versión barreirense das "Nubes de prata" de Andy Warhol.

O mércores 15, deixamos a nosa clase para coñecer a aula dos nosos compañeiros e compañeiras de Picoña. Alí disfrutamos dunha mañá na que disfrazamos a nosa cara empregando papeis, plumas, pompóns, ...; cociñamos unhas filloas riquísimas e disfrutamos dunha instalación con elementos de Entroido que nos encantou. Foi unha mañá moi divertida! Grazas compis e grazas profes Judit e Lara.

 E o outro "momentazo" deste Entroido foi a nosa versión dunha instalación de Andy Warhol coa que daba ao visitante a oportunidade non só de ver unha escultura senón de sentir empregando o sentido do tacto. No noso caso, enchemos unha aula escura de globos brancos de aire e globos de cor con helio. Puxemos as nosas lámparas UV a funcionar e... emoción, diversión e moita, moita ledicia. Ademais, usamos maquillaxe ultra brillante e paus de cor para deixar voar a imaxinación e disfrutar dunha experiencia xenial!

XA ESTAMOS DE VOLTA!

COMEZAMOS O 2023 CON MOITAS ENERXÍAS E TODAS TODIÑAS SERVIRON PARA CARGAR A NOSA "MÁQUINA PARA VIAXAR NO TEMPO". E É QUE, SEGUINDO COA TEMÁTICA DA ARTE, NESTAS SEMANAS IREMOS VIAXANDO POR DIFERENTES PERÍODOS HISTÓRICOS DESCUBRINDO COMO O SER HUMANO FOI, É E SEGURAMENTE SERÁ ARTISTA.

NESTA PRIMERA VIAXE CHEGAMOS Á PREHISTORIA. DESCUBRIMOS COMO ERAN E VIVÍAN OS PRIMEIROS HOMES E MULLERES E CÓMO DEIXARON AS SÚAS PEGADAS ARTÍSTICAS. DESTE XEITO, PINTAMOS EMPREGANDO TINTES NATURAIS A BASE DE PLANTAS COMO O CAFÉ, O CACAO OU O PEMENTÓN, ENTRE OUTROS E PROBAMOS A REPRODUCIR OS DEBUXOS QUE SE CONSERVAN COMO PETROGLIFOS.

ESCULPIMOS UNHAS FIGURAS CHAMADAS VENUS EN PLASTILINA.

E PASAMOS UN MOI BO RATO PINTANDO NOS TEITOS DAS NOSAS COVAS COMO FIXERON OS NOSOS ANTEPASADOS NAS DE ALTAMIRA