blog de EDLG

      Pois imos coa primeira iniciativa do curso. En colaboración co Equipo de Convivencia, decidimos pór en marcha, aproveitando o PDI deste ano, a nosa Cadea de boas accións. 

           Consiste en ir recollendo as pequenas historietas, accións ou  feitos que acontecen no día a día no colexio, e que resaltan os valores máis positivos ( altruísmo, xustiza, empatía, cooperación...), nun cachiño de papel. Logo iremos engadindo outro cachiño, e outro , e outro... a modo de chanzos dunha cadea que percorra os corredores do colexio. 

           Para rematar, intentaremos expor todas estas accións nun gran mural para que todos e todas poidamos ver o gran corazonciño que posúen os nosos peques. 

           E o primeiro chanzo di asi...

Hoxe celebramos o derradeiro día deste curso 2022/2023 coa sorte de poder gozar cun concerto de GRAMOLA GOMINOLA!!! Esperamos que o desfrutárades moitísimo!

Bo verán e vémonos en setembro de volta!!!

 O 23 de febreiro é o Día de Rosalía e no cole para recordar a esta escritora fundamental da nosa literatura fixemos un mural conmemorativo no que cada clase pintou o cachiño que lle tocou. Ademais, durante esta semana, as lecturas compartidas foron temáticas e limos algunhas das súas obras. 

Queredes saber que significa a Candeloria e porque se celebra o día 2 de febreiro? Pois escoitade este novo podcast do alumando de 6ºB.

O pasado venres 9 de xaneiro o alumnado de 5º e 6º de EP do CEIPP Vicente Otero Valcárcel de Carral, recibiu os Premios do Concurso de Poesía do Concello de Carral. Foron moitas as propostas do alumnado e todo un éxito en canto a participación e desfrute deste xénero literario. Difícil deliberar gañadores e gañadoras e moi útil as aportacións de Dores Tembrás para que o alumnado levara a cabo as súas producións de xeito correcto.

Durante a última semana, con motivo do premio de poesía convocado polo Concello de Carral e como conmemoración dos seu vixésimoquinto aniversario, algúns dos gañadores do premio de adultos, estiveron dándonos consellos, falando sobre eles e axudándonos a querer un pouco máis este xénero tan pouco coñecido. Emma Pedreira e Eduardo Estévez, moitas grazas pola visita! A Emma Pedreira o alumnado de 5º C fíxolle esta interesante entrevista. Grazas tamén á colaboración do EDLG do centro por facelo posible.