Skip to Content

Blog de Biblioteca

Benvidos


BIBLIOTECA EXTRAESCOLARES

Estimadas familias:

Aquí tedes o cartel informativo onde se explican as normas de funcionamento da Biblioteca en horario de tarde. É necesario pedir cita previa con 24 h de antelación xa que o aforo será limitado para asegurar a distancia de seguridade e manter os grupos estables de convivencia, cumprindo así coas directrices marcadas no Protocolo COVID.

 

 

 

VOLCÁNS

Aquí estamos de novo!

Aínda esperando a abrir as nosas portas a biblio non para, aquí vos deixamos un material creado en colaboración co equipo TIC para traballar o tema dos volcáns do que tanto se fala estes días despois do ocurrido na illa da Palma. Espectacular e triste e perigoso ao mesmo tempo este fenómeno xeolóxico que nos ten a todos e todas pendientes das noticias. Queredes saber máis sobre eles? Pois mirade a seguinte presentación e, en canto abra a biblio, pasádevos a buscar algúns dos exemplares cos que contamos.

Ademais dos seguintes xogos tamén AQUÍ poderedes descargar unha ficha para colorear de Realidade Aumentada coa APP de QUIVER . Pica AQUÍ para ver un vídeo de como funciona e mira como erupciona un volcán. Por suposto hai moitas fromas de facer o teu propio volcán en numerosos videotitorais en Youtube, facendo unha rápida búsqueda atoparédelos. Quen se anima?

Benvid@s ao curso 21-22! Esperamos que viñerades cargadiñ@s de ganas de aprender! A partir do un de outubro as nosas portas volverán a abrirse... Pingüi espéravos cos brazos abertos!

RESUMO DO PROXECTO CARRAL SOSTIBLE

Na seguinte presentación podedes ver polo miúdo os retos e produtos finais de cada aula do noso PDI por se non puidéstedes visitar a exposición ou queredes vela con máis calma. Traballazo do alumnado, profesorado e familias, parabéns a toda a comunidade educativa. 

 

GALICIA ENCONTADA

As aulas de 3º A, B e C fixeron os seguintes contos xeolocalizados a partir dunha tarefa integrada que mesturou contidos das áreas das linguas e de ciencias sociais e naturais. Así coñeceron diferentes lugares galegos e aprenderon a escribir contos dentro da temática da biblioteca escolar deste ano: XEOGRAFÍAS LECTORAS. Esperemos que pasedes un bo rato escoitando as súas historias! 

 

RECOMENDACIÓNS LECTORAS, VERÁN 2021

Para ver a presentación máis grande e poder visualizar os títulos mellor picade AQUI.

RECOMENDACIÓNS LECTORAS DE VERÁN de Patricia Pena

PRODUTO FINAL DO RETO DE MAIO

A comer! Iso si, produtos de cercanías, con denominación de orixe ou de tempada. Coñecemos a riqueza culinaria de Galicia á vez que protexemos o medio ambiente e reflexionamos sobre a fame no mundo. Quen se anima a facer algunha destas receitas? Se facedes algún prato destes enviádenos as vosas fotos a bibliovicenteotero@gmail.com e... BO PROVEITO! 

RETO DE MAIO. ECOCOMEDORES.mp4 from CEIP Vicente Otero Valcárcel on Vimeo.

ENQUISA PARA EDUCACIÓN INFANTIL, 1º E 2º.

Picade AQUÍ para acceder á enquisa, recordade cubrir so unha por clase. 

ENQUISA DE BIBLIO PARA 3º, 4º, 5º e 6º

Pica AQUÍ para ver a enquisa de biblio, cúbrea so unha vez. O alumnado de 5º e 6º tédela colgada en Edixgal tamén se vos é máis cómodo. 

ENQUISA DE BIBLIOTECA PARA AS FAMILIAS

Co fin de mellorar o servizo da biblioteca e coñecer a vosa opinión pedímosvos que cubrades esta pequena e rápida enquisa, so vos levará uns minutiños e a nós serviranos de moita axuda. O prazo para cubrila remata o día 25 de xuño. Moitas grazas pola vosa colaboración! Picade AQUÍ para ir a ela.

PODCAST DE 5º A

Ola! Somos a rapazada de 5º A do colexio CEIP Vicente Otero Valcárcel e queremos que vos animedes a escoitar os nosos podcast porque nos entusiasmaremos a facer máis e, co tempo, nos irán saíndo mellor, mellor e mellor.

De momento temos catro e podedes dicir a vosa opinión para así mellorar máis e facer mellores.

Os nosos podcast son:

- Como se fai un podcast?.

- Fórmula 1.

- Formigas e Cágados.

Agardamos que vos gusten e os desfrutedes!

Saúdos e adeus!

 

OBRADOIRO DE CASIÑAS PARA PAXAROS

Velaquí unha mostra das múltiples actividades que estamos levando a cabo no cole sobre medio ambiente grazas ao Concello de Carral e dentro do proxecto de centro Carral sostible: 9 meses, 9 causas. Neste caso os nenos e nenas de 3ºA fixeron casiñas para os paxaros que colgaron nas árbores do patio. Están feitos uns carpinteiros/as! 

ÚLTIMAS NOVIDADES

PRODUTOS FINAIS DO RETO DE ABRIL

Durante o mes de abril Pingüi propúxonos coñecer máis sobre os animais e as plantas que nos rodean e a nosa biodiversidade. Puxémonos mans á obra e elaboramos un libriño para a biblioteca e tamén uns murais para a cortiza de entrada do cole. Mirade, mirade...

Distribuir contenido


by Dr. Radut