Faragullas de papel

Aquí tedes algúns dos vídeos e audios que nos quedaban por publicar das esceas teatralizadas de "Unha veciña de película", estades feitos uns e unhas artistas!

Na sesión do club de hoxe intercambiamos grupos, os de "Irene, a porteira" desfrutamos das presentacións que nos fixeron unhas aportacións moi interesantes sobre o cómic que cada quen leu e celebramos o día do libro cunhas galletiñas das que non quedaron nin unha faragulla. O arrecendo das orellas do outro grupo tamén nos chegou ata a biblio. Foi unha sesión do club moi completa e moi literario - gastronómica!

Nesta nova sesión do club intercambiamos faladoiros sobre "Irene, a porteira" e "A botella de lentellas". No primeiro caso foi unha sesión moi participativa aportando opinións e falando sobre as ilustracións, a visión da muller na época, outros posibles finais... No segundo caso estivemos tamén charlando sobre a cociña e as nosas experiencias con ela, outros posibles títulos para novas historias de lentellas e orellas.. Xa estamos esperando comelas!

Na sesión do club de lectura deste luns 4 de febreiro, os que limos "A botella de lentellas" de Leticia Barbadillo, fixemos as nosas propias botellas. Estreamos a nova Createca amasando, condimentando, fritindo e como non... comendo! Cada orella, coas súa forma e textura, inspirounos posibles novas historias para poder escoitar. E ti, comiche orellas este Entroido? Que historias escoitaron? A verdade é que pasamos unha tarde ben entretida chea de aventuras, cociña e convivencia. Aquí tedes un vídeo do proceso.

Mentras tanto, na sesión "Historias en cómic" cada participante compartiu a banda deseñada que lles tocara ler. Deron a súa opinión e fixeron reseñas orais. Algúns prepararon ademais un cartel para contalo, outros un xogo de tarxetas, presentacións... Descubrimos así varias das novidades de cómic que temos na nosa biblio das que analizamos as ilustracións, as cores, o estilo...

No faladoiro do libro de Leticia Barbadillo "A botella de lentellas" falamos sobre o protagonista e a súa familia, as comidas que nos fan os nosos familiares e que son as mellores, se cociñamos na casa, que historias das orellas nos gustaron máis e ata nos dou tempo para contar as nosas "desfeitas na cociña" coas que botamos unhas gargalladas!

No faladoiro do cómic elixido polas faragullas "Irene a porteira" de Xulia Pisón e Óscar Losada falamos sobre a historia que garda: a curta vida dunha futbolista e ambientado na Coruña nos anos 20. O libro deu tamén para falar diferentes temas como a igualdade, a deportividade, a valentía, as inxusizas, os cambios e progresos históricos... Resultou un faldoiro moi participativo e enriquecedor.

Ademais, vendo o éxito do cómic e que as Bibliotecas Escolares adican este curso escolar a esta temática decidimos seguir coa banda deseñada mercando novos e variados materiais neste formato. Repartímolos entre os membros do Club e na vindeira sesión seguro que nos sorprenden coas súas aportacións... Continuará!

Sesión de intercambio de actividades de animación á lectura dos libros "Sentinelas do Silencio  e "Unha veciña de película"": carteis e teatro/radio. 

Na sesión de Sentinelas destacamos os parágrafos e expresións como "persoas con capacidades diferentes", gustounos como expresión da diversidade humana. Rematamos tamén os carteis para o noso cole. Despedímonos do libro "Sentinelas do silencio" pero todas e todos os membros do Club seguiremos sempre sendo sentinelas do silencio polo noso compromiso coa natureza.

Final do libro...

Na sesión de "Unha veciña de película" falamos de Alice Guy, considerada a primeira directora de cine dunha película de ficción (1873-1968) e na que está inspirada a protagonista do libro, Alice.

Despois, en grupos, escolleron unha escea cinematográfica das que aparecen no libro para facer unha dramatización narrada da mesma. As películas escollidas foron: O pequeno ditador, O cáliz da vida eterna e O mago de Oz. Falamos das personaxes que interveñen nesas esceas e o seu carácter para telo. Heinzel autoritario, a valente AliceJones, a bondade da bruxa boa Alice do Norte, a despistada Elsie Dorothy... Despois dalgún ensaio un grupo gravou a súa dramatización na radio e os outros dous grupos gravárono en vídeo. Cando os teñamos montados xa volos ensinamos! De momento aí van unhas fotos.

