O vindeiro día 8 de maio temos a sorte de contar na biblioteca do centro coa profesora de Universidade de Santiago de Compostela Isabel Dans. Vai vir compartir con nós a súa experiencia e darnos algunhas indicacións sobre os últimos estudos en educación dixital, búsqueda de información na rede, uso de dispositivos electrónicos e outros temas de interese para familias. Animádevos a participar!

Cartel conversa educación dixital de bibliosbardos Carral

O 23 de abril, Día do Libro, tivemos a sorte de contar con Montse Pena Presas da Universidade de Santiago de Compostela, dentro programa lectura e familias. Montse fíxonos pasar unha entretida tarde entre libros e historias de literatura infantil e xuvenil, coma sempre, foi un pracer escoitala: "ler para ser, non so para saber". Graciñas por vir e por estar!

Xa temos listas as maletas viaxeiras para familias! Esta é unha iniciativa impulsada pola biblioteca escolar dentro do programa "Lectura e familias" e que pretende fomentar a lectura no fogar tanto con libros pensados para os nenos/as como para os adultos/as. A continuación deixámosvos unha explicación máis pormenorizada da maneira de solicitalas así como os materiais que conteñen.

Nesta reunión do club de lectura de adultas "Milfollas de papel", estivemos falando sobre o libro de Priscila Vela "Piezas sueltas". Sairon moitos temas como a infancia, a felicidade, a creatividade, o presente e pasado e Loris Malaguzzi e as escolas Regio Emilia co seu centro de recursos Remida e co seu poema "As cen linguaxes do neno".

Ao final, cada unha ensinou e explicou as pezas soltas que decidiu traer e o porqué da súa escolla. A mesa encheuse de botóns, pedras, cristais pulidos polo mar, rollos de papel, chapas... e outros tesouros que pasarán a formar parte do noso novo espazo de Createca para cobrar unha e mil vidas.

Antes de irnos repartimos os novos libros que imos ler e a súa guía, neste caso tócalle a quenda a "Infancia, cerebro y juego" de María Couso. Grazas de novo ao CRA de Culleredo por prestárnolos!

CLUB DE LECTURA DE PERSOAS ADULTAS CEIPP VICENTE OTERO VALCÁRCEL de Teacher Marta

O pasado 25 de xaneiro tivemos a segunda reunión do club de lectura de adultas "Milfollas de papel" sobre o libro proposto: "Educar en el Asombro" de Catherine L´Ecuyer. Pasamos uns momentos moi agradables comentando os argumentos desta obra e falando sobre as nosas propias experiencias. Ademais tivemos varias sorpresas como os fermosos marcapáxinas feitos á man que nos trouxo unha das compañeiras e ata a opinión gravada doutra delas que non puido vir. Ao final, repartimos as novas obras "Piezas Sueltas, el juego infinito de crear" de Priscila Vela e Mercedes Herrand (non nos cansaremos de darlle as grazas ao CRA de Culleredo por prestarnos os seus libros).  Vémonos en febreiro!

Durante este trimestre tres familias colaboradoras viñeron contarnos a súa historia ás clases de 4º dentro PDI do centro "Todas temos unha historia que contar". A mamá de Mateo de 4ºA (Isabel), a de Pedro de 4ºB (Cristina) e a de Martí de 4ºC (Sonia) faláronnos sobre o seus recordos da infancia deste cole e do de Riaño (León). Moitas grazas por vir e por darnos a oportunidade de tan boas conversas.

Nesta primeira reunión do club de lectura de persoas adultas as 11 persoas que conformamos o club (seis nais e cinco mestras) estivemos falando sobre a lectura, puxémoslle nome ao club, recordamos os usos da plataforma Galicia.le e realizamos chapas identificativas. Ademais repartimos os libros que nos prestaron dende o CRA de Culleredo (aos que dende aquí llee queremos agradecer enormemente o seu xesto desinteresado). Somos MILLFOLLAS DE PAPEL, nome que está relacionado coas nosas queridas e miúdas Faragullas de papel (o club infantil) e tamén co pan, o sello identificativo de Carral. Aquí vos deixamos unhas imaxes.

Estimadas familias, aquí vos deixamos unha pequena enquisa sobre as actividade e uso da biblioteca. É moi sinxela, so vos levará uns minutos, e a nós serviranos de gran axuda para poder mellorar. Moitísimas grazas pola vosa colaboración! Picade AQUÍ para acceder a ela. 

Este sábado 5 de xuño fomos de excurión ao Ágora da Coruña, alí visitamos as intalacións, contáronnos uns contiños e tivemos tempo de ver e apreciar os recursos que nos ofrece a nosa contorna. Foi unha mañá ben bonita de "dar de ler, coma que da de comer". Graciñas familias!

IMPORTANTE: A excursión é para familias. Os nenos e nenas deberán ir acompañados dun adulto responsable maior de idade.

Documento A4 Horarios Biblioteca Ilustrativo Verde de Patricia Pena

Este xoves 25 de maio tivemos a sorte de contar con dous colaboradores excelentes. Mentres Montse Pena Presas, profesora de Didáctica da Lingua e Literatura da Universidade ed Santiago de  Compostela, falaba coas familias sobre "as mochilas lectoras" que todos e todas temos e as diferenzas que iso supón de partida, como ser mediadores de lectura e o desenvolvemento da  escrita, Carlos fixo un obradoiro cos pequenos e pequenas de ilustración. Un luxo!

A biblioteca do CEIPP Vicente Otero Valcárcel organiza un novo obradoiro sobre mediación lectora e desenvolvemento da lingua escrita. Nesta ocasión contamos coa profesora de Literatura e Didáctica da Lingua  da Universidade de Santiago de Compostela  Montse Pena Presas. Ademais, o compañeiro e pai dun neno do centro, Carlos Rodríguez, colaborará con nós para que as familias que así o desexen poidan traer aos nenos e nenas e facer un obradoiro de ilustración mentras eles asisten á charla.  Debedes anotarvos no correo bibliosbardoscarral@gmal.com indicando nome e idade do neno/o e nome da persoa adulta. Animádevos a participar! 

NOTA IMPORTANTE: Se a demanda fora grande fariamos dúas charlas: unha para aos nenos/as e familias de Educación Infantil ata 2º de EP e outra para 3º,4º,5º, e 6º de Educación Primaria. Teriamos entón dúas quendas unha ás 17:30h (a dos pequenos/as) e outra as 18:30h (a dos maiores). Intentaremos avisar á maior brevidade posible se esto ocorre. Data límite para anotarse o martes día 23. 

O luns 24 de Abril, dentro do proxecto "Lectura e familias" visituounos Sonia Hermida para contarnos moitos contos sobre diversidade e inclusión e propoñernos unha serie de actividades finais de animación lectora. Aquí vos deixamos unhas imaxes.  Grazas Sonia e familias por vir e por estar! 

Graciela, a mamá de dous nenos do cole, preparou con esmero e agarimo uns contos para presentarlles aos nenos e nenas de toda a Educación Infantil. Moitísimas grazas polo teu esforzo e adicación!