Esta semana as nenas e nenos de 2ºA de Educación Primaria recibiron a noticia de que foron os gañadores do Concurso dos carteis para a XX Festa do Pan 2024 do Concello de Carral. 

Agradecer o resto de aulas e de cativas e cativos que tamén participaron na actividade!

CARTEIS FESTA DO PAN 2024 de CEIP Plurilingüe Vicente Otero Valcárcel

Acabamos de recibir o programa da actividade Spring Week cos horarios e o lugar de celebración. 

O alumnado que obtivo praza terá que estar no COMPLEXO NATURAL CEMAR (Mondariz) o domingo 12 de maio ás 19.15 h. E a recollida será no mesmo lugar o sábado 18 de maio ás 12.30 h.

Atoparedes o programa completo con normas e instruccións importantes na guía.

O alumnado leva a ficha do alumnado que precisamos que cubrades para poder enviar a información pertinente aos organizadores da actividade. Por favor ler con atención, xa que é información importante. En dito documento aparecen tamén normas básicas da actividade, normas que vos comprometedes a cumprir ao asinar a documentación.

O prazo máximo de entrega da documentación cuberta é o mércores 24 de abril, xa que temos que trasladar a vosa información nunha táboa á organización.

En caso de que haxa algún cambio polo que a vosa filla ou fillo non poida finalmente asistir á actividade, pregamos nolo fagades saber o antes posible, xa que unha vez que remitamos os datos dos nenos non haberá opción de darlle a praza a alguén da lista de agarda e se perderá a praza.

Tal e como se recolle na guía da actividade, o alumnado deberá levar:

• Fotocopia da tarxeta sanitaria da seguridade social ou seguro privado.
• Fotocopia do DNI
• Documento asignado referente ao tratamento de datos persoais e uso de imaxes e videos.
• Autorización para a toma de decisión médicas básicas e da administración de medicación.
• Se están tomando algún tratamento médico, deberán dar permiso para subministrarlle a medicación, así como a medicación e a pauta da mesma por escrito.

Quedamos á vosa disposición no correo ou teléfono do centro para calquera dúbida que poidades ter.

Hoxe, 15 de abril, realizouse no centro o sorteo público para adxudicar as prazas para o programa Spring Week entre o alumnado interesado. Pódense consultar as listaxes resultantes no taboleiro do centro.

Prégase que, aquelas persoas admitidas que finalmente non poidan asistir, o comuniquen o antes posible para asignar os postos a alumnado en lista de agarda.

Estamos provisionalmente admitidos no programa de Spring week da Consellería (dirixido ao alumnado de 6º de Educación Primaria). Aquí tedes a información relativa a dito programa.

Se tedes algunha dúbida, preguntade as persoas titoras ou por correo electrónico.

Finalizado o prazo de solicitudes de praza para o curso 2024/2025 infórmase de que nalgúns cursos hai mais solicitudes que prazas polo que é preciso baremar.

En qué cursos hai que baremar?

4º Educación infantil (3 anos).

1º Educación primaria.

Que implica?

Aquelas familias que queiran, poden presentar de xeito voluntario documentación complementaria á que foi adxuntada coa solicitude para xustificar os criterios de baremo alegados nela.

Ademais, no tablón do centro atópase publicada a listaxe de solicitudes a baremar e os números aleatorios que lles corresponden.

Cal é o prazo?

10 días dende o fin de prazo de solicitudes (do martes 2 de abril ata o mércores 10 de abril, ámbolos dous incluidos).

Onde se entrega a documentación?

Presencialmente na administración do centro no horario: Luns a venres 9:30 a 11 e 12:30 a 14 e Luns de 15 a 17.

Tede en conta que o centro permanecerá pechado do 23 de marzo ao 1 de abril (ambos incluidos).

Sempre que se realice a presentación de documentos separadamente da solicitude, deberase indicar o código, o centro docente, o número de rexistro de entrada da solicitude e o número de expediente, se se dispón del.

Qué documentación se pode entregar?

A que aparece no artigo 31 da Orde do 21 de outubro de 2022 pola que se desenvolve o Decreto 13/2022, do 3 de febreiro. Se xa se entregou coa solicitude a documentación acreditativa, non é preciso achegar nada máis.

Importante:

• Non se poden modificar as solicitudes nin alegar criterios que non figuren nelas. 
• As persoas interesadas responsabilizaranse da veracidade dos documentos que presenten. Cando da calidade da copia deriven dúbidas, poderase requirir o cotexo co documento orixinal.
• En todo caso, os documentos deberán ser válidos e eficaces no momento da súa presentación e reflectir a situación persoal e familiar na data de inicio do prazo de presentación de solicitudes, agás a situación económica, que será a do exercicio fiscal anterior en 2 anos ao ano natural da solicitude.

Cando saen las listaxes de admitidos e excluidos?

• Listaxes provisionais: 25 de abril.
• Listaxes definitivas: 15 de maio.

Para dúbidas e consultas:

• Teléfono 881 880 447.
• Correo electrónico: administracion.ceip.vicente.otero@edu.xunta.gal
• Presencialmente en administración