Skip to Content

Blogs

Programa de radio con poemas recitados de Rosalía de Castro

Os/as nenos/as de 2ºC, 4ºA e 5ºA de primaria recitaron uns poemas de Rosalía de Castro para conmemorar o 23 de febreiro, o día do seu nacemento. Mentres tanto, os nenos e nenas de 5ºB de primaria fan unha pequena presentación dos mesmos. 

Esperamos que vos gusten!

 

 

Programa de radio sobre Rosalía de Castro

O alumnado de 5ºB de Educación Primaria elaborou un programa de radio sobre o 23 de febreiro, o día do nacemento de Rosalía de Castro. Nel, recóllese unha breve biografía da autora, as súas obras e súa impotancia para Galicia. 

Escoitádeo!

Esperemos que vos guste

ROSALÍA, no comedor !

        Rosalía tamén estivo presente no comedor do colexio. Adrián, o espectacular cociñeiro do centro , tivo unha iniciativa moi interesante. Partindo dun poema de Rosalía, onde fai referencia ao caldo galego, "Miña casiña, meu lar". pois cociñou,  para todos os comensais,  un bo prato de caldo galego, e agasallounos co poema en cuestión e cunha receita tradicional dun famoso cociñeiro galego : Picadillo. Está recollida no libro " A cociña práctica" de 1.905.

        Aproveitamos a ocasión para darlle os nosos parabéns a Adrián, María, o persoal de cociña e todas as coidadoras, pola labor desenvolvida durante todo o ano, que fan posible o bo funcionamento do comedor do colexio. 

        E dicía así...

 

 

 

DÍA DE ROSALÍA

Co gallo da celebración do Día de Rosalía, ocorréusenos facer unha escolma de poemas da autora dende un punto de vista un pouco máis orixinal, poñéndonos no seu lugar, na súa marabillosa cabeciña, para saber o que estaba pensando á hora de escribilos. E saíron cousas tan bonitas como ésta...

 

 

 

                 Podedes ver, na seguinte presentación, o resto dos poemas. 

 

 

Añadir un título de Carlos.13 R2

Comezamos a sementar

As sentinelas do silencio (o noso grupo de voluntarios/as) comezaron xa a traballar coa mirada posta na tempada de poñer a horta.

Ademais de labores de preparación da terra (que por mor da choiva vai un chisco máis lento do agardado), comezaron a sementar algúns dos produtos cos que contaremos. As sementes foron adquiridas de casas comerciais na súa maioría (primando as ecolóxicas), xunto con algunhas variedades de tomates dos que posuíamos un bo número no nos particular banco de sementes. E por suposto, dando unha segunda vida a moito do material que había pola escola ou que nos cederon na cociña.

Iremos informando dos progresos!

THE DOT

Last September we started our Art lessons with the story "The dot", by P.H.Reynolds, a story about the importance of always trying, doing your best and believing in yourself. Apart from discovering Vashti's story, we reviewed some Art concepts from last year: dots, lines, shapes, colours, colour mixing, abstract art, creativity...

O pasado setembro comezamos as nosas clases de Art co conto "The dot" ("O punto"), unha historia sobre a importancia de tentar facer as cousas, facer as cousas o mellor que poidamos e crer nunha mesma. Ademais de coñecer a historia de vashti, repasamos conceptos do curso pasado: puntos, liñas, cor, mestura de cores, abstracto, creatividade, ...

We created our DOTS and made a mural with them to celebrate "Dot day".

Creamos os nosos puntos e montamos un mural con eles para celebrar o Día do punto.

 

 

A separación de residuos que vén

Boa noite! Continuamos cun novo reto dos propostos por Voz Natura, neste caso para o mes de xaneiro. Na nosa visita ás instalacións de SOGAMA contáronnos como imos ter o mesmo sistema de separación de residuos que no no resto de Galicia, e ocorreusenos que era unha boa idea irnos preparando para a separación de residuos que nos vén. Todo isto e algunha outra información pódese ler no tríptico que se xunta.

Saúdos e boa reciclaxe!

 

 

 

Reutilizando e decorando

Xa comezan a agromar as primeiras plantas que sementamos ao longo do mes de decembro, e polo tanto chegou o momento de presentar esta actividade a toda a comunidade educativa!

O alumnado de diferentes cursos do cole púxose mans á obra, e ao tempo que lle deu unha segunda vida a plásticos, decoraron o valado do centro e engadiron vida.

Sementáronse dende os tradicionais chícharos e garavanzos, ata flores coma o ciclamen ou algunha planta tan valiosa coma o azafrán.

E sabedes o mellor de todo? Que aínda hai máis macetas a piques de saír do forno. Seguimos!


Segunda reunión das "Milfollas de papel" (club de lectura de adultas)

O pasado 25 de xaneiro tivemos a segunda reunión do club de lectura de adultas "Milfollas de papel" sobre o libro proposto: "Educar en el Asombro" de Catherine L´Ecuyer. Pasamos uns momentos moi agradables comentando os argumentos desta obra e falando sobre as nosas propias experiencias. Ademais tivemos varias sorpresas como os fermosos marcapáxinas feitos á man que nos trouxo unha das compañeiras e ata a opinión gravada doutra delas que non puido vir. Ao final, repartimos as novas obras "Piezas Sueltas, el juego infinito de crear" de Priscila Vela e Mercedes Herrand (non nos cansaremos de darlle as grazas ao CRA de Culleredo por prestarnos os seus libros).  Vémonos en febreiro!

 

 

As faragullas votamos novos libros de lectura.

Hoxe votamos os novos libros de lectura que imos ler, tiñamos que elixir entre un de narrativa e outro de banda deseñada. Finalmente os escollidos foron "A botella de lentellas" de Leticia Barbadillo e "Irene, a porteira" de Óscar Losada con ilustracións de Xulia Pisón. 

Reunión Faragullas

Nesta nova sesión do club de lectura xa que intercambiamos os libros pois tamén intercambiamos faladoiros, velaquí tedes unhas imaxes.

 

Distribuir contenido


by Dr. Radut