Skip to Content

Club de lectura

Visita de Leticia Barbadillo ás Faragullas.

Leticia Barbadillo, autora do libro "A botella de lentellas" visitou aos nenos e nenas do Club de Lectura "Faragullas de papel". Tivemos unha conversa moi animada con ela, falamos sobre o autobiográfico que hai na súa obra e inventamos títulos para novas historias de lentellas (entre outras cousas). Moito diron de si estas sinxelas legumes!

Títulos mercados co premio do Club de Lectura

Velaquí podedes ver os títulos dos libros que mercamos e que foron propostos polas aulas de 4º, 5º e 6º. Aumentamos os nosos fondos bibliográficos grazas ao premio do Ministerio ao noso club de lectura "Faragullas de papel".

 

Vídeos e audios pendentes de "Unha veciña de película" (Faragullas de papel)

Aquí tedes algúns dos vídeos e audios que nos quedaban por publicar das esceas teatralizadas de "Unha veciña de película", estades feitos uns e unhas artistas!

 

Reunión de Faragullas

Na sesión do club de hoxe intercambiamos grupos, os de "Irene, a porteira" desfrutamos das presentacións que nos fixeron unhas aportacións moi interesantes sobre o cómic que cada quen leu e celebramos o día do libro cunhas galletiñas das que non quedaron nin unha faragulla. O arrecendo das orellas do outro grupo tamén nos chegou ata a biblio. Foi unha sesión do club moi completa e moi literario - gastronómica!

 

 

 

As faragullas votamos novos libros de lectura.

Hoxe votamos os novos libros de lectura que imos ler, tiñamos que elixir entre un de narrativa e outro de banda deseñada. Finalmente os escollidos foron "A botella de lentellas" de Leticia Barbadillo e "Irene, a porteira" de Óscar Losada con ilustracións de Xulia Pisón. 

Repartimos o premio do Club de Lectura

O alumnado voluntario membro do Club de Lectura tróxounos ás aulas de 4º, 5º e 6º un agasallo que nos fixo moita ilusión! Temos uns cartos para gastar nos libros que queiramos e que pasarán a formar parte da nosa biblio, unha "lista de desexos libreiros" para o novo ano. Agora temos que pensar ben que imos mercar, que tipo de libros nos gustan, cales serán máis axeitados... Un traballo de búsqueda de fondos e animación á lectura que seguro que traerá novos lectores e lectoras e novos e interesantes títulos. 

Moitas grazas, Faragullas!  

Primeira xuntanza de Faragullas

Onte tivemos a primeira reunión do club de lectura "Faragullas de Papel" do que formamos parte este ano 31 nenos e nenas de 5º e 6º e catro profes. Falamos do premio que nos diron e entregamos unhas pulseiras co símbolo do infinito que representan as nosas infinitas ganas de ler.  Ademais presentámonos, explicamos algunhas normas de funcionamento, dimos a coñecer os libros deste trimestre e algunhas das súas actividades e explicamos brevemente o uso de plataformas de lectura en liña como E-LBE ou Galicia.Le.

Derradeira sesión do club de lectura

Nesta última sesión do club de lectura recordamos os libros lidos, fixemos a actividade do Cabo Vilán e chaveiros de golfiños para os/as que non os fixeran. Tamén realizamos un álbum de fotos do primeiro club de lectura do cole! 

 

 

Máis alá da cadeneta...

Nesta sesión das tecedoras xa nos atrevimos con puntos un pouco máis complexos! As nosas cadenetas e as nosas poesías xa presiden a cortiza do punto de lectura. 

11ª reunión do club "Faragullas de papel"

Nesta nova reunión parte das faragullas traballaron con "Marta e a Píntega", ademais de ser bos e boas lectores, foron ilustradores e intérpretes. Foron quen de representar e ilustrar diferentes personaxes do libro como: Chiña, Marta, Caronte, Rapunzel, Gretel, Wolf... sairon dos contos e metéronse na nosa biblio e no noso club. Unha sesión fantástica (nunca mellor dito).

Na sesión de "Volverás Golfiño" recrodamos o faro de Cabo Vilán, falamos dos golfiños que visitan a Costa da Morte e de como é pouco frecuente velos agora ou incluso aparecen mortos nas praias en moitas ocasións. Falamos tamén da necesidade de protexer os mares e de como Iris, a protagonista, a raíz de coñecer a histoira do Prestige e as súas consecuencias decidira facerse bióloga e activista do mar. Relacionado con isto coñecimos a Olivia Mandel (activista española de 15 anos) e a súa misión de rematar cos delfinarios, de limpar os mares e de protexelos como a fonte de vida que son. Traballaron en grupiños facendo "o faro de Cabo Vilán", decorando chaveiros de golfiño que Sergio fixo na impresora 3D de Polos Creativos e deseñando camisettas con mesaxe relacionado co coidado dos mares.

Starman by Faragullas

Aquí vos deixamos o vídeo coa canción de David Bowie "Starman" que inspirou o libro de Ziggy Stardust: convertímos nos nosos propios "alter ego" nos nosos lugares favoritos.

10ª reunión de Faragullas de Papel

Nova sesión do club de lectura e novos libros.

"Marta e a Pintega" de Eli Ríos deunos un interesante faladoiro coas gorrobelliñas e gorrobelliños de Faragullas de Papel. Falamos de fantasía e realidade, de contos clásicos e personaxes mitolóxicos, de príncipes e princesas e como non, dos nosos enfados e desexos. Un desexo común podería ser continuar moitos anos con este club...

 

 "Volverás Golfiño" de Andrea Maceiras achegounos á xeografía galega da Costa da Morte, Cabo Vilán, Camelle ou o Cemiterio dos Ingleses. Tamén falamos de barcos, de viaxes, da morte e da vida, dos cambios e mudanzas e ata do Prestige. Despois estivemos buscando as localizacións do libro no mapa... E se puideramos ir? 

 

Distribuir contenido


by Dr. Radut