 Tamén se entregaron os novos libros escollidos coas súas respectivas guías de lectura.

Hoxe votamos os novos libros de lectura que imos ler, tiñamos que elixir entre un de narrativa e outro de banda deseñada. Finalmente os escollidos foron "A botella de lentellas" de Leticia Barbadillo e "Irene, a porteira" de Óscar Losada con ilustracións de Xulia Pisón. 

Nesta nova sesión do club de lectura xa que intercambiamos os libros pois tamén intercambiamos faladoiros, velaquí tedes unhas imaxes.

Nesta segunda reunión do club de lectura fixemos varias actividades: 

SENTINELAS DO SILENCIO. 

Fixemos o segundo faladoiro coa segunda parte do libro. Para comezar, ixemos un percorrido inicial pola sesión anterior para despois destacar algunhas frases chamativas do libro. Tocou argumentar a favor e en contra da lectura. Á conclusión foI "á galega" (nen si, nen non): "Todo depende do interese que poñas e dos ollos cos que mires o libro". Adicamos unha segunda parte da sesión a seguir coa decoración de carteis para o horto que están quedando ben xeitosos! 

UNHA VECIÑA DE PELÍCULA.

O grupo que leu unha veciña de película teatralizou algunhas das secuencias dos films que aparecen no libro. Uns grupos escolleron linterpretar os textos na radio e outro facer a escenificación completa (en vídeo), aquí tedes o resultado! 

O alumnado voluntario membro do Club de Lectura tróxounos ás aulas de 4º, 5º e 6º un agasallo que nos fixo moita ilusión! Temos uns cartos para gastar nos libros que queiramos e que pasarán a formar parte da nosa biblio, unha "lista de desexos libreiros" para o novo ano. Agora temos que pensar ben que imos mercar, que tipo de libros nos gustan, cales serán máis axeitados... Un traballo de búsqueda de fondos e animación á lectura que seguro que traerá novos lectores e lectoras e novos e interesantes títulos. 

Moitas grazas, Faragullas!  

Nesta primeira reunión das faragullas traballamos cos libros "Sentinelas do silencio" de Beatriz Maceda e "Unha veciña de película" de Iria Misa.

Estes son o guión e unhas imaxes dos momentos do faladoiro de "Unha veciña de película":

PRESENTACIÓN VECIÑA de bibliosbardos Carral

As "Sentinelas" dividimos o libro en dúas partes, nesta primeira reunión tivemoso primeiro faladoiro e a actividade de decoración de carteis con motivos naturais. 

Na parte da conversa debatimos sobre vivir no campo ou na cidade, sobre as personaxes tan diversas do libro, e puxémoslle puntuación xeral á lectura. Ademais intercambiamos calcetíns diferentes para convertirnos nós tamén en sentinelas do silencio. Dedicamos os últimos minutos a pintar con follas de carballo e castiñeiro unhas madeiras que sinalizarán o noso horto escolar. 

Limos, falamos, pintamos.... pero tamén tivemos un momentiños para degustar todas xuntas as galletas que nos truxeron Nicole e Alberto de Madrid cando foron recoller o noso premio. 

Na biblioteca habilitamos un novo espazo para o Club de Lectura. Como podedes ver, aparecen todas as lecturas do club, tanto de nen@s como a de adultas, e o gran premido recibido en Madrid!

Onte tivemos a primeira reunión do club de lectura "Faragullas de Papel" do que formamos parte este ano 31 nenos e nenas de 5º e 6º e catro profes. Falamos do premio que nos diron e entregamos unhas pulseiras co símbolo do infinito que representan as nosas infinitas ganas de ler.  Ademais presentámonos, explicamos algunhas normas de funcionamento, dimos a coñecer os libros deste trimestre e algunhas das súas actividades e explicamos brevemente o uso de plataformas de lectura en liña como E-LBE ou Galicia.Le.

O 9 e 10 de outubro de 2023, varias alumnas de 6º de educación primaria que partiparon no club de lectura "Faragullas de papel" no curso 2022-2023 viñeron animar ao alumnado de 5º de educación primaria a que participasen este curso no club. Léronlle un libro titulado "Cando leo" de Eva Mejuto para que os nenos e as nenas de 5º de primaria descubrisen o que pasa cando len.

Estas alumnas foron: Carmen e Sabela Budiño de 6ºA; Mara, Alejandra e Cayetana de 6ºB e Ainara de 6ºC.

Moitas grazas por esta labor!