Blog de Educación Física

A semana pasada o alumnado de 4º de Educación Primaria fomos a Ponteceso a visitar o MELGA (Museo Etnolúdico de Galicia) no que puidemos coñecer máis sobre xogos e deportes tradicionais galegos pero tamén doutros moitos lugares do noso país e doutros países do mundo, e ver unha gran cantidade de diferentes tipos de xoguetes! Contáronnos moitas cousas curiosas, vimos moitos obxectos na gran exposición do museo e fixemos algúns dos xogos que nos explicaron. Un museo divertido! e unha gran exposición que merece a pena! Así, recordamos unha vez máis a importancia de practicar actividade física e deporte e sobretodo a importancia de xogar e pasalo ben!!

Agradecemos a Ricardo Pérez y Verdes por todo o seu traballo realizado ao longo de  moitos anos a favor do deporte e o xogo e polo seu enorme entusiasmo en favor de dar o coñecer os xogos e deportes tradicionais a todo o mundo.

A semana pasada, o alumnado de 5º e 6º de Educación Primaria, tivemos o pracer de recibir a visita do ex-xogador profesional de baloncesto Salva Arco. A través do percorrido pola súa carreira deportiva que nos foi contando, puidemos darnos conta da importancia que teñen os valores no deporte e a súa aplicación a calquera outro aspecto da nosa vida.

Coas experiencias da vida de Salva, reflexionamos sobre o xogo limpo, o respeto cara un mesmo e os demais, o esforzo, a capacidade de sacrificio e a confianza nun mesmo para poder acadar o que un quere, a paciencia, a superación frente aos problemas, a perseverancia...

Ademais recordamos o importante que é conseguir ter uns estudios para o futuro e non só empregar todo o noso tempo en facer deporte.

Actualmente Salva é o director da Fundación Breogán onde levan a cabo diferentes actividades deportivas, educativas e sociais. Agradecemos moito o tempo que nos prestaches! Foi moi agradable escoitarte e esperamos que o que nos contaches poda servirnos para o noso futuro!!

Esta semana recibimos a visita do club AMI (Agrupación de Montañeiros Independientes) co que o alumnado de 5º de Educación Primaria estivo coñecendo diferentes deportes de montaña e escalada así como algún do material necesario para realizalos. Ademáis houbo unha práctica de escalada con diferentes xogos. 

Pasámolo moi ben!! E esforzámonos moito para facelo o mellor posible!!

Aquí tedes máis información para todo o queira apuntarse na escola de escalada e montaña ou realizar todo tipo de actividades na natureza: amimontanismo.es

Este curso, aproveitando o día da saúde, lembramos a importancia de manter uns bos hábitos saudables. E para concienciar sobre iso, o alumnado elaborou estes diferentes carteis. 

E ademáis, o alumnado de 6º A de Educación Primaria elaborou estes videoxogos saudables.

Neste segundo trimestre, os mestres de Educación Física animámosvos a facer o seguinte traballo:

Para elo, todo aquel/a que quera participar terá que:

- nun folio A4 (en horizontal ou vertical) poñer preferiblemente algunha foto, ou senón facer algún debuxo, da actividade física ou do deporte que realicedes xunto cunha explicación escrita de por exemplo: que material usades, onde o facedes, con quén, cómo se xoga, ou calquera outra cousa que se vos ocorra.

- en cada folio só pode aparecer unha actividade física ou deporte.

- podedes traer todas as diferentes actividades físicas ou deportes que queirades, pero só un folio por cada unha delas.

Este curso 2019/20 os nenos e nenas de 1º e 3º de Educación Primaria traballamos para facer unhas danzas francesas. Esforzámonos moito para aprender os movementos das danzas e conseguir bailar colaborando entre todos xuntos para que ao final quedase moi ben!! 

1º DE PRIMARIA: "A danza dos pastores" 

 3º DE PRIMARIA: "La Badoise" 

Última etapa do noso camiño! Foi unha etapa que se fixo dura pola choiva que tivemos case todo o tempo, pero iso non impediu que camiñaramos moi ben e que coma sempre disfrutaramos!!

E así, moi contentos pola experiencia, por fin chegamos a Santiago, a súa praza e a súa catedral!!!

Este ano os nenos e nenas de 2º de Educación Primaria fumos facer unha ruta de sendeirismo polo roteiro da costa de Dexo declarada como monumento natural. Neste caso contamos coa colaboración dos monitores do CEIDA cos cales, ademais de facer actividade física, aprendimos diferentes aspectos sobre a flora e a fauna do lugar así como algunha curiosidade dalgún lugar polo que estivemos.

Pasamos un día agradable nun entorno moi bonito